Nehemia 9:29 - ŊWÀʼ NYÙY

²⁹ Wò‑oò kàntì ji áwune wàá binkir, a jùmrì a dzə̀ á nsər yè. Áwune tén, a koʼór a dzə̀ wún, e nèn a shoʼór nsər sé, a ŋway vinyo ve wò‑oò tinen, a vinyo vìn vi dzə̀ ve wò‑oò foon ji a wìr yúninè, wù wìy a ker dzəʼə̀m ye juŋe. Á lò fo fo, e bìn ndzə̀m e wò, e kfə̀n ji antavkìtu wùn aàsə̀mtuʼùrí.

Nehemia 9:29 Referans Kwoze

Nehemia 9:16

Yii bèy, atǎr atàr vérí nèn lì kiŋkoʼòrwùn wùn à kitú ke tavín kí, e nèn tèn fó a yunín nsər sé.

Cù 18:5

Bo dzə̀ jii, a wìr lò, a yu sáʼ yém, a yunín nsər sém, a yiì mo sí dzəə̀n, bo wù wíy lùŋ. Dzə̀ mo Nyùy Tàr.

Nehemia 9:26

Mo kí fə̀m‑eè dzəə̀n bey, áwune ku tàv kitú, e tèn fóo yunín wò, e bìn ndzə̀m e wò nsər, e nèn yùyrí aŋgàa ntum vé, ve vé‑eè kantì áwune ji lá á yòʼ bìn a ndzə̀m e wò. Áwune yiì bèy, e kù a yiì vinyo a dzə̀ ve ví wáa shoór wò shoórín.

Nehemia 9:10

Wò‑oò yiì vinyo ve ví wáa dìn vitaáví vé wùn à viŋgaʼnìn ve vinyò vi, e lòvtí e Farao wùn à vé saʼ vəə́, e kfə̀n lòvtí e wír vee wun wòŋe adzə̀m, bìʼ fo wò‑oò yenen mo wír veé Ejivi nəʼsì atàr vér. À nèn yiì, yír yée wáa dzə e gháʼtín mo yí kù dzə̀ə́, e wìy shem lán və̀n.

Hosea 6:5

Á kinyo ke mò‑oò tsə́nsi aŋgàa ntum vém ji á tsə́m ven e lámé, é jí se sí fəə́ fo mǒ shuù si fiʼ laàr ven. A lòn wo m baʼtin kùm vené lo, e fəəsín mo shùy tó, ndzə ràn.

Jeremia 43:2

Mo wù màysìn, Asaria woo wan Hoshayia wùn à Johanan woo wan Karea, à vimbaa ve wìr vímóʼ ví vidzə̀m vi nèn sàyín e Jeremia wùn jii, «À bóʼti a dzə̀ kimboʼtì. Bó Nyùy Tàr woo Nyùy wor yoʼ tùm wò ji à wiy, e yòŋ ji lá vèr yòʼ dù, a dzə e Ejiv.

Galatia 3:12

A bó wìr wo wù jumrì kfə́ dzə́ə a dzə̀ fó nsər ji wun fiʼ wìy lùŋ, yòʼ wáy shilív e Nyùy wùn gheéy. Wù tíy kfə́ a dzə̀ é kinyò ke vé‑eè saŋen jii, «Wìr wo wù ŋeevì nsər sidzə̀m, yii mo sí dzəə̀n, wíy lùŋ.»

Ŋwàʼ woó Rom 10:5

A Mooser‑iì lo yiì sùúy mo dzəə̀ ye dzə̀ wìr ghàn a dzə̀ fo nsər, e bóo gheén fo Nyùy rə̀n dzəə̀n. Wù‑uù sàŋ jii, «Wìr wo wù ŋeevì nsər sidzə̀m, yii mo sí dzəə̀n, wíy lùŋ.»

Ŋwàʼ Luk 10:28

Jesus koóy jii, «À bìnèr rú. Kú a yiì rì bèy, áà wìy lùŋ.»

Daniel 5:20

Yii bèy, kiŋkoʼòrwùn kí nèn lò, e sùm wun, wù wáa tav kitú, a kùm a kiŋkùm, yii kinyo ji wìr woo moo wun sà dzə̀ la á. Bìʼ bey, Nyùy sén wun fo kàvàʼ, e sə̀ vikuʼùy ve wù‑uù sí kérí.

Esiker 20:11

e fò áwune nsər sém wùn à ntò se vinyò si, a dzə̀ vinyo vìn ve wìr lóo yunín, lóo yiì, wù wàa ker dzəʼə̀m.

Jeremia 44:10

Bó vèn yòʼ kfə́menè, e wìy shem lán, a bó á yòʼ fan mo, aá yòʼ yú sáʼ yém, a bó á yòʼ lem nsər se mò‑oò foon e vèn aàtàr véné.»

Jeremia 19:15

Nyùy Tàr woo Taà Mànjòŋ, wun woo Nyùy wìr veé Isray suuy jii, «Vèn leéy, e yèn, m sí lo, e màʼ ŋgeʼ ye tavín é ŋkàlaʼ fèn, e màʼ e ntèʼ see fó ghaŋ réŋréŋ mo mò‑oò sí suuyì, a kù dzə̀ bìʼ fo vèn tavin kitú, e tèn fó a yu kinyo ke m suuyì.»

Jeremia 17:23

Yii bèy, áwune yòʼ‑oò lo yuùrí, e làa yòʼ fə̀m a gwàrìr, e lò fo fo, a tav a dzə̀ kitú, e làa yòʼ yuurí ntir rə̀n, e làa yòʼ səəsí.

