Nehemia 9:33 - ŊWÀʼ NYÙY

³³ Kinyo kidzə̀m ke kí‑iì kooyin ver kí dzə̀, a wò‑oò yiì réŋ. À kù‑uù yii kijuŋ e vèr, fə̀m mo vèr‑iì yii kibí e wò.

Nehemia 9:33 Referans Kwoze

Nsùyrì Nyùy 106:6

Vèr jày ne, kù mo atàr vérí‑iì jáyí. Vèr kù‑uù táv a dzə̀ kitú, buʼtì vinyo ve bi ví.

Kèʼlo 18:25

Rúrú, bó yòʼ dzə̀ wò wo dzə̀ à yùyrí wír vee là jay wùn à vé jayi. Yòʼ dzə̀ kí kòóy bey. Bó yòʼ dzə̀ wò wo a dzə̀ à yiì bey. Aà yiì bèy, bo à sí maʼ ŋgeʼ aàlàjayi wùn à vé jayí kitu réŋréŋ. Mo tínen wò nsaʼ seé kitu ke nsay sidzə̀m, bo bó yòʼ dzə̀ à kù yiì a dzə̀ kinyo kee réŋ kí a?»

Yòvdìy 1:18

«Kinyo ke Nyùy Tàr yiìn e mò kí dzə̀ réŋ. M yòʼ‑oò lo yùnín nsər sə́. Wìr dzə̀m ku yuùrí, e yù, e lèéy ŋgeʼ sém sí. Aŋgàa vibàné koòrí ne wónlě nsùm vém, e koòrí wónlě ŋgòn vém, e dù sho e kwaʼ nsàm.

Jeremia 12:1

Nyùy Tàr, a m neèr nsaʼ yem e wò si, bo ŋgaà réŋ kù yíi a dzə wò. Yii bèy, a m kù‑úù neer vinyo vìn e wò si, e yù ó mo wo‑óò tínén. Wír ve á méŋ wòo lo, á wàa ker dzəʼə̀m ye juŋe bìʼ ka? Vé kimboʼtìi lo, á wàa dzə dzə́ ye juŋe bìʼ ka?

Nsùyrì Nyùy 145:17

Nyùy Tàr yii kinyo kidzə̀m là kiloʼ, a vinyo ve wù yii vidzə̀m vi kù din mo wù dzəə̀n e juŋ.

Nsùyrì Nyùy 119:137

Rúrú, Nyùy Tàr, à dzə̀ là jay, à tínen vinyo vé, a ví kù du tìítiy.

Ŋwàʼ Jov 34:23

Bó yòʼ yii sháv wír ghán símóʼ sí, lemè, ghán se dzə̀ wù tìím e Nyùy si e kibàʼ ke nsaʼ.

Ŋwàʼ Jov 33:27

Á bèy, ŋgaàŋ yíi lòo leéy wíri, é wù wáa tunrí jii, ‹Mò‑oò jày ne, e jwìvrì kinyo kee tìítiy, a bó Nyùy yòʼ‑oò lo màʼ ŋgeʼ e mǒ kitu mo jay wom dzəə̀n.

Esra 9:15

Éè Nyùy Tàr woo Nyùy woó Isray, à dzə̀ là kiloʼ. Vèr dzə̀ lán a dzə̀ kibér ke wìr. Leéy ri e yèn, vèr tíy e wò si vèr aàjay vérí, a bó vèr yoʼ ghèén a tiy bìʼ ajay vee shoon.»

Nehemia 9:34

Afon vér wùn à vilìmbìy vi, aàtàá cùu, aàtàr vérí yòʼ‑oò ló a lèm ntir sé, a bó á yòʼ‑oò ló a yu nsər sé, kìn shivtì ye wò‑oò shivtì áwune.

Jeremia 44:3

a kù dzə̀ bìʼ vinyo ve kisaŋ vi ve áwune‑eè yiìn. Vé‑eè ŋàʼár dòʼshwíiy wom e kiláy ke áwune ton, cu anyùy sho ki. Anyùy ve bó áwune yòʼ‑oò lò ghàn sìíy e kìíy, a bó vèn yòʼ kì sá, aàtàr véné yòʼ kì.

Ŋwàʼ Fəə 32:31

Mooser nèn kfə̀n kòʼ é gwan, e tìím e Nyùy Tǎr si, a lon wun, a suúy jii, «Éè Nyùy Tàr, wír vìne jày jay wo tavín féyì. Áwune fèr shibvə̀m e kisha ke mbàm ke baar kí, a ghvəm ji Nyùy.

Nehemia 9:8

Wò‑oò yèn, a wù wáy shilív e wò wùn, à nèn gwàr *mensaŋ vèn wun ji à wíy fo a nsay e rám rəə́, a nsay rə̀n‑eè dzə̀ ye wìr veé Kanan wùn à ye wìr veé Hit, à ye veé Amor, à ye veé Peris, à ye veé Jebus, e lì ye wìr veé Girgash. À lèm ne ŋkàʼme wò, kù mo à yii yii vinyo vé tìítiy.

Esiker 11:12

Vèn wíy kiíy ji m dzə̀ á Nyùy Tàr, wo dzə̀ m làʼ ven e ŋgeʼ bìʼ fo vèn kù‑uù ŋwày sáʼ yém e làa yòʼ jùmrì vinyo ve m tinen, e kù ghàr liì a dzə̀ wo vitum ve ví gìŋèn ven, e tàr.› »