Nehemia 9:32 - ŊWÀʼ NYÙY

³² Éè Nyùy wor, à kùʼ e ŋàŋ, a dzə e wíy, aà dzə̀ e gháʼtín. À yii tíy e wò mensàŋ, din koŋ yé ye wiyí. Lá à yòʼ a kay ŋgeʼ ye yì dzəə̀n e věr kitu rə̀n. Kèʼ fo ghan sé afòn veé Assiriya, vèr aàfon vérí, à vilìmbìy vi, aàtàá cùu, aàŋgàa ntum Nyùyi, aàtàr vérí, à wír vé adzə̀me dzə̀ a dzə̀ é ŋgeʼ, e wìy shem lán.

Nehemia 9:32 Referans Kwoze

Nehemia 1:5

Mò‑oò bunrì jii, «Éè Nyùy Tàr woo Nyùy woó yuv, à kùʼ, aà dzə̀ e gháʼtín. À yii tíy e wò *mensàŋ, din koŋ yé ye wiyí e wír ve á koŋ wò, yúnin nsər sée.

Remrí 7:9

«Bo dzə̀ ji vèn kiíy á ji Nyùy Tàr woo Nyùy won kù dzə̀ wun Nyùy. Wù dzə̀ Nyùy woo ŋgaà suuyrú, a wù yii tíy e wun mensàŋ, din koŋ rə́ ye wiyí e wír ve á koŋ wun, kfə̀n lem nsər səə́. Wù kù wíy a dìn bèy mo ŋgwàʼ sév sí wíy a koʼ viyá viyá là may.

Daniel 9:8

Éè Nyùy Tàr, woómé si kù sùm ne vèr aàfon vérí, aàtǎr wòŋe, e lì atàr vér vee fó mbìy súmen, bìʼ fo vèr jayin ne e wò.

Daniel 9:4

M ku nèn a bùnrì Nyùy Tàr woo Nyùy wom, a tunrí ajay wìr vém, a yòŋ sho jii: «Éè Nyùy Tàr, à dzə̀ Nyùy, aà shaà vitaáví, a vèr ghvə́m wò. À kù yii tíy e *mensàŋ me wò‑oò gwàrìn vèn à wír vée, din koŋ yé e wír ve á koŋ wò, kfə̀n yúnin nsər sé.

Daniel 9:6

Jòkìnyàʼ, vèr yoʼ yùnín kinyo ke aŋgàa ntum vée‑eè fìʼtìn e wò yir, aáwune ve aŋgàa lim vée‑eè lo fìʼtì kinyo ké aàfon vérí, e fìʼtì aàtǎr wòŋe, e fìʼtì aàtàr vér vee fó mbìyi, e lì wir dzə̀m woó kitum.

Nsùyrì Nyùy 66:5

Vèn wiy, e yèn lim ye Nyùy lìmèné. Wù ghàʼ ne e lìm se wù lim e wìr msǒŋ mvəm sí.

Nsùyrì Nyùy 66:3

Vèn wáa burí Nyùy, a suúy jii, «Lim sé sí dzə̀ sigháʼtín, vitaáví vé vi kùʼ e ŋàŋ, aŋgàa vibàn vée kú a yàʼ e wò si.

Nsùyrì Nyùy 47:2

Nyùy Tàr woo Taà Vitu shaà vitaáví. Wù dzə̀ Fon wo wiy, a sáʼ wun kitú ke nsay kidzə̀m.

Esra 9:13

«Éè Nyùy, vinyo ve ví kooyin ver vidzə̀m vi dzə̀ bìʼ yii yér ye bií wùn aàjay vér ve ghaʼtíné. Yii bèy, a wò woo Nyùy wor, à yoʼ fə̀m màʼ ŋgeʼ e vèr a dzə̀ mo yii yérí dzəə̀n. À kfə̀n lèm kibér ke wìr vér.

2 Afòn 25:7

Á kfə̀n‑eè yùyrí wón Tsədekiya, a wù yéné, e nèn fə̀tí sí sə́, e kùr wun aàsháŋé, e lì, e dù sho e Babilon.

2 Afòn 23:29

Wáa dzə e ghan se Josia‑aà dzəə̀n fon sìn, Farao Neko woo fon woó Ejiv nèn lò, e kòʼ é ndzəv yee Yufret ji wun tóm á fon woó Assiriya. Fòn Josia fəə́, e dù ji wun tíner a Farao Neko, à vé rər veé Ejivi é Megiddo, á nèn yùyrí wun e shùu rər.

2 Afòn 17:3

Fòn Shalmaneser woó Assiriya lò, e nə̀ə́ Fòn Hoshea e rə́r sí. Hoshea gbù wun, e nèn a fo nshwì e wun viyá vidzə̀m.

2 Afòn 15:29

Yì‑iì dzə̀ é ghan sé Fòn Peka woó Isray sìn, Tiglat‑Pileser woo fon woó Assiriya wìy, e faàsì ntèʼ see Ijon, Abel‑Bet‑Maaka, Janoa, Kedesh, e lì Hasor, e kfə̀n faàsì ŋgvən seé Gilead, wùn à seé Galeli, à seé Navtali si sidzə̀m. Wù faàsì bèy, e koòrí wíri, e dù sho e Assiriya.

2 Afòn 15:19

Wáa dzə e ghan fóo fèy, Pul woo fon woó Assiriya lò, e nə̀ə́ rə́r é Isray. Menahem nèn lò kfə́, e fò wun *kisha ke mbàm ke fəvír kí akilu nsə̀kì nshòv sikweè e mtaár (34,000) ji wun fiʼ koò wun e viŋkar, é wù sə́ wun, e tòm á vifon və́, é ví tuúy.