Jeremia 7:26

a vèn yòʼ yú kinyo kém, a vèn yòʼ fə̀m gwarìrì, kù táv a dzə̀ kitú. Kén kí ku nèn fòy, e shaà ké atàr vén sháan.»

2 Wòŋ 36:15

Nyùy Tàr woo Nyùy atàr vév kù‑uù rə́si tsə́nsi aŋgàa ntum və́ fo áwuné wùn ji á wáa kàntì a áwune fó vinyò ve bi ví, bìʼ fo wù‑uù rə́r mendzən me wìr və́, kfə̀n rə́r me lav cù ye dzəə̀n kirə́ʼ kfə́ ké dzə.

2 Wòŋ 24:19

Yii bèy, Nyùy tsə́nsí aŋgàa ntum, á wáa kàntì wíri ji á kfə́n á e bàm, la wìr yòʼ kfə̀n.

2 Afòn 17:13

Nyùy Tàr‑iì ló a kàntì wír veé Isray wùn à veé Judàa, a shaà fo aŋgàa ntum vəə́, kfə̀n shaa fo ve á yén vinyóo. Wù‑uù kantì, suuy jii, «Vèn maʼti liì kisaŋ, a lèm nsər sém wùn à ntir sém sí, se sí dzəə̀n é Ŋwàʼ Nsər wo mò‑oò foon áàtàr véné. Mò‑oò fò ŋwàʼ və̀n, e shaà a dzə̀ fo aŋgàa lìm vémé, áwune vee aŋgàa ntum vém.»

Remrí 31:21

Vinyo ve bi ví wùn à ŋgeʼ si wíy lóo gbù aáwuné kitu, é luŋ və̀ne kú a yìmrì áwune moo njen, bìʼ fo wú wíy gòʼ e ŋgwàʼ sév sí shuù. M kì kinyo ke áwune taáme, é bo m fəm lì áwune, a dù sho e nsay ye mò‑oò kàʼàn ji m fó aáwune.»

Remrí 4:26

M nén a bi yúv wùn à nsay lán ji á wáa yen a kinyo ke vèn yii. A vèn tàv kitú fo Nyùy, é la vèn yòʼ dzəə dzə̀ʼtì ntàmda e nsay ye vèn líysin Jordan, e nəə́ sho. Bo vèn lo, e rèŋ fo kitu ke nsay, e mày. A kí kòóy bèy, aá ku laàr ven láarin ŋkuuŋkùŋ.

Ŋwàʼ Fəə 10:3

Mooser wùn Aaron nèn dù, e sùúy e Farao jii, «Nyùy Tàr wo dzəə̀n Nyùy wìr vee Hibru suuy jii, ‹À wíy tav kitú fó a yunín mo e dù, e meé e le? Màʼtì, é wír vémé du, e fíʼ cù mo.

Matio 19:17

Jesus dzə́r shó jii, «À dzə́r lim ye juŋe a dzə̀ e mò bìʼ ka? Wìr wo juŋ kù jòʼsì Nyùy. Aà taʼ, e wìy nəə́ e dzə̀ʼə̀m yee là may, à wàa lèm nsər se Nyùy.»

2 Wòŋ 33:10

Nyùy Tàr‑iì súŋnin e Manasse wùn à wír vəə́, aá yòʼ kwe.

Nehemia 9:30

Wò‑oò kfə̀mén vèn áwune viyá viyá, e kù a yiì, Kiyoy ké ki wáa banrí aŋgàa ntum vé, á wáa kàntì áwune. Yii bèy, la áwune yòʼ fə̀m yuùrí. À nèn wày áwune e vitúm vee fó ghaŋ ví wo.

Nehemia 13:15

Wáa dzə e ghan fen, m yén wíri é Juda, aá kám meluʼ e kishiíy ké bam, wiy e vifá ve yi vi, kúr e vimbèʼbìy, wiy sa e meluʼ mè wùn à báŋ se *vayin si, à *fig, à kfəə́ se vifa si sidzə̀m, aá béʼ, wiy sho e Jerusalem e kishiíy ké bam. M kàntì áwune ji á wáa yen a vifá vee fiìnè é kishiíy ké bam.

Jeremia 42:19

Jeremia ku kfə̀n a suúy jii, «Éè kiber ke wìr veé Juda, Nyùy Tàr sùúy ne ji lá vèn yòʼ dù a e Ejiv. Ku kfə̀n a dzə kíwun ke m tír ven shó lán.

Remrí 31:27

M kì mo vinyo vév ve buʼtìn wùn à kitú kév ke tavín kí dzəə̀n. M dzə́, a m dzə̀ə́ sho aáwuné mvəm lán, aá kù lóvti e Nyùy Tàr ben, bo m yíi kpu, a m kpú ne, é kí wáa kìʼ e le?

Atǎr Nsaʼ 6:10

M kfə̀n‑eè sùúy e vèn jii, dzə̀ mo Nyùy Tàr woo Nyùy won, lá vèn yòʼ a ghvəm anyùy wìr veé Amor ve vé‑eè dzəə̀n é nsay ye vèn dzə́ sho lèn. Yii bèy, vèn yòʼ‑oò lo yùnín mo.»

2 Afòn 17:14

Yii bèy, wíri tén fó a yunín Nyùy, nèn kù a tav kitú moo atàr vév ve vé‑eè tenen fó way shilív e Nyùy Tàr woo Nyùy wóv wùn.