Nehemia 9:6 - ŊWÀʼ NYÙY

⁶ Á nèn a bùnrì jii: Kù dzə̀ wò wo à dzəə̀n Nyùy Tàr. Yì‑iì bòm wò yúv wùn à ntoò yùv, à kifá kidzə̀m ke kí dzəə̀n fó ki. Bòm wò kitú ke nsay wùn à kifá kidzə̀m ke kí dzəə̀n shó ki. Ku bòm wò rìbà ndzə̀v wùn à vifá ve ví dzəə̀n shó vi. Kù fó wò dzəʼə̀m e vifá vi vidzə̀m. Vifá veé yuv vidzə̀m vi gvə́ʼti e wò si, ghvə́m wò.

Nehemia 9:6 Referans Kwoze

Aysaya 37:16

«Éè Nyùy Tàr woo Taà Mànjòŋ, Nyùy wìr veé Isray, wò wo a dzə́ e kàvàʼ e *vifá veé yuv ve ví kér vav si ví nsàn. Kù dzə̀ wò Nyùy vèn mòʼón wo à sáʼ vitúm veé kitu ke nsay vidzə̀m. Kù‑uù bòm wò yúv wùn à nsay.

Kèʼlo 1:1

Yì‑iì dzə̀ fó mbìy, Nyùy‑iì bòm yúv wùn à nsay.

Ŋgaà Yen 4:11

«Nyùy, kù dzə̀ wò Tàr wor. Kér wò vitaáví vidzə̀m. Bòm wò vifá vidzə̀m. Wò‑oò bòm mo wò‑oò kòŋèn, ví wáa dzə sho a dzə̀ bìʼ wò. Dzə̀ wò wo dzə̀ á wàa ghvəm, a burí.»

Remrí 10:14

E ké ru kí, yúv wùn à kifá kidzə̀m ke kí dzəə̀n fó ki kù kér Nyùy Tàr woo Nyùy won. Kitú ke nsay wùn à kifá kidzə̀m ke kí dzəə̀n shó ki kú a ker wun.

Remrí 6:4

«Éè Isray, vèn yú, Nyùy Tàr woo Nyùy wòsən, kù dzə̀ wun Nyùy Tàr wùn mòʼón.

Aysaya 44:8

Wìr vem, lá vèn yòʼ a fàn. Mò‑oò sùúy ne e vèn, e kèʼ fo kèʼ, vinyo vidzə̀m ve ví kù kér fó wìy a koóy, a vèn dzə̀ anjen vém. Á bèy, vèn naari e kibér ke wìr ki. Nyùy wùmòʼ kfə̀n dzə̀ shó, e shaà mo á? Nyùy wùmòʼ kfə̀n dzə̀ shó wo wù kiŋsìn ven, a bó dzə̀ mo á?»

Aysaya 44:6

Nyùy Tàr woo Taà Mànjòŋ, wun woo Fon wìr veé Isray, woo Mfə̀ə́r wov suuy jii, «Dzə̀ mo keʼ, a kù dzə̀ mo kinjòʼsì, kù mày mo wo dzəə̀n Nyùy.

2 Afòn 19:15

Hesekiya nèn a bùnrì Nyùy Tàr jii, «Éè Nyùy Tàr, Nyùy wìr veé Isray, wò wo à dzə́ e kàvàʼ e nsàn *vifa veé yuv ve ví kér vav si. Kù dzə̀ wò Nyùy vèn mòʼón wo à sáʼ vitúm veé kitu ke nsay vidzə̀m. Kù‑uù bòm wò yúv wùn à nsay.

Kèʼlo 2:1

Á mo Nyùy‑iì màysìn, e bòm yúv wùn à nsay, à vifá ve ví dzəə̀n shó vi vidzə̀m.

Aysaya 43:10

«Éè wìr veé Isray, dzə̀ ven vin ve dzə̀ á fèr kinyo kee kùm mo e wír ámóʼó. Vèn dzə̀ wír vém lìm ntayi ve m shoʼon. M shòʼ ji vèn kiíy kinyo kee kùm mo, e wày shilív e mǒ wùn, a kiíy kijuŋ ji kù jòʼ mo Nyùy. Nyùy wùmòʼ yòʼ‑oò ghàn ne a dzə, é bo m wáa dzə, a bó wùwun yòʼ wíy a dzə.

