Nehemia 9:25 - ŊWÀʼ NYÙY

²⁵ Áwune nèn faàsì ŋkà se laʼ se á bomen kay e kaàrí sho, e faàsì nsay, a kù‑uù dzə̀ ye juŋ, e nèn yòv lav se vifá ve juŋ vidzə̀m vi‑iì runen shó, e nèn yòv sa bií sé ndzəv se buʼùn sí, à súm sé vitiír vé *vayin si, à vicí vé *oliv vi, e bóo lì kfəə́ se vici sigháʼán, a ví koom jeéy jeéy. Áwune bòn vifá vìn e wùn, a dzə bèn arúnkín. Áwune‑eè lo yù vijuŋ e vifa ve wò‑oò foon aáwune.

Nehemia 9:25 Referans Kwoze

Remrí 32:15

Yii bèy, Jeshurun yíkír, e fàŋ, a ŋàʼ. Wù fáŋ, e rùn, a nə̀ʼ nə̀ʼə̀n. Lòo nə̀ʼ, e bìn ndzə̀m e Nyùy. Wù‑uù ŋwày Ŋgaà Mbom və, e màʼày Ŋgaà Lùŋèr və woo Kilán kfə́.

Nehemia 9:35

Áwune yòʼ‑oò lo màʼtì yii yév ye bií. Vé‑eè tèn fó a lìm fo wò, sáʼ a dzə̀ vifon e mvə̀m vijùŋ ve ghaʼán ví ve wò‑oò bùʼùn áwune shó, aá kfə̀n kér nsay ye juŋ ye wò‑oò foon aáwune, a yì dzə̀ e gháʼtín.

Remrí 3:5

Ŋkà se laʼ sìn sidzə̀m si‑iì kér vikum ve kày ve darkìn ví, kér shuu se kày, aá taá nshìy si fó mvəm e visha vi, e bóo lì ntèʼ se sí‑iì dzəə̀n là kay.

Hosea 3:5

Yii bèy, a ghán sí wíy gheén, é wír veé Israyi binkir, a leéy a dzə̀ Nyùy Tàr woo Nyùy wov, e kfə̀n a leéy wír wo wù wíy fəə fo Davir ram, a dzə fon wov. Wíy lòo dzə e ghan sé bàm sí, aáwune wáa koʼtí e Nyùy Tǎr si, a fàn, a yàʼ, a kìʼ kisəəvì a dzə̀ ke fó wun woo Nyùy.

Esiker 20:6

Yì‑iì dzə̀ é kishiíy fóo fèy, m lìʼ, e yòŋ jii, m yíi fəə́r a áwune fó wòŋ woó Ejiv fèy, e lèm e wòŋ wo mò‑oò tayin ji wóv. Dzə̀ woŋ, a vín nàʼ wùn à vilu vi tsəətìn fo tsə́ətin, a wú bòŋ e ŋàŋ, e shaà woŋ símóʼ sí sidzə̀m.

1 Afòn 8:66

Kishiíy kí meé ji waamé, Fòn Solomon siìr wíri é bàm aáwuné melaʼ. Á wáa dù, a burí wun, a wìr dzə̀m yú vijuŋ, shéʼri vinyo ve juŋ vi ve Nyùy Tàr yiìn e Davir woo ŋgaà lìm və, e yiì sa e wír və́ veé Israyi.

Remrí 32:13

Wù‑uù yiì, áwune wáa taa e virə̀ʼ vé agwan, a yi kéŋ ye yí tsəətìn fo, a naá meŋgvə́r fó vici ve ví boʼrì e nsàn se vilan, kfə̀n a yi mfuʼ fo nsàn se vilan.

Ŋwàʼ woó Rom 2:4

A dzə̀ é ghanmóʼ, à wàa kwàʼtì ké jii, mo Nyùy kfəmen, a leéy wíri ji nyaáŋ, a rər mendzən mev, bo bó wù yòʼ wíy màʼ a ŋgeʼ e wò. Aà kwaʼtì bèy, à kù yòʼ a kuumé jii, Nyùy yii lèn bèy a dzə̀ cáʼ ji à fiʼ yèn jay wò, e bìnèr shilív shé.

Hosea 13:6

Yii bèy, m yiír ven, vèn yíkír, e kùr, e lò, e kèʼ wún wo yuúné, e nèn mèŋ mo.

