Nehemia 9:37 - ŊWÀʼ NYÙY

³⁷ Nyanyày ŋkav wo wù fəə́ fo nsay fèn sí du a dzə̀ áàfon ve à lèmèn ji á wáa saʼ ver bìʼ liì wor wo bií. Aáwune sí yii e vèr à nyám sér sí a dzə̀ mo á kòŋèn, a vèr dzə̀ lèn e ŋgeʼ ye tavín.

Nehemia 9:37 Referans Kwoze

Remrí 28:33

Kitúm ke bó vèn yòʼ‑oò yiì ne kìíy ki kù wíy a kav vifá ve vèn ndzə̀ʼnìn, e lìm, é kén kí ku mày nə̀ʼsì wùn à kwiiròn wo vèn wíy a tuŋ, là meemè.

Remrí 28:48

Kí nén a dzə jii, vèn wíy a lìm fo aŋgaà vén vibàn ve Nyùy Tàr wíy tsənsí, aá ton vené. Vèn wíy a tooŋé jíŋ, a kpu kilòŋ ke yumén kí, a dzə kilor, a ghiy ghiyín é mvə̀m kitàn. Wù wíy yiì, aá wáy fáŋ kishàa e věn kilòŋ, e meé mo á wíy laàr ven.

Esra 7:24

Vèn kfə́n a kiíy ji bó á yoʼ fò ven vitaáví ji á wáa sə mbàm se maʼàn sí, kìn nsùʼ, kìn nshwì fo wír vee ji atàá cù wùn à wír veé ram Levi, à vé yòvi, à ve á leey lav cùu, à ve á yii lim se lav cùu, e bóo lì ámóʼó ve á lim menyorìn memoʼ mè e lav Nyùy fèn.

Joon 8:33

Á nèn njàʼàm jii, «Vèr dzə̀ rám Abraham, a bó vèr yòʼ‑oò yiì rèŋ vikwàn fo wìr gheéy. À wáa suúy ké ji vèr wíy bòy fo vikwàn a dzə̀ viné ví?»

Nehemia 5:8

Á wìy, m suúy aáwune jii, «Vèsən‑eè lo mùm mo mentàsìn mesən mè dzəə̀n, e tìn afə́r vesən veé Juda ve vé‑eè fiìnèn ne e vitúm vi. Lèn və̀n, kù fiinè ven afə́r vén ámóʼó, jòkìnyàʼ, a fiìnè e wír vee vèsə́n mvəmé.» Áwune gòʼ kisə́sə, bìʼ fo á yòʼ‑oò ló a ker kinyo kée suúy.

Esra 6:8

Yii bèy, m nén a suúy e vèn vinyo ve vèn yíi yiì, e bóo tom vilìmbìy veé Juda, aá baʼri lav Nyùy rə̀n. Á yíi a fo mbàm se lìm réŋréŋ mo kí dzəə̀n, a sí yíi a fəə a dzə̀ fó kibàm ke lèm keé ntoʼ, a dzə̀ fó mbàm se maʼàn se á yii báʼti fo mbìv wòŋ ye á liysin ne Yufret fo shùy yii nəə. Vèn ku yiì bèy, é la lim yee shoone yòʼ tìím.

Esra 4:13

«Nyàr, vèr ku kfə̀n a suúy a jii, aá lòo dzə e màʼtì ji wír vìne kfən bòm á ŋkàlaʼ rə̀n, e màysì wùn à kayi, bo áwune yòʼ dzəə́ yiì a màʼ a mbàm, a fo nsùʼ wùn à vidzə̀ ví, e bóo lì nshwì, é kitáv keé ntoʼ ki nèn waà shùŋrìn.

Remrí 28:51

Áwune wíy sàʼ nyám sén sáʼan, e laàr vifá ve yi vén, e meé mo vèn wíy rèŋ, e mày. Á yòʼ wíy ber kifá e vèn, kìn dzə̀ ŋgoòy kifa, kìn meluʼ, kìn meŋgvə́r, kìn wan nyàm, kìn wan bvəy, kù bey, e dù, e meé mo á wíy səʼsí ven, é vèn kpúkír.

Remrí 28:39

Vèn wíy bìy súm vitiír vé vayin, e bonén naŋsín, yii bèy, é koʼòr sí lá, a bó á yòʼ wíy kòy báŋ fo fo, e bóo jòkìnyàʼ ji á nó meluʼ me á fer fo fo.

Cù 26:17

M yíi shwivír ven, áàŋgaà vén vibàné wáa ghaʼ ven. Wír ve á ban vené yíi a fo sáʼ e vèn. Vèn wíy a leʼ, a bó wìr yòʼ jum ven.

Yòvdìy 5:5

Wír ve á nyoorì verí sí koóri nsən sér, a vèr sí kee keèn, là meemè.