Bib sou entènèt

Nehemia 9:27 - ŊWÀʼ NYÙY

²⁷ À nèn wày áwune áàŋgaà vév vibàné wo, á wáa nə̀ʼsì. Áwune yú ntéŋ, a toŋ, a kàn wò, à yú tóŋ yév é yuv bìʼ shammèndzə̀n wò wo ghaʼán, e tsə̀nsí vé səə, á sə́ áwune fo aŋgaà vév vibàné wo.

Gade chapit la Kopi

« Previous

tounen moute ⬆

2 Afòn 14:27

Mo bó Nyùy Tàr yòʼ‑oò lo sùúy ji wun yíi laàr a Isray fo kitu ke nsay, wù nèn shàm áwune, e yiì, Fòn Jeroboam woo wan Jehoash fəə́r áwune fó ŋgeʼ ye vé‑eè dzəə̀n shó.

Gade chapit la

2 Afòn 13:5

Wù nèn fò wír veé Isray ŋgaà sə wo wù sə́ áwune fo wír veé Siiriàá wo, wír veé Israyi kfə́n a dzə nyaáŋ aáwuné melaʼ mo vé‑eè dzə́ fo mbìy.

Gade chapit la

Á bèy, Nyùy Tàr nèn tsə̀nsí fon woó Babilon, wù wìy, e nə̀ə́ áwune e rə́r sí, sí teè vilum, e dù, e mèé e lav cù. Fòn woó Babilon yòʼ‑oò lo rə̀r mendzən me wìr, kìn wánlè ŋgòn, kìn wánlè nsùm, kìn ŋgàywìr, e lì taàta wìr. Nyùy‑iì wày áwune adzə̀m e fòn woó Babilon kiwo.

Gade chapit la

Atǎr Nsaʼ 2:18

Ghán sidzə̀m se Nyùy Tàr‑iì fó tàr nsaʼ e wír veé Israyi, wù kù a tom wun, wù wàa fəə́r wír veé Isray fo aŋgaà vév vibàné wo, á wàa dzə nyaáŋ, e meé mo tàr nsaʼ və̀n‑eè dzəə̀n shó. Nyùy Tàr‑iì lèéy ŋgeʼ se áwune‑eè yén e wír ve vé‑eè nyavrì aáwuneé sar, a rər mendzən mev.

Gade chapit la

Obadia 1:21

A vé saʼa kù wíy a koʼ e Gwan Sion, é wír veé Gwan Esavi kú a yu sáʼ a dzə̀ fó fo, é vifon vi wáa dzə vé Nyùy Tàr.

Gade chapit la

Nehemia 9:19

à yòʼ‑oò lo màʼày áwune é kirə̀ʼ ké woʼ kí. À kù‑uù kfə̀mén bìʼ shammèndzə̀n wò wo ghaʼán. Bó mbàʼ yeé njà kitom ye yì‑iì danèr áwune e shùy yòʼ‑oò lo lày, a bó və́y woó njà kitome yòʼ‑oò lo lày sa. Wú kù‑uù danèr áwune vitsə́ʼə́, din fo á wáa dù.

Gade chapit la