Ŋgàn 1:22 - ŊWÀʼ NYÙY

²² Ven vee anjìʼ, vèn wíy jìʼ bèn, e dù meé e le? Ven ve á jaʼ wíri, vèn wíy jàʼ, e dù, e meé e le? Ven vee viyúŋ, vèn wíy keerí vifií é ghàn ka?

Ŋgàn 1:22 Referans Kwoze

Ŋgàn 5:12

a ghay wún é kinyò ke kí‑iì yiìn, é bo à tén ntir, e tèn à naarìi shó.

Ŋgàn 1:29

Áwune tèn ne fó a yeʼéy, e kiíy, á tèn ne fó a yunín Nyùy Tàr.

Nsùyrì Nyùy 1:1

Bòŋ ké wìr wo wù yòʼ yuúri ntir wìr ve á méŋ Nyùy, a bó wù yòʼ biʼnìn liì wìr ve bií, a bó wù yòʼ táti wír ve á shéʼ Nyùy.

Ŋgaà Yen 22:17

Kiyoy ke Nyùy wùn jìn wun woo Jesus nèn sàyín jii, «Ku wìy wìyìn.» Wìr dzə̀m wo wù yú kinyo kìn kú a binsí sa jii, «Ku wìy wìyìn.» Kí nén a dzə jii, wír ve á yúm kilòŋ adzə̀me ku wìy, e nò mendzə́v me mè fó dzəʼə̀m yee là may. Wìr wo wù koŋ fó no e dzə̀m, kù yíi a no kisáŋ.

2 Pita 3:3

Kinyo ke kuʼùn ke m taʼ ji vèn kiíy kí dzə̀ jii, ndzə wíy kèʼ may, é wír ámóʼó fəə́, a sheʼ kinyo ke Nyùy shéʼén, a yiì a dzə̀ vinyo ve mensə́ mev mè koŋ vidzə̀m.

Joon 3:20

A kí dzə̀ bey, bìʼ fo wìr wo wù yii vinyo ve bi ví, ban rán yee shooy, léʼ leʼén fo á wáa yen vinyo ve wù yii.

Ŋwàʼ Luk 19:42

a taŋ jii, «Wír veé Jerusalem, e kishiíy ké lán ki, bo vèn ku lò kìíy kinyo ke dzə̀ kí fò ven nyaáŋ. Yii bèy, bó yòʼ dzə̀ vèn dzəə kìíy lèn.

Matio 9:13

Wù kfən sùúy jii, «Vèn du, e yèʼéy nsàv kinyò ke vé‑eè saŋen é Ŋwàʼ Nyùy ji Nyùy suuy a jii, ‹Ke m koŋ ki dzə̀ ji wìr wáa sham wùmòʼ woo wír, e shaà fó a rəsí, a seerí a dzə̀ nyám si, a cù mo shó.› Mo Nyùy suuy bèy, kém kí nén a dzə, a bó m yòʼ wìy ji m kfə́n a bi wír ve á yén vitú vév ji vé Nyùyi. M wìy ji m bí a dzə̀ vé jayi.»

Ŋgàn 21:11

Á maʼ ŋgeʼlàʼ e ŋgaà jàʼ kitu, anjìʼi yèʼéy kinyo fo fo, naarì ŋgaà kìíy, wù keèrí vifií.

Matio 23:37

Jesus nèn lò, e yòŋ jii, «Éè Jerusalem, éè Jerusalem, à yúyri aŋgàa ntum Nyùy, tsə́mri wír ve Nyùy túm fo wò adzə̀m e tíyí, aá kpúkirì. M mùm ne akàŋ anín ji m báʼtí wón vé mo yeè ŋgvəv kùʼtí wón é sar vàv, la à yòʼ a biimé.

Matio 17:17

Jesus yòŋ jii, «Wír vìn, vèn dzə̀ wír kisaŋe. Bó vèn yòʼ lo, vèn wày shilív e Nyùy wùn gheéy. M wíy tsəmrí vinyo vén, e dù meé e le? Vèn taʼ ji m wìy dzə̀ʼə̀m vesən, e mèé e le?» Wù nèn sùúy jii, «Vèn wiy e wan woo shooy, e fò shan.»

Ŋgàn 19:29

Wír ve á shéʼ Nyùyi kù wíy a ker ŋgeʼlàʼ, é ŋgwàne shóʼ ndzə̀m viyùŋ.

Ŋgàn 15:12

Ŋgaà jàʼ yòʼ yii koŋ ji á tír wun, a bó yòʼ dzə̀ wù dù, e mbaà afií gheéy.

