Biblia Todo Logo
Bib sou entènèt

- Piblisite -




Nehemia 9:26 - ŊWÀʼ NYÙY

26 Mo kí fə̀m‑eè dzəə̀n bey, áwune ku tàv kitú, e tèn fóo yunín wò, e bìn ndzə̀m e wò nsər, e nèn yùyrí aŋgàa ntum vé, ve vé‑eè kantì áwune ji lá á yòʼ bìn a ndzə̀m e wò. Áwune yiì bèy, e kù a yiì vinyo a dzə̀ ve ví wáa shoór wò shoórín.

Gade chapit la Kopi




Nehemia 9:26
35 Referans Kwoze  

À buʼtì ké a dzə̀ vinyo e shaà afon ve vé‑eè saʼan ne fo wò mbìy. À fèr ne anyùy kisaŋe wùn à mebvə̀m mee kisha ki, e lì mo, e màʼày fo bàm, e yiì, kilòŋ kém kí wáa shwiíy.


Fə̀m mo áwune‑eè kuùn wò kibiíbí, e shibvə̀m she vé‑eè bomen é njà wàn nàʼ shi, a yòŋ ji dzə̀ á nyùy wo wù‑uù fəərin áwune fó Ejiv,


Ŋgaà ntum Nyùy wùmòʼ dzə̀ shó wo atàr véné yòʼ‑oò ló a ròn wúu rə́ á? Áwune kù‑uù yúyri aŋgàa ntum Nyùy yúyrín, a vé‑eè fiʼtì ji Ŋgaà Lìm Nyùy woo rú waà wíy wìy. A dzə̀ wùwun woo shooy mo wù‑uù wìyìn ne, vèn sháʼnín, e yùyrí.


Wù bìnèr jii, «Nyùy Tàr, Nyùy woo Taà Mànjòŋ, mò‑oò rə́si ghán ntum a dzə̀ ye. Yii bèy, wír veé Israyi gbù ne *mensaŋ mè, e kètì kíy sé se cù, e yùyrí aŋgàa ntum vé. Bèr ne mo vèr mòʼón, aá kfə̀n sí taʼ sa ji á yúyrí á mo.»


Yì‑iì dzə̀ é ghan se Jesebel‑iì yúyri aŋgàa ntum Nyùy, Obadia lì vee wií, e lìtì e mbvə̀ʼ sibaà, mtàn mtàn, a fo áwune viyíkìr wùn à mendzə́v mè.


Á dù, wír vee shooyi nèn koò áwune, e dzə̀v wùmòʼ, e yùyrí wùmòʼ, e tsə̀mrí wùmòʼ e tíyí, wù kpú.


« ‹Mo m fə̀m‑eè yòŋèn bey, ŋgwàʼ yev kú a tav sa kitú vèr áwune. Bó áwune yòʼ‑oò ló a yu sáʼ yém, a lèm nsər sém, a yiì mo sí dzəə̀n, a sí fó dzəʼə̀m e wìr wo wù lemè. Áwune‑eè bìvír vishiíy vém vé bam. Mò‑oò dzə̀ kibáʼtín ji m sí lo, e teè áwune é woʼ adzə̀m.


Vèn ban fo á sər ven fo věn liì kisaŋ, tén fóo yiì kinyo ke m suuyin.


Wò‑oò kfə̀mén vèn áwune viyá viyá, e kù a yiì, Kiyoy ké ki wáa banrí aŋgàa ntum vé, á wáa kàntì áwune. Yii bèy, la áwune yòʼ fə̀m yuùrí. À nèn wày áwune e vitúm vee fó ghaŋ ví wo.


Nyùy Tàr‑iì tsə́nsi aŋgàa ntum və́ bey, a wír veé Judàa shéʼ áwune shéʼén, keŋ kèŋèn, nèn ŋwáy jí se wun woo Nyùy. Kù bey, e dù, e meé mo dòʼshwiiy Nyùy Tàr‑iì ŋaʼayin, e kìʼ áwune vee wír və́, a kifá ke dzə̀ kí sə̀r wun ki yòʼ dzə̀.


«Vinyo ve joònè ve Manasse woo fon woó Juda yiìn ví kùʼ ne e ŋàŋ. Wù bùʼtì ne vinyo ve bi ví, ví shaá vé wìr veé Amor ve vé‑eè dzəə̀n fó fo mbìy, a wù domsì wír veé Isray e mebvə̀m mvə mè, aá yii vinyo ve bi ví.