Ŋgaà Yen 14:7

Wù wáa wìy, a jàŋ kitávín jii, á wáa fàn Nyùy, a burí vitaáví və́. Ghán se wù sí yìi tàr vinyo ve wíri, e tinén si ghèén a ne. Á wáa ghvəm wun ji Nyùy. Dzə̀ wun wo wù‑uù bomen yúv wùn à nsay, e fə̀ə́r rìbà ndzə̀v wùn à ntòŋ sé ndzəv sí.

Nsùyrì Nyùy 36:6

Yii yé ye ruú tíy fo moo virùmèn ve ghaʼtín ví. Wáy ye à wáy kinyóo dzə̀ e shoón moo rìbà ndzə̀v. Kù leey wò fo wìr msòŋ wùn à nyám si.

1 Afòn 8:27

«Rúrú, Nyùy, a dzə̀ wò à dzə̀ʼə̀m é kitu ke nsay a? Yúví yoʼ fə̀m kùʼ ye dzə̀ wú keèrí wò. Bo lav cù rə̀n yòʼ fə̀m mèé e gha, ye dzə̀ yì keèrí wò.

Hibru 1:3

Wù dzə̀ ji kikúv ke wun woo Nyùy, a dzə kinyo kidzə̀m ji Nyùy, njaʼkìr réŋréŋ moo Nyùy. A dzə̀ wun wo wù kér ndzə e dzə̀m e wùn kiwo, súŋnin, bo yì wáa ker vitaáví, a lìm mo yì limè. Nén a dzə wun wo wù‑uù manen vinyo ve wìr veé ndzə ji á fíʼ ran fo áwuné ajay. Wù màysì, e nèn kòʼ é yuv, e dzə̀ʼə̀m e Nyùy woo Taà Vitu ghaŋ.

Hibru 1:6

Wáa dzə e ghan se wù‑uù sí túm Wán və wo wù tíy mbìy vifa vidzə̀m ji wù wiy é ndzə fèn, wù kfən sùúy sho jii: «Nshèelav se wun woo Nyùy sidzə̀m si kù kér fó a gvəʼtí e si wo.»

Aysaya 37:20

Éè Nyùy Tàr woo Nyùy wor, ku sə̀ ver fo wír veé Assiriyàá wo, é vitúm veé kitu ke nsay vidzə̀m vi fiʼ kìíy ji kù dzə̀ wò wo à dzəə̀n Nyùy Tàr.»

Nsùyrì Nyùy 86:10

À dzə̀ e wíy, kfə̀n yii viŋgaʼnìn ve vinyò. Kù jòʼsì wò wo à dzəə̀n Nyùy.

2 Afòn 19:19

Éè Nyùy Tàr woo Nyùy wor, ku sə̀ ver fo wír veé Assiriyàá wo, é vitúm veé kitu ke nsay vidzə̀m vi fiʼ kìíy ji kù dzə̀ wò wo à dzəə̀n Nyùy Tàr.»

Esiker 20:11

e fò áwune nsər sém wùn à ntò se vinyò si, a dzə̀ vinyo vìn ve wìr lóo yunín, lóo yiì, wù wàa ker dzəʼə̀m.

Nsùyrì Nyùy 146:6

wun woo Nyùy wo wù‑uù bomen yúv wùn à nsay, e kfə̀n bòm rìbà ndzə̀v, à vifá ve ví dzəə̀n shó vi vidzə̀m. Nyùy Tàr kù yii tíy e wun jì ghán sidzə̀m,

Nsùyrì Nyùy 103:21

Ven vee vé rər və́, vèn wáa burí wun, ven vee aŋgàa lìm və́ ve á lim mo wù koŋè.

Nsùyrì Nyùy 33:6

Nyùy‑iì sùŋnín suŋnín, yúví nèn a dzə e bómén, e yòŋ yòŋèn fó shuù, vifá veé yuv ví nèn a dzə.

