Nehemia 9:28 - ŊWÀʼ NYÙY

²⁸ Mo áwune kooyin rəsìn, e nèn kfə̀n yiì liì kisaŋ e wò si, à kfən wày áwune áàŋgaà vév vibàné wo, á wáa saʼ, a tay áwune. Áwune kúvsín liì wov, e kfə̀n tòŋ, e kàn wò, à yú tóŋ yév é yuv. À kù‑uù boyìr áwune akàŋ akàŋ bìʼ shammèndzə̀n wò.

Nehemia 9:28 Referans Kwoze

Atǎr Nsaʼ 5:31

«Éè Nyùy Tàr, ku laàr aŋgaà vé vibàné adzə̀m láarin moo Sisera, é wír ve á koŋ wòo wáa dzə moo shúy ye yì tó kijàvndzə, yì kù nèn a ban a dù duùn fó mbìy.» Á bèy, nyaáŋ ku nèn a dzə e nsay Isray kiyá mkweè.

1 Afòn 8:39

à kù yù é yuv fo à dzə́, e làysìn jay wov. Kù jòʼ wò cáʼ, vèn mòʼón, wo à kiìn shilív shé wìr msòŋ e dzə̀m. Kú a làʼ wir mòʼón mòʼón mo vinyo ve wù yii vi dzəə̀n,

Atǎr Nsaʼ 4:1

Yì‑iì dzə̀ é ghan se Ehud‑iì kpuun, wír veé Israyi kfən siì yiì vinyo ve bi ví, e tìnsín Nyùy Tàr.

Atǎr Nsaʼ 3:30

Á bèy, wír veé Israyi nèn tòn veé Moav, e kèʼ fo kishiíy kee shooy, áwune nèn a yu sáʼ a dzə̀ fo wír veé Israyi. Nyaáŋ nèn a dzə e nsay Isray kiyá mwaamé.

Aysaya 63:15

Éè Nyùy Tàr, mo à dzəə̀n é yuv, kú a shooshí vinyo vér ví. Ku lèéy vinyo vìn vi fo wò kirə̀ʼ ke ranén kí ke kí din vikuʼùy vé. Éè Nyùy Tàr, yiì ka lèn fo à kfə́n a ker shíi wor, a sə ver e vitaáví vé ve ghaʼán ví? À yòʼ dzəə́ din e vèr mo à yii shám wón vé.

Nsùyrì Nyùy 136:24

Wù‑uù kuùmé, e nèn fə̀ə́r vèsən fo aŋgàa vibàn vesəné wo. Koŋ ye wù koŋ wír vəə́ yòʼ wíy mày.

Atǎr Nsaʼ 2:19

Yii bèy, tàr nsaʼ‑aà kpú, áwune nèn siì kfə̀n é liì kisaŋ wo áwune‑eè kér fo mbìy və̀y, a bùʼtì vinyo, a shaà mo atàr véví‑iì yii. Áwune‑eè gvə́ʼti, ghvə́m anyùy ámóʼó, a bó á yòʼ‑oò lo yàr fó a ker liì kisaŋ, a bùʼtì vinyo.

Nsùyrì Nyùy 106:42

Aŋgaà vév vibàné wáa nyàvrì aáwune, a kàn, á wáa yu sáʼ a dzə̀ yév.