Bó taàtá wom yòʼ sà‑aà lo yù kinyo ke mò‑oò yiìn é ghan se Jesebel‑iì yúyri aŋgàa ntum Nyùy Tàr á? Mò‑oò lìtì á áwune wií é mbvə̀ʼ sibaà, mtàn mtàn, a fo a viyíkìr wùn à mendzə́v mè aáwune.


Wír veé Israyi kfən lò, a yiì vinyo ve bi ví, a tinsín Nyùy Tàr shó. Áwune kù‑uù ghvə́m mebvə̀m mee *Baal, à mee *Ashtoret, kfə̀n ghvə́m anyùy veé Siiria wùn à veé Sidone, à veé Moavi, à veé Ammone, e lì veé Filistia. Áwune‑eè bìn ndzə̀m e Nyùy Tàr, e làa yòʼ dzə́ə a sùyrì wun gheéy.


Wò‑oò kàntì ji áwune wàá binkir, a jùmrì a dzə̀ á nsər yè. Áwune tén, a koʼór a dzə̀ wún, e nèn a shoʼór nsər sé, a ŋway vinyo ve wò‑oò tinen, a vinyo vìn vi dzə̀ ve wò‑oò foon ji a wìr yúninè, wù wìy a ker dzəʼə̀m ye juŋe. Á lò fo fo, e bìn ndzə̀m e wò, e kfə̀n ji antavkìtu wùn aàsə̀mtuʼùrí.


M màʼ ne ŋgeʼ e vèn à wón véné kitu, la vèn yoʼ yèʼéy kinyo fo fo, yì láy kisáŋ. Vèn ló fó fo, e yùyrí aŋgàa ntum vém yuyrín, kù moo bvərə̀ʼ wo wù nyárninè.»


à nèn bìnèr aáwune ji Nyùy Tàr suuy a jii, ‹Dzə̀ bìʼ fo atàr véné‑eè ŋwayin mo, a jùmrì a dzə̀ anyùy, a lìm fo fo, e kfə̀n a cù, e nèn mèŋ mo, e tèn fó a yunín nsər sém.›


Áwune nəə́, e yòv fó, e nèn tèn fó a yunín wò, a jùmrì nsər sé. Áwune yòʼ‑oò ló a yiì vinyo ve wò‑oò yòŋèn ji á wáa yiì. À nen yiì, ŋgeʼ rə̀n gbú aáwuné kitu.


Jeremia ku kfə̀n a suúy jii, «Éè kiber ke wìr veé Juda, Nyùy Tàr sùúy ne ji lá vèn yòʼ dù a e Ejiv. Ku kfə̀n a dzə kíwun ke m tír ven shó lán.


«Éè Nyùy Tàr, vèr jày ne, e kfə̀n tàv kitú vèsən, à nen tèn fó làysìn ajay vér.


Wù‑uù lìy áwune e nyèbàm, e lìy e vín bvəyi, e yìír e nyàm bvəy, e yìír e ye nàʼ. Nyám si, aá líy ben e mbòŋ e ŋgvən Bashan. Wù kfən yìír e meŋkfəŋ me sàŋ yee *wit me juŋ mè, e nòór e meluʼ me juujùŋ mè.


Yii bèy, Jeshurun yíkír, e fàŋ, a ŋàʼ. Wù fáŋ, e rùn, a nə̀ʼ nə̀ʼə̀n. Lòo nə̀ʼ, e bìn ndzə̀m e Nyùy. Wù‑uù ŋwày Ŋgaà Mbom və, e màʼày Ŋgaà Lùŋèr və woo Kilán kfə́.


Nyùy Tàr nèn lò sùŋnín, e shaà fo aŋgàa lìm və́ ve yì‑iì dzəə̀n aŋgàa ntum vəə́ jii,


M ku lì ven, e wìy sho e nsay njòŋ, e wìy sho ji vèn wáa bòn a vifá ve juŋ ve ví fəə́ fo fo. Vèn nəə́ fó, e nèn bìvír nsay yem bívírín, e yiì, nsay yem kfə́n ji ye *kifàn.


Swiv nou:

Piblisite


Piblisite