1 Afòn 22:19

Mikayia nèn kfə̀n a suúy jii, «Fòn ku yuùrí a kinyo ke Nyùy Tàr. M kì yèn á Nyùy Tàr, a wù dzə́ e wun kàvàʼ, a nsheèlav sə́ sí tíy e wun ghaŋ, à fó koy ŋkoòvìi, à fo wó yìyí,

Joon 10:30

a vèr Tàr wor dzə̀ ji kitú kimòʼón.»

Kèʼlo 32:2

Jakov yén áwune, e njàʼàm jii, «Féne dzə̀ kiláʼáy ké vé rə́r Nyùy.» Wù nèn yòŋ kirə́ʼ kee shooy ji Mahanayim.

Lim Aŋgàa Ntum 4:24

Áwune yú, e nèn tàtí, a lon a dzə̀ fo Nyùy, a bùnrì jii, «Nyùy woo Taà Vitu, yì‑iì bòm wò yúv wùn à nsay, à ndzə́ví, à vifá ve ví dzəə̀n shó vi vidzə̀m.

Nehemia 9:5

Wír veé ram Levi vee ji Jeshua wùn à Kadmiel, à Bani, à Hashavneya, à Sherebia, à Hodia, à Shebania, e lì Petahia, á nèn yòŋ jii, «Vèn lo lèn, a burí Nyùy Tàr woo Nyùy won, wun wo wù‑uù siìn, a wù kù wíy a dzə ghán sidzə̀m. Á kú a burí yír rə́ ye yí kùʼùn, e shaà mo a dzə̀ wìr kwà, e kfə̀n shòŋrì.»

Nsùyrì Nyùy 24:10

Fòn wo wiy və̀n dzə̀ la? Dzə̀ Nyùy Tàr woo Taà Mànjòŋ, dzə̀ wun Fon wo wiy.

Nsùyrì Nyùy 102:25

Wò‑oò tùúy ne kitú ke nsay fo yàŋgùʼ, a kù‑uù tàm wò yúv e wó yée.

Nsùyrì Nyùy 115:15

Nyùy Tàr ku səə̀vì ven, wun woo ŋgaà mbóm yùv wùn à nsay.

Aysaya 45:12

Yì‑iì bòm mo nsay, e bòm wíri, e lèm ji á wáa dzə sho. Yì‑iì bòm mo yúv, e bòm vifá vee fó, e lèm fo.

Jona 1:9

Wù bìnèr jii, «M dzə̀ wir Hibru, a m yii ghvə́m Nyùy Tàr woo Nyùy woó yuv, a dzə̀ wun wo wù‑uù bomen rìbà ndzə̀v wùn à nsay.»

Kèʼlo 1:9

Nyùy nèn sùúy jii, «Ndzə́v ye yí dzəə̀n é sar yuví báʼtí kirə́ʼ kimòʼón, é kirə́ʼ ke yumér kí yénsín.» Kí ku nèn a dzə bèy.

Remrí 32:39

«Vèn yén ri lèn, dzə̀ mo, a kù mày mo Nyùy. Bó Nyùy wùmòʼ yòʼ kfə̀n dzə̀, e shaà mo. Kù lo, yùyrí mo wír, a kù siì fó mo dzəʼə̀m e wìr. Kù lémer mo wír, a kù kfə̀n fer mo. Kinyo ke m wayin ji m kù‑úù yii, bó yòʼ dzə̀ wìr sə̀r.

Nsùyrì Nyùy 124:8

Ŋgaà sə wor kù dzə̀ Nyùy Tàr, wun wo wù‑uù bomen yúv wùn à nsay.

Jeremia 32:17

«Àshè, Nyùy Tàr woo Taà Ndzə, dzə̀ wò wo wò‑oò bomen yúv wùn à nsay e vitaáví vé ve ghaʼán ví, wò wo à dzəə̀n e gháʼtín. Kinyo ke a dzə̀ kí ghàʼ wò ki yòʼ dzə̀.