Ŋgàn 1:1 - ŊWÀʼ NYÙY

¹ Ŋgàn se vé‑eè baʼtin e Solomon woo fon woó Isray yir, Solomon woo wan Fòn Davir.

Ŋgàn 1:1 Referans Kwoze

Ŋgàn 10:1

Ŋgàn se Solomon si sìne. Wàn lóo ker vifií, kitàr kí wàa yu vijuŋ, yúŋsi, wù wày kiyìy é nsòv.

1 Wòŋ 22:9

Nyùy kfən sùúy e mò ji m wàá yuúrí, e yù, m wíy dzəə́ a wán lumèn wo wíy a dzə a wir nyaáŋ. Wun wíy fo a wun nyaáŋ e wun mvə̀m saʼ, é la aŋgàa vibàn vəə́ yòʼ wìy a nəə́ a wun e rə́r sí. Yír rəə́ wíy a dzə a Solomon, bìʼ fo wun wíy fo a Isray nyaáŋ, aáwune wáa dzə là kinyo ké a fàn e ghan se wù sáʼá.

Ŋgaà Tàrvìnyò 1:1

Vinyo veé ŋwàʼ fèn vi dzə̀ ve Ŋgaà Tàrvìnyò woo wan Davir‑iì yòŋèn, a wù‑uù dzə̀ fon e Jerusalem.

Ŋgàn 25:1

Ŋgàn se Fòn Solomon símóʼ sí sìne, a dzə̀ se wír Hesekiyàa wayin é ŋwàʼ, Hesekiya woo fon wìr veé Juda.

1 Wòŋ 28:5

Fo wón ve Nyùy Tàr foon e mò agháʼáné, wù nen shòʼ wán wom woo Solomon ji kù wíy dzə̀ʼə̀m a wun e kàvàʼ woó Isray wo dzəə̀n kitúm ke wun woo Nyùy Tàr.

1 Afòn 2:12

Á bèy, Solomon nèn lì kirə́ʼ ké tàr wov Davir, á kóʼór wun e kàvàʼ, sáʼ rəə́ tuúy.

Ŋgaà Tàrvìnyò 12:9

Yòʼ kù‑uù jòʼsì fiír ye Ŋgaà Tàrvìnyò və̀n‑eè fiirin, wù‑uù yéʼey wíri mo á wáa kiíy jeéyjeéy fó vinyò. Wù‑uù lì ghán, e kàʼày, e kfə̀n sìysì ŋgàn sinín.

1 Wòŋ 29:28

Fòn Davir‑iì ló a ker káv, a ker ghvə́m, a ker dzəʼə̀m ye dáa. Wù‑uù lay, a wù dzə́n ne, e kòŋrí koŋrín, wan və Solomon nèn yì vifon, a saʼ e wun ntaʼ.

Joon 16:25

«Mò‑oò rə́si fer vinyo e vèn a dzə̀ é ŋgàn, a ghán se m wíy a fèr tìítiy, a fìʼ kiránén mo Tàr wor dzəə̀n sí sí gheenè.

1 Afòn 5:12

Nyùy Tàr‑iì lo fò Solomon vifií réŋréŋ mo wù‑uù kàʼàn. Nyaáŋ kfə́n a dzə e Fòn Solomon wùn Hiram nsàn, áwune vee abàá nèn lò, e gwàr *mensaŋ.

1 Wòŋ 29:23

Solomon nèn yì ntaʼ tàr wov Davir, e kòʼ é kàvàʼ wo dzəə̀n ji wo Nyùy Tàr. Sáʼ rəə́‑əə̀ du kijuŋ, a wìr woó Isray e dzə̀m ghvə́m wun.

Ŋgàn 22:21

A m sàŋ ji à fiʼ kìíy a kinyo ke dzəə̀n ke ru kí, kiiy feyì kijuŋ, áà fiʼ kfə̀n fo wìr wo wù tumen wò, e naàrì vinyo ve réŋ ví shó.