1 Afòn 8:23

e nèn a bùnrì jii, «Aà Nyùy Tàr, Nyùy wìr veé Isray, Nyùy wùmòʼ yòʼ kfə̀n dzə̀ moo wò, ǎ yuv, ǎ nsay. À kù yii tíy e wò ŋkàʼmé, kfə̀n din koŋ yé ye ruú aàŋgaà vé lìme, ve á yúnin wò shilív shév shidzə̀m.

Remrí 7:21

Lá vèn yòʼ wìy a fàn áwune. Nyùy Tàr woo Nyùy won dzə̀ e věn mvəm, a wù dzə̀ ŋgaà vitaàví ve wiy ví, a wù kfə̀n beèmé sa e ŋàŋ.

Cù 26:28

bo m yíi shwiíy kilòŋ ke biibí kí, e shwivír ven, e dzə̀sì ŋgeʼ e věn kitu, é sí foy, e shaà sé mbìy si kàŋ saàmbà, kù bey, bìʼ vinyo vén ve bi ví.

Cù 26:24

bo mómò, m kù yíi meŋ sa ven, e màʼ ŋgeʼ e věn kitu kàŋ saàmbà mo jay won dzəə̀n.

Cù 26:21

«Vèn shaa fó mbìy, e kù a tav kitú vèsən, e tèn fó a yunín mo, bo m kfə̀n yíi dzə̀sì ŋgeʼ sén kàŋ saàmbà mo jay won dzəə̀n.

Cù 26:18

«Vinyo ve ghaʼtín vin vi kooy bèy, vèn lurì, kfə́n tén fó a yunín mo, bo m yíi dzə̀sì ŋgeʼ sén kàŋ saàmbà bìʼ ajay vén.

Ŋwàʼ Fəə 18:8

Mooser nèn fèr e tàr à wiiy və kinyo kidzə̀m ke Nyùy Tàr yiìn e Farao wùn à wír veé Ejivi bìʼ wír veé Isray. Wù kfən fèr sho mo wíri‑iì yén ŋgeʼ e dzəə, e naàrì mo Nyùy Tàr‑iì səən áwune fó ŋgeʼ foo fèy.

Esra 4:2

áwune nèn dù, e yèn Serubbabel wùn aàtǎr kfəə Israyi, e sùúy aáwune jii, «Vèsən tátí, a bàʼrì lav Nyùy Tàr, bìʼ fo kù dzəə̀n sá Nyùy wo vèr yii cu, a vèr‑iì sí seéri nyám si, cu wun sho, e kèʼ fo ghan se Fòn Esar‑Hadon woó Assiriya‑aà wìyìn e vèr fen.»

Esra 4:10

Á kfə̀n‑eè tàtí sá kibér ke wìr kidzə̀m ke Fòn Osnappar woo kighvə́m ke wìr‑iì koorin, e wìy dzə̀ʼə̀r e ŋkà se laʼ seé Samaria, e bóo dzə̀ʼə̀r ámóʼó é virə̀ʼ vímóʼ ví é mbìv wòŋ foo fèy ye yì dzəə̀n, aá líysín ne ndzə́v yee Yufret, e mbìv yee fo shùy yii nəə.

Aysaya 9:6

Kí dzə̀ jii, vèsən kòóy ne wán. Á fò ne vèsən wán lumèn. Wù wíy a saʼ vifon. Á wíy a yòŋ wun jii, Ŋgaà Ntir wo ghaʼán, Nyùy wo kuʼùn, Tàr wo wù gòʼòn kàŋ mòʼón, Wan Fòn woo Ŋgaà Nyaáŋ.

Remrí 7:12

«A vèn wày vifií é vinyò ve Nyùy tinen vin, a lèm, a yiì mo ví dzəə̀n, bo Nyùy Tàr woo Nyùy won wíy a tiy e mensàŋ me wù‑uù gwàrìn wùn aàtàr véné, e lìʼ, e kù wìy a dìn ven koŋ rə́ ye wiyí.

Remrí 7:13

Wù kù wíy a kòŋ ven, a səə̀vì ven, e yiì, é vèn wáa kùʼ. Wù wíy səə̀vì sa kidzəə́y kén, e kfə̀n səə̀vì nsay yen, é yì wáa fəə́r vifá ve yi, a fəə́r meluʼ, a fəə́r meŋgvə́r. Wù wíy a səə̀vì nyám sén, é sí wáa dzəəkír e nsay ye wù‑uù kàʼàn atàr vén shó ji wun wíy fo e vèn.

2 Afòn 17:6

Wáa dzə, a Fòn Hoshea sí sáʼ ji kiyá bvə̀ʼə̀, wír veé Assiriyàa nèn tòn Samaria, e kùúy wír veé Isray, e dù sho e Assiriya, e lèm ámóʼó é Hala, e lèm ámóʼó é Gosan e ghaa ndzəv yee Habor, ámóʼó é ŋkà se laʼ seé Media.

2 Afòn 17:23

Kù bey, kù bey, e dù, e meé mo Nyùy Tàr‑iì jùmèn wír veé Isray fo wun si, kù mo wù‑uù yiìn, aŋgàa lìm ve yì‑iì dzəə̀n aŋgàa ntum vəə́ wáa fìʼtì fo ghan. Á bèy, Nyùy Tàr nèn fə̀ə́r wír veé Isray fo áwuné nsay, e dù sho e Assiriya, á wáa dzə fo e kwaʼ nsàm, e wìy shem lán.