Ŋgàn 1:10 - ŊWÀʼ NYÙY

¹⁰ Wan wòm, a wír ve á yii vinyo ve bi vií lò, a bayír wò, lá à yòʼ suùsín vèn áwune.

Ŋgàn 1:10 Referans Kwoze

Efesor 5:11

Lá vèn yòʼ wày kiwó e vinyò ve wír ve á ghán e ndzə vitsə̀ʼə́ yii. Vèn wáa fo áwune a dzə̀ rán, aá wáa yen ji vinyo vee shooy vi dzə̀ á joonè.

Ŋgàn 16:29

Ŋgaà melaà lévti ŋgaà shweèsí və, lévti, wù wày é ŋgeʼ.

Nsùyrì Nyùy 1:1

Bòŋ ké wìr wo wù yòʼ yuúri ntir wìr ve á méŋ Nyùy, a bó wù yòʼ biʼnìn liì wìr ve bií, a bó wù yòʼ táti wír ve á shéʼ Nyùy.

Ŋgàn 13:20

Wìr shém ŋgoo afiì, wù kfə̀n ji fií, shém ye viyùŋ, wù bìvír kitú kfə́.

Ŋwàʼ woó Rom 16:18

a kiíy jii, áwune yòʼ lim a dzə̀ á fo Tàr wòsən Jesus Kristu gheéy. Áwune diy a dzə̀ wóv woo shuu. Á lo, á wàa naŋsín kinyo, a fèr, kí wàa nyòm, e nèn a boʼtí wír ve bó á yóʼ ne kìíy vinyo.

Remrí 13:8

lá à yòʼ wìy fò kintóʼ sho. Lá à yòʼ yuùrí kinyo kfə́. Á ku yùyrí ŋgaàŋ yúyrín. Lá à yòʼ wìy rə̀r mendzən fo wun, lá à yòʼ bavtí wun, lá à yòʼ lìtì wun. Á lóo yuyrí, kù tòmbìy tsə̀m wò ŋgaàŋ e tíyí, é màŋgòŋ nèn tsə̀mrí, e yùyrí.

Nsùyrì Nyùy 50:18

Vèn yén shóŋ, á kfə̀n ji ŋkar sə́, shém ŋgoo wír ve á li vikìy wíri.

Ŋgàn 20:19

Ŋgaà viduu yii tóʼti vilìtì ve vinyò. Lá à yòʼ shèm ŋgoo wìr wo wù yav lám.

Kèʼlo 37:20

Vèn wáa wìy, é vèsən yúyrí, e màʼ dzə́n é bii wúmóʼó. Vèsən yií kfə́n e bàm, aá suúy e tàr wòsən jii, nyàm kwaʼ yìmòʼ sìíy ne a e koò, e kfə̀r. Vèsən yii bèy, bo á laàr ne njèm sə́.»

Ŋgàn 24:2

Áwune kù kér a dzə̀ melaà aáwuné kwàʼtì, a kinyo ke kí fəə́ fo áwuné shuù ki kù dzə̀ ji á gheʼ wír.

Aysaya 33:15

Kù dzə̀ kfə́ə wìr wo wù yúnin Nyùy, ghán e wun mbòv, suuy kinyo a dzə̀ ke ru kí. Wír, a wù ŋwáy seʼ mbóʼmé ŋwayín, tén fó a sə kòyàr. Ŋgaàŋ yòʼ kóŋ yu kinyo kee ji á yúyrí wír, kù fə́ti wó rə́ fətín fó kinyò ke bi kí.