Ŋgàn 1:11 - ŊWÀʼ NYÙY

¹¹ Aáwune lò, a kwàr wò ji à wiy, é vèn áwune téʼ wír, e yùyrí, vèn áwune ku tèʼ á wír wo bó wù yòʼ kiìn fo kí binè, e yuyrí kisáŋ, à wàa yen fó mùm.

Ŋgàn 1:11 Referans Kwoze

Jeremia 5:26

«Wír kisaŋe sì e wír vémé mvəm, aá laay moo wír ve á koó menə́n. Á kóʼor kév vitám, koó a dzə̀ wíri.

Ŋgàn 1:18

Yii bèy, wír vìne kù wáy kitám a dzə̀ kév, aá káv a dzə̀ yév yee kpú.

Ŋgàn 12:6

Ntir wìr ve á méŋ Nyùyi dzə̀ kitám ke kinjuyrì, a wír ve á yú Nyùyi luŋèr kév wíri lúŋerin.

Lim Aŋgàa Ntum 25:3

wù ku yiì kinyo ke á lóné, e tsə̀nsí a Por e Jerusalem. A vé‑eè tàŋ ne ji á yíi teʼ Por e dzəə, e yuyrí.

Lim Aŋgàa Ntum 23:15

Kí nén a dzə jii, vèn à vé wòŋ adzə̀me ku tsə̀nsí ntum fo kitú ke vé rər kí, a wovrí ji vèn kfə̀n taʼ ji á tar á kinyo ke Por kijuŋ. Wù ku kfə̀n kòʼór a Por e věn si. Vèr siiyì, é vèr nèn tèʼ é dzəə, á lóo wìy sho, é vèr yúyrí.»

Mayka 7:2

Rúrú, wìr woo ji wù ghán e Nyùy mbòv mày ne fo kitu ke nsay, a bó wìr wo wù yii réŋ yòʼ kfə̀n dzə̀ə́ e wìr msǒŋ mvəm. Wìr dzə̀m kù sí taʼ a dzə̀ dzəə kinjuyrìwìr, tám alálán, jwím a dzə̀ afə́r shó.

Jeremia 11:19

a mò‑oò dzə́ kém nyaáŋ nyaáŋ moo wan njiì wo á liìn ji á du, e see, a bó wù yòʼ gwarìrì. M yòʼ‑oò ló a kiíy ji á kàr á ne menàŋ e mǒ bàm, e yòŋ jii, «Á laar á kicí wùn à báŋ sə́ sí. Á tsəʼ á ŋwèrín fó wòŋ wìr ve tine, é la wìr yòʼ dzəə wìy a kuumé yír rə́.»

Ŋgàn 30:14

Ŋgwàʼ rə̀n kù dzə̀, a sóŋ sév sí dzə̀ ji nyùy sé rər, sóŋ kijèʼe, ashwàʼ ashwàʼ. Áwune ŋeʼrì gheéy, nəʼsì aŋgàa kitàn, laar aghéʼncey fo wírí mvəm.

Ŋgàn 1:16

Wír ve bi víne yòʼ tíytiy fóo yiì kinyo ke bi kí. Áwune kù dzə̀ kibáʼtín fó teʼ wír, e yuyrí.

Nsùyrì Nyùy 56:6

Aŋgaà vém vibàné bàʼtí, a woóy mo. Á shwéʼ ghán yém, taáme ji á yúyrí mo. Á téʼ mo ji á yúyrí.

Nsùyrì Nyùy 35:7

Á màʼ lálán ji á koó mo shó. Á tùŋ bií ji m gbu shó, mo là njò.

Nsùyrì Nyùy 17:12

Á taáme mo, táʼ sàtì mo taàmé bvərə̀ʼ bey, gvə́rin, taáme mo é kilìr moo wan bvərə̀ʼ.

Joon 15:25

A kí kooy bèy ji kinyo ke vé‑eè saŋen é Ŋwàʼ Nyùy jii: ‹Vé‑eè ban mo kisáŋ›, ki fiʼ ghèén.

Ŋgàn 24:15

Éè wò woo wír wo bi, lá à yòʼ làáy, a teʼ wír wo wù yú Nyùy, a taŋ láʼ rə́. Lá à yòʼ mùm ji à faasi e vitaáví ví.

Ŋgàn 29:24

A wìr suúsin wùn shòŋ, bo wù ban dzəʼə̀m rə́. Aá fə̀m wày wun e vimfar, bo yòʼ dzə̀ wù mùm fóo toʼ kinyo ke wù kiìn.