Ŋgàn 1:23 - ŊWÀʼ NYÙY

²³ Vèn binkir, e yuùrí ntir ye m fó e vèn. M yíi way vifií vém e věn kitu, e yiì, é vèn wáa dzə afií.

Ŋgàn 1:23 Referans Kwoze

Esiker 33:11

Ku sùúy aáwune ji mo woo Nyùy Tàr woo Taà Ndzə, mo m dzəə̀n shó e tin, bó m yòʼ diy ji wìr liì kisaŋ kpú á kpuún. Ke m diy ki dzə̀ ji wù bin á ndzə̀m é vinyò ve wù buʼtì, e lùŋ. Abaày, wír veé Isray, vèn kóŋ e kpu bèn ji ka? Vèn maʼti liì kisaŋ, vèn ku màʼtì.

Lim Aŋgàa Ntum 3:19

Vèn biner ri melív men mè, e kfə̀n fo Nyùy, é wù laysin vinyo vén ve bi ví,

Joel 2:28

Nyùy Tàr kfə́n a suúy jii: «Wíy lòo dzə fo bàm, é m fó Kiyoy kém e wìr dzə̀m, é wón vén vee vilum wùn à vee vikìyí wáa yu vinyo fo mò, a tiisí. Ŋgày sé wìr sén sí wíy a yen vinyo e njèm, é wón vén vee wónlě nsùme wáa yen vinyo e njà vinjeenjèm.

Aysaya 32:15

Kí wíy a dzə bèy, e dù, e meé mo Nyùy Tàr wíy tsənsí Kiyoy kfə́ e vèsən. Wù tsə́nsi, é kirə́ʼ ké woʼ kí kfə́n lèn ji súm, é súm sí rəŋsin, a dzə ji kóv.

Lim Aŋgàa Ntum 26:20

e kèʼ fo Damaskus, a fìʼtì kinyo kfə́, e bóo wìy dù e Jerusalem. Mò‑oò ghán woŋ woo Juda və̀n e dzə̀m, kfə̀n ghán e wòŋ se wìr ve bó yòʼ dzəə̀n veé Juda, fiʼtì ji wíri biner melív mev, e kfə̀n fo Nyùy, a yiì a vinyo ve ví din ji áwune bìnkìr ne.

Ŋwàʼ Luk 11:13

Mo vèn dzəə̀n wír ve á kù yii vinyo ve bi ví, kù yòʼ kiiy mo dzə̀ á fò vifá ve juŋ vi e wón véné, bo dzə̀ Tàr won wo wù dzəə̀n é yuv fò sá Kiyoy ke Ranén kí e wír ve á lón fo wune.»

Sekariya 12:10

«M wíy yiì, é rám Davir wùn à wír veé Jerusaleme wáa ker shilív she bór shi, a rə̀m vitú vév. Kí wíy yiì, áwune lóo leéy mo wo vé‑eè sòvìn, aá wáa dìy, a dìy, mo dìy wír wo jòʼsho wan və shèsìn, a dìy, moo wír wo wan və mbìy shèsìn.

Ŋgàn 12:1

Wìr wo wù koŋ ntir, sí koŋ kiíy, a wìr wo wù ban naarì dzə̀ kiyúŋ.

Aysaya 45:8

M wíy yiì, é kinyo kém kee tìítiy ki sum nsay moo wuú ye yí keesì fo yuv, ló e nsay. Kù mo nsay yú wuú, viŋgà ví wàa tèʼ, kù dzə̀ mo kinyo kee ji Nyùy luŋer wíri kí ku ràmtìn kitú ke nsay kidzə̀m, é kinyo kee ji wìr yii réŋ kí tátí sá, a ràm. Dzə̀ mo Nyùy Tàr, a yii mo, é bo vinyo vìn vi wáa koóy.»

Ŋgàn 29:1

Wìr wo á tír wun, a wù ŋwáy ntir, kù yíi sàsìn, e gbù, a bó dzəə̀ lùŋ yòʼ kfə̀n dzə̀.

Ŋgàn 10:17

Wìr yuúri ntir, wù bònen shìíy, ŋwáyí, wù bìn é dzəə ye bi.

Nsùyrì Nyùy 145:1

À dzə̀ Nyùy wo m ghvə́mé, à dzə̀ fon wo m lim fo fo, a m yíi a fèr, e wìy dù, e jòʼsì ji à dzə̀ á e gháʼtín.

Hosea 14:1

Éè wìr veé Isray, vèn kfə́n é bàm fo Nyùy Tàr woo Nyùy wón wùn, vèn ku yèn ri mo ajay véné màʼàn ne ven.

Jeremia 3:14

« ‹Wónen, ven ve á ŋwayin mo, vèn kfə́n é bàm e mǒ wùn, kù kér mo ven. Suuy mo woo Nyùy Tàr. Vèn kfə́né, é m shóʼtí wir mòʼón mòʼón fo ŋkàlaʼ, e shòʼtí fo kfəə abaà abaà, e lì, e dù sho e Gwan Sion.

Ŋgàn 1:30

Ntir yem yòʼ dzə̀ aáwuné kitu fə̀m e mòʼón, á ŋwáy vinyo ve m naarì áwune shó ŋwayín.

Ŋgàn 6:23

Nsər se tàr won sí dzə̀ kikaʼày ké, ntir yè won, rán ye yí kaʼày wuú yé, a naarì ye á naarì, kfə̀n sər wòo fó wò dzəʼə̀m.

Ŋgàn 1:25

a vèn kù ŋwáy ntir sém ŋwayín, tén naarì ye m naarì ven,

Joon 7:39

Jesus wáa suúy kin, a wù yoŋ a dzə̀ Kiyoy ke Nyùy ke wír ve á wáy shilív e wùn wùné wíy a ker. Wáa dzə e ghan see shooy, a bó Nyùy yóʼ ne tùm Kiyoy kee shooy, bìʼ fo wù yòʼ‑oò ló ne kòʼór Jesus, wù nəə́ e wùn vikùʼùy.

Joel 2:27

Á bèy, wìr veé Isray, é vèn nèn kìíy ji m dzə̀ á vèsən, e kfə̀n kìíy ji m dzə̀ Nyùy Tàr woo Nyùy won, a wùmòʼ yòʼ kfə̀n dzə̀. Bó wíri yòʼ dzəə́ wìy a shoór wír vém.»

Joel 3:1

Nyùy Tàr suuy jii: «Rúrú, wíy lòo dzə e ghan see shooy, é m siir vikuʼùy vé wìr veé Juda fo, à vé Jerusalem vi.