Nehemia 9:31 - ŊWÀʼ NYÙY

³¹ Yii bèy, bìʼ shammèndzə̀n wò wo ghaʼán, à yòʼ‑oò lo laàr áwune, aà yòʼ‑oò lo bìn ndzə̀m aáwune. À dzə̀ Nyùy wo wù yii rə́r mendzən me wíri, kfə̀n shám áwune.

Nehemia 9:31 Referans Kwoze

Jeremia 4:27

Ke Nyùy Tàr suuy ki dzə̀ jii, «Nsay yíi a dzə e laarìn e dzə̀m, yii bèy, a bó m yòʼ yíi laàr e dzə̀m ŋkuuŋkùŋ.

Nehemia 9:17

Áwune‑eè tèn fó a yunín wò, e kfə̀n làysìn viŋgaʼnìn ve vinyò ve wò‑oò yiìn aáwuné mvəm. Vé‑eè tàv kitú, e shòʼ kilìmbìy ji kí li áwune, e kfə̀n shó e Ejiv fo vé‑eè reŋ vikwàn. Yii bèy, aà dzə̀ Nyùy wo wù yii laysìn ajay, shám wíri, rə́r mendzən mev. À yòʼ yii shwiiy kilòŋ cér. À yii din ké a dzə̀ koŋ yé ye wiyí. Bìʼ bey, à kù‑uù kfə̀mén, e làa yoʼ bìn ndzə̀m aáwune.

Yòvdìy 3:22

Koŋ ye Nyùy Tàr koŋ wír vəə́ yòʼ wíy mày, a wù kù wíy a sham áwune, e dù, e jòʼsì.

Jeremia 5:18

Nyùy Tàr kfə́n a suúy jii, «Fə̀m é vishiíy fóo fèy, bó m yòʼ wíy laàr wír vém ŋkuuŋkùŋ.

Jeremia 5:10

«Á ku nə̀ə́ e mǒ súm vitiír vé vayin fèn, e bìvír, yii bèy, e làa yòʼ laàr vitiír láarin ŋkuuŋkùŋ. Á kù yíi kàŋ tám si fó fo, bìʼ fo tám sìn si yòʼ dzəə̀n sé Nyùy Tàr.

Daniel 9:9

Yii bèy, Nyùy Tàr woo Nyùy wor, à dzə̀ ké, aà kù yii shám wír vé shámén. À lo, à làysìn ajay vér, fə̀m mo vèr tsəyin kóy vèsən.

2 Wòŋ 30:9

A vèn lòo dzə, e bìnkìr, e kfə̀n e Nyùy Tǎr wùn, bo wù yíi yiì, é wír ve á koorin afə́r vén, wùn à wón véné shám mendzən mev, e siìr áwune é nsay fèn. Nyùy Tàr woo Nyùy won dzə̀ ŋgaà mendzə̀n, a kfə̀n dzə̀ ŋgaà nshámmé. Bó yòʼ dzə̀ wù bìn ndzə̀m e vèn, a vèn fen kfə̀n é bàm é wùn wó.»

2 Afòn 13:23

Yii bèy, Nyùy Tàr kú a leéy áwune, a sham mendzən mev. Wù kù‑uù sə́ áwune bìʼ *mensaŋ me wù‑uù gwàrìn wùn à Abraham, à Aysi, à Jakov, a bó yòʼ‑oò dzə̀ wù biìmé ji á laar áwune. Wù yòʼ‑oò yiì ne jùm áwune fo wun si, e shem lán.

Remrí 4:31

Nyùy Tàr woo Nyùy won dzə̀ ŋgaà shammèndzə̀n. Wù yòʼ wíy màʼày ven, a wù yòʼ wíy laàr ven, a bó wù yòʼ wíy làysìn mensaŋ me wù‑uù gwàrìn wùn aàtǎr ram véné, e fìnèr e kilìʼ kí.

Nehemia 9:19

à yòʼ‑oò lo màʼày áwune é kirə̀ʼ ké woʼ kí. À kù‑uù kfə̀mén bìʼ shammèndzə̀n wò wo ghaʼán. Bó mbàʼ yeé njà kitom ye yì‑iì danèr áwune e shùy yòʼ‑oò lo lày, a bó və́y woó njà kitome yòʼ‑oò lo lày sa. Wú kù‑uù danèr áwune vitsə́ʼə́, din fo á wáa dù.

Aysaya 48:9

«Yii bèy, bìʼ viwìr vém, m yòʼ‑óò táv, e lòvtí e vèn mo dòʼshwíiy wom dzəə̀n. M kù‑úù kfə́mén, bìʼ búrí ye á kù wíy a burí mo, a m yii bèy, ji fo m laar ven láarin.