Jeremia 31:14

M wíy yiír atàá cù e vifá ve yi vee jeéy ví, e bùʼ wír vém e kfəə́ se vifa ve juujùŋ vi vidzə̀m. Suuy mo woo Nyùy.»

Aysaya 6:10

Nyùy Tàr kfən sùúy e mò jii, «Ku yiì, é melív me wìr vìn mè lur, e sə̀mrì vituʼùr vév ví, e sə̀tí sí yéví, fo sí yéví wáa yen virə́ʼ, é vituʼùr vév ví wáa yu, é melív mev mè wáa səə̀m kinyo, aá binkir, é m fer áwune.»

Nsùyrì Nyùy 65:11

À səəvì súm, aá káv vifá vigháʼán. À shaa e kirə̀ʼ, vifá vi kù a tsəə̀tìn tsəə̀tìn fó.

Ŋgàn 30:9

Lá à yòʼ fò, é ví kuʼnin, fo m wáa meŋ wò, a suúy ji Nyùy Tàr dzə̀ la? Lá à yòʼ yiì, é m wáa tàn kitan, fo m kfə́n ji shóŋ, e shoór wò woo Nyùy wom.

Aysaya 63:7

M yíi a suŋnín kùm koŋ Nyùy Tàr ye wù kér fo wír vəə́, a yí yòʼ yii mayì, a remrí vinyo ve wù yii ve dzə̀ á wàa burí wun fo fo. M yíi a naàrì vinyo vìn, a shaà fo vinyò ve Nyùy Tàr yiìn e vèsən, nyanyày vinyò ve juŋ ve wù yiìn e wír veé Israyi réŋréŋ mo shammèndzə̀n və yii dzə́. M yíi a naàrì vinyo vìn, a shaà fo kòŋ ye wù yii koŋ wír və́ é ŋàŋ, tíy wùn áwune.

Daniel 11:24

Wù wíy lò, é wù sasin, e nə̀ə́ mbìv wòŋ ye yì kér bùʼ e rə́r sí, e kùúy bùʼ woo shooy, e nèn jàv aàŋgaà və́ ŋgoo, wùn à kéŋ ye á faàsìn sáa. A dzə̀ kinyo feyì ke bó atàr vəə́ yòʼ‑oò ghàn mùm, a fə̀m dzə̀ vee fó ŋgùʼ féyì. Wù wíy a ba ntaŋ ji wun laar á virə́ʼ ve tavkín ví, yii bèy, a bó ntàm yòʼ wíy dàr, a bó ntaŋ və bvəə́rí.

Remrí 32:14

Wù‑uù lìy áwune e nyèbàm, e lìy e vín bvəyi, e yìír e nyàm bvəy, e yìír e ye nàʼ. Nyám si, aá líy ben e mbòŋ e ŋgvən Bashan. Wù kfən yìír e meŋkfəŋ me sàŋ yee *wit me juŋ mè, e nòór e meluʼ me juujùŋ mè.

1 Afòn 14:9

À buʼtì ké a dzə̀ vinyo e shaà afon ve vé‑eè saʼan ne fo wò mbìy. À fèr ne anyùy kisaŋe wùn à mebvə̀m mee kisha ki, e lì mo, e màʼày fo bàm, e yiì, kilòŋ kém kí wáa shwiíy.

Nsùyrì Nyùy 105:44

Wù nèn fò áwune nsay ye vitúm vímóʼ ví‑iì dzə́ sho, áwune yòv vifá ve vitúm vi‑iì ndzə̀ʼnìn, e lìm.

Jeremia 2:7

M ku lì ven, e wìy sho e nsay njòŋ, e wìy sho ji vèn wáa bòn a vifá ve juŋ ve ví fəə́ fo fo. Vèn nəə́ fó, e nèn bìvír nsay yem bívírín, e yiì, nsay yem kfə́n ji ye *kifàn.

Jeremia 32:23

Áwune nəə́, e yòv fó, e nèn tèn fó a yunín wò, a jùmrì nsər sé. Áwune yòʼ‑oò ló a yiì vinyo ve wò‑oò yòŋèn ji á wáa yiì. À nen yiì, ŋgeʼ rə̀n gbú aáwuné kitu.