Nehemia 9:30 - ŊWÀʼ NYÙY

³⁰ Wò‑oò kfə̀mén vèn áwune viyá viyá, e kù a yiì, Kiyoy ké ki wáa banrí aŋgàa ntum vé, á wáa kàntì áwune. Yii bèy, la áwune yòʼ fə̀m yuùrí. À nèn wày áwune e vitúm vee fó ghaŋ ví wo.

Nehemia 9:30 Referans Kwoze

Ŋwàʼ woó Rom 2:4

A dzə̀ é ghanmóʼ, à wàa kwàʼtì ké jii, mo Nyùy kfəmen, a leéy wíri ji nyaáŋ, a rər mendzən mev, bo bó wù yòʼ wíy màʼ a ŋgeʼ e wò. Aà kwaʼtì bèy, à kù yòʼ a kuumé jii, Nyùy yii lèn bèy a dzə̀ cáʼ ji à fiʼ yèn jay wò, e bìnèr shilív shé.

Lim Aŋgàa Ntum 7:51

Tefan fèr bèy, e sùúy jii, «Vèn tàv kitú e ŋàŋ, a melív men wùn à vituʼùr vén ví dzə̀ vé wìr ve bó á yòʼ kiìn Nyùy. Vèn kfə̀n tén fó a yu Kiyoy ke Ranén kí, yii kinyo, a kù dzə̀ ke atàr véné‑eè yii.

Aysaya 42:24

Yì‑iì fò la rám Jakov aàŋgàa vibàné, é bo á shóŋ áwune? Wìr feyì feyì wo wù‑uù yiìn, é bo á kuúy vifá ve wìr veé Isray dzə̀ la? Bó yòʼ kù‑uù yiì Nyùy Tàr a? Dzə̀ wun wo vèsən‑eè tenen fó yunén, e kù a jay jayín. Dzə̀ wun wo Isray‑iì tenen fó a ghan e wun mbòv, e tèn fó yunín yéʼéy rə́ wùn à nsər sə́ sí.

2 Pita 1:21

Á yòʼ‑oò ló a tiisí kinyo ke kwaʼ áwune gheéy. Kù‑uù bánri Kiyoy ke Ranén kí áwune, aá tiísi a dzə̀ kinyo ke Nyùy suuyì.

1 Pita 1:11

Kiyoy ke Kristu ke kí‑iì dzəə̀n aáwuné meliv kí‑iì rə́si yii, aáwune tiísi ji Kristu kù wíy yen ŋgeʼ, fo bàm, é bo Nyùy kóʼór á wun. Á ku nèn a sòvìr ji á kiíy á ghán se vinyo vìn vi wíy koóy, e kfə̀n kìíy saa mo ví wíy ghan, e bóo koóy.

Sekariya 7:13

Wù‑uù sùúy jii, «Mò‑oò sùŋnín, áwune tén yú, áwune lòo toŋ, m tén gháy.

Yòvdìy 2:17

Nyùy Tàr yiì ne kinyo ke wù‑uù baʼtin ji wun wíy yiì. Wù yiì ne mo wù‑uù yiysin fó yàŋgùʼ, e laàr Jerusalem, là mendzən. Wù‑uù tàvír kóy aŋgaà vév vibàn, á tón fó. Wù yiì ne, aŋgàa vibàné wáa sàvnìn aáwuné kitu.

Jeremia 25:4

«Nyùy Tàr kú a tum vé lìm və́ vee aŋgàa ntum adzə̀m fo věn wùn akàŋ akàŋ, yii bèy, la vèn yòʼ a yuurí, a vèn yòʼ fə̀m gwarìr kinyo kfə́.

Aysaya 63:10

Yii bèy, áwune kú a tsəy kóy wùn à Nyùy Tàr, a tinsín Kiyoy kfə́ ke Ranén kí. Bìʼ bey, Nyùy Tàr nèn lò, e kfə̀n ji ŋgaà wov vibàn, wúnwun kitú kfə́ wáa ghiʼ áwune.

Nehemia 9:29

Wò‑oò kàntì ji áwune wàá binkir, a jùmrì a dzə̀ á nsər yè. Áwune tén, a koʼór a dzə̀ wún, e nèn a shoʼór nsər sé, a ŋway vinyo ve wò‑oò tinen, a vinyo vìn vi dzə̀ ve wò‑oò foon ji a wìr yúninè, wù wìy a ker dzəʼə̀m ye juŋe. Á lò fo fo, e bìn ndzə̀m e wò, e kfə̀n ji antavkìtu wùn aàsə̀mtuʼùrí.

Nehemia 9:26

Mo kí fə̀m‑eè dzəə̀n bey, áwune ku tàv kitú, e tèn fóo yunín wò, e bìn ndzə̀m e wò nsər, e nèn yùyrí aŋgàa ntum vé, ve vé‑eè kantì áwune ji lá á yòʼ bìn a ndzə̀m e wò. Áwune yiì bèy, e kù a yiì vinyo a dzə̀ ve ví wáa shoór wò shoórín.

Lim Aŋgàa Ntum 28:25

e nèn lò, e kèʼ a dzə̀ mbìʼ, e bvəə̀rí. Á lòo fəəkír, Por màʼ jí yìmòʼ jii, «Kiyoy ke Ranén kí‑iì lo sùúy kinyo ke rú kí áàtàr véné féyì mo kí‑iì tumen Aysaya woo *ŋgaà ntum Nyùy jii:

Lim Aŋgàa Ntum 13:18

e kù kfə̀mén, a leéy fo áwune e kirə̀ʼ ké woʼ kí kiyá mkweè.