Ŋgàn 14:6

Ŋgaà jàʼ jum vifií, làa yòʼ a ker. Wìr lóo səʼə́m, wù wàa ker kiíy cér.

Ŋgàn 8:5

Wòn vem, vee anjìʼ, vèn yéʼéy, a ker vifií ví. Ven vee viyúŋ, vèn kfə́n áàtòŋ.

Ŋgàn 7:7

e yèn wánlè nsùm wùmòʼ, a dzə̀ə́ njìʼ e kiŋkàŋ ké wàʼbìn, a bó vifií ví yóʼ ne tìím, a bó wù yòʼ sí kiiy jeéyjeéy fó vinyò.

Ŋgàn 6:9

Njoó və̀n, à yíi neèm e kikun, e dù meé e le? À yíi yìmèn e ghàn ka?

Ŋgàn 3:34

Rúrú, Nyùy Tàr méŋ wír ve á shéʼ wun, yén a dzə̀ vitú vév. Wù leey wír ve á néŋ e wun si, shám áwune.

Ŋgàn 1:7

Wìr lóo ghvəm Nyùy Tàr, bo wù sí yiì a kiíy vinyo. Yii bèy, kiyúŋ kí ŋwáy kfə́ ntir, tén fó a jùmrì vifií.

Ŋgàn 1:4

Ŋgàn sìn si yíi a yeʼéy anjìʼ, aá wáa ker vifií, a mvə̀ʼtì vifií vé wàʼbìn, aá wáa kiíy mó a tàr vinyo, a shoʼ ke juŋ ki.

Nsùyrì Nyùy 94:8

Ven ve vifií ví dzəə̀n a dzə̀ é kiroʼtí, vèn wáa kiíy vinyo vi. Ven vee viyúŋ, vèn wíy a ker vifií a dzə̀ é ghàn ka?

Ŋwàʼ Jov 34:7

Wìr dzə̀ rú shó wo a dzə̀ wù wàa dzə moo Jov a? Wír, a wù kuu Nyùy, kuu fo tèr mo wìr nò mendzə́v.

Kintaŋ 14:27

«Màŋgòŋ liì kisaŋ və̀n wíy sày mo ben, e dù, e meé e le? M yù ne say ye wír veé Isray vìne say mo.

Ŋwàʼ Fəə 16:28

Nyùy Tàr nèn sùúy e Mooser jii, «Vèn wíy ten fó a lèm nsər sém wùn à ntir sém sí, e wìy dù, e meé e le?

Ŋwàʼ Fəə 10:3

Mooser wùn Aaron nèn dù, e sùúy e Farao jii, «Nyùy Tàr wo dzəə̀n Nyùy wìr vee Hibru suuy jii, ‹À wíy tav kitú fó a yunín mo e dù, e meé e le? Màʼtì, é wír vémé du, e fíʼ cù mo.

Ŋgàn 1:21

Ví kù fúŋ fo atǎr wòŋe tínen nsaʼ seé wòŋ, fúŋ e mentàrnín fo màŋgòŋ ko.

Ŋgàn 1:32

Anjìʼi tén fóo yu ntir, á lì a dzə̀ yév yee kpú. A viyúŋ ví səŋ wún, bo ví yúyri a dzə̀ vitú vév.

Ŋgàn 21:24

Ŋgaà kiŋkoʼòrwùn, à ŋgaà kiràʼsìwùn, yírí kù dzə̀ ŋgaà jàʼ, njiìn və e dzə̀m kù dzə̀ wùn à kiŋkoʼòrwùn kí.

Ŋgàn 22:3

Wìr fiirì, wù bàʼàr kileémé, kiyúŋ kí nə̀ə́ shó nəə́n, a yen ŋgeʼ.

Jeremia 4:14

Éè Jerusalem, vèn su vinyo ve bi ví fo věn meliv, e fíʼ lùŋ. Vèn wíy keerí kwaʼtì ye bií ben, e wìy dù, e meé e le?

Jeremia 13:27

M yèn ne joonè wo vèn yii. Vèn sí yii a dzə̀ visàkì. Vèn ghvə́m anyùy e vitu ve agwan, ghvə́m e viwoóy. Vèn yii moo lumèn wo wù ghán e wiiy wìr bàm, kìn mo nyàm yee lumèn shiì yee wiíy. Éè Jerusalem, lòné dzə̀ wón. Liì won kisaŋ və̀n wíy mày e ghàn ka?»