Ŋgàn 1:20 - ŊWÀʼ NYÙY

²⁰ Vifií ví fúŋ jí se ntir, nan jí e mentàrnín, fúŋ moo wiíy wo wù tóŋ, táŋ kinyo e wáynjáŋ.

Ŋgàn 1:20 Referans Kwoze

Ŋgàn 9:3

e tsə̀nsí və́ vé lìm vee vikìy ji á du, e kòʼ é kitar keé ŋkàlaʼ a fuŋ jii,

Kolosia 2:3

Kù mày wun woo Kristu wo dzə̀ wù mvə̀ʼ vifií vé wìr, bo wù yén rán, e kìíy kinyo ke dzəə̀n ke ru kí.

1 Korin 1:24

Yii bèy, a wír ve Nyùy shoʼon ji və́, kìn dzə̀ veé Juda, kìn veé Griki nèn yén kév ji kinyo kìn ki din a dzə̀ á vitaáví vé Nyùy, kfə̀n din a vifií və́ ve ghaʼán ví.

Ŋwàʼ Luk 11:49

Á kinyo ke kí‑iì yiìn, bo Nyùy woo Taà Vifiì suúy jii, ‹M wíy tum aŋgàa ntum vém fo áwune, aá yúyrí ámóʼó, a nə̀ʼsì ámóʼó.›

1 Korin 1:30

Dzə̀ wun woo Nyùy wo wù liìn ven, e tàtí vèn à Jesus Kristu, wù wáa fo vèsən vifií ve ru ví, Nyùy kfən lì vèsən ji wír vee là jay, e fə̀ə́r vèsən fó lǒn vinyò ve bi ví, a yòŋ ji və́ vee wír.

Matio 13:54

a dù aáwuné ntèʼ yee Naasarer. Wù dù, e mèé fo, e nə̀ə́ e ŋgày bùnrì, a yeʼéy wíri. Á yuúrí, e jàáy, a ghaynín jii, wìr və̀n sà lì vifií vee ben fo gha á? Wù sà ghàn é le, e bó a yiì viŋgaʼnìn ve vinyò ve wù ghán, yii vìn a?

Joon 7:37

Wìy lòo dzə e kishiíy ke vé‑eè sí maar kiŋkàʼ kìy, a dzə̀ kishiíy ke kuʼùn kí fó kiŋkàʼ foo fèy, Jesus nànèn e wírí ntìntìn, e jàŋ kitávín jii, «A kilòŋ kí yúm wír, wù wìy, e yèn mo, e rəə̀r kilòŋ kfə́.

Ŋgàn 1:21

Ví kù fúŋ fo atǎr wòŋe tínen nsaʼ seé wòŋ, fúŋ e mentàrnín fo màŋgòŋ ko.

Jeremia 19:2

é vèr áwune du á e Kiwoóy ké Ben Hinnom, dzə́ə fó shùu kày wo á yoŋ ji wó Vimbvə́ʼ ve Vifa. Á mee fo, é m fiʼti á kinyo ke wun suuy e mò aáwune.

Ŋgàn 9:1

Vifií ví bàʼrì ne lav rə, e tùúy vitóm saàmbà e wùn wó.