A bó wù yòʼ kiiy jeéyjeéy, e meé mo mvəne yíi koo wun, e tosín. Wù kù du moo shinə́n she shí jiŋkìr, du e shùu ntàŋkìr, a bó wù yòʼ kì ji wun sí du, e ran a dzəʼə̀m rə́.
A fə̀m dzə̀ kilìmbìy ke ŋguùmé, mo kí féŋ e yùv, bo kí kù yii kiiy ghán sə́ sé kfən. A vibìŋ wùn à meghaà mè, à vintùŋàshàʼshàʼ vi kù kiiy sév. Yii bèy, a bó wír vémé yòʼ kiiy vinyo ve mo woo Nyùy Tàr tinen, e fò aáwune ji nsər.
Nyàm yee mbòŋ kì wír wo wù kér wun, a kimbèʼbìy kí kì wír wo wù yiir wun. Yii bèy, a wír veé Israyi yòʼ kì fo á binè. Bó wír vémé yòʼ kiiy kinyo ke m yii aáwune.»