Jeremia 44:22

Mo bó yòʼ‑oò dzə̀ Nyùy Tàr wàa kòmèr liì won kisaŋ wùn à vinyo ve joònè ve vèn yii, nsay yen nèn lày kisáŋ, a dzə kinjúm, e kfə̀n ji kifá ke liy ki, a dzə là wír, kù mo yì dzəə̀n lán və̀n.

Jeremia 7:25

E kèʼ mo atàr véné‑eè fəən fó nsay Ejiv, e wìy shem lán və̀n, m kù rə́si tsə́nsi vé lìm vém vee aŋgàa ntum, aá wiy, yén ven mo kishiíy kí dzəə̀n,

Nsùyrì Nyùy 86:15

Yii bèy Nyùy Tàr, à dzə̀ ké, aà yii shám wíri shámén, kér mendzən, lo ji weè e dòʼshwiíy, din koŋ yé ye ghaʼáné e wír vée, tíy e wò ŋkàʼmé.

Nehemia 9:20

Wò‑oò fò Kiyoy ké ke juŋ ki aáwune, kí wáa tir áwune, a bó à yòʼ‑oò lo yàr fó yiír áwune e manna, aà yòʼ‑oò lo yàr fóo fo mendzə́v ji á nó.

2 Pita 3:9

Kinyo ke wír vìne keŋ ji Kristu kàʼ, e kfə̀n a ndzə̀y ki yòʼ dzə̀ bey. Ke kí dzəə̀n kí dzə̀ jii, wù kfə̀mén, a leéy a ji wíri biner melív mev adzə̀m, bìʼ fo wù yòʼ koŋ ji wìr mòʼón lay.

Kintaŋ 11:26

Kinyo kìn ki‑iì kooy bèy, a vilum ámóʼó kì gòʼ é kibeèy abaà, a yír wùmòʼó dzə̀ ji Eldad, yé wùmòʼ ji Medad. Áwune kù‑uù dzə̀ é mvə̀m wìr ve vé‑eè taŋen, é bo á goʼ kév, e làa yòʼ dù e shùu kibàn. Kiyoy ki ku nèn beè sa aáwuné wùn, á ku nèn a tiisí ntum Nyùy a dzə̀ é kibeèy.

Nsùyrì Nyùy 95:10

Mò‑oò yù nyár vèr à ŋgwàʼ rə̀n kiyá mkweè, e sùúy jii, ‹Melív mev mè yòʼ tíy e mǒ wùn gheéy, aáwune tén fó a yu kinyo kém.›

Aysaya 28:10

Wù rer vinyo rérin là nsàv, yoŋ ŋgoo kinyò rə̀n, wù yàʼáy, e dù e rə̀sə.»

Aysaya 48:9

«Yii bèy, bìʼ viwìr vém, m yòʼ‑óò táv, e lòvtí e vèn mo dòʼshwíiy wom dzəə̀n. M kù‑úù kfə́mén, bìʼ búrí ye á kù wíy a burí mo, a m yii bèy, ji fo m laar ven láarin.

Sekariya 7:12

Vé‑eè yiì, melív mev mè lùr, e kfə̀n ji tíy, e laà yòʼ yú ntir se Nyùy Tàr woo Taà Mànjòŋ‑eè tumen Kiyoy kfə́, kí yiì, aŋgàa ntum və́ vee fó ŋgùʼú wáa fìʼtì. Bìʼ bey, dòʼshwiiy Nyùy Tàr woo Taà Mànjòŋ‑eè baàrí é ŋàŋ.

2 Afòn 18:11

Fòn woó Assiriya‑aà kùúy wír veé Isray, e dù sho e Assiriya, e lèm ámóʼó é Hala, e lèm ámóʼó é Gosan, e ghaa ndzəv yee Habor, ámóʼó é ŋkà se laʼ seé Media.

2 Afòn 21:10

Nyùy Tàr nèn lò sùŋnín, e shaà fo aŋgàa lìm və́ ve yì‑iì dzəə̀n aŋgàa ntum vəə́ jii,

2 Wòŋ 24:19

Yii bèy, Nyùy tsə́nsí aŋgàa ntum, á wáa kàntì wíri ji á kfə́n á e bàm, la wìr yòʼ kfə̀n.

Esra 9:10

«E ké lèn ki, éè Nyùy wor, a dzə̀ vèr sùúy ji ka lèn e bǎm kee shoon? Vèr ŋwày ne nsər yè,

Jeremia 44:4

Vé‑eè yii bèy, a m kù rə́si tsə́nsi vé lìm vém vee aŋgàa ntum adzə̀m fo áwuné wùn, kán wún jii, ‹Éè mò, la vèn dzə́ə a yiì vinyo ve joònè ve vèn yii, a ví bír mo vin.›

Jeremia 44:5

Yii bèy, la wír vémé yòʼ yuùrí, aá yòʼ fə̀m gwarìr ji bo áwune kì kùvsín á yii yév kisaŋe, e yàr fó a tòn kiláy, a cù anyùy sho.

Daniel 9:6

Jòkìnyàʼ, vèr yoʼ yùnín kinyo ke aŋgàa ntum vée‑eè fìʼtìn e wò yir, aáwune ve aŋgàa lim vée‑eè lo fìʼtì kinyo ké aàfon vérí, e fìʼtì aàtǎr wòŋe, e fìʼtì aàtàr vér vee fó mbìyi, e lì wir dzə̀m woó kitum.