Nehemia 9:23 - ŊWÀʼ NYÙY

²³ Wò‑oò yiì, wón véví wáa dzə nyanyày moo mejiy meé yuv, e lì áwune, e wìy sho e nsay ye wò‑oò yòŋèn ne aàtàr véví ji á wíy nəə́ fo, e yòv.

Nehemia 9:23 Referans Kwoze

Kèʼlo 22:17

rú wùn à rú, m yíi bùʼ wò, e yiì, é rám yée wáa dzə e gháʼán moo mejiy meé yuv, e kfə̀n a dzə moo síy seé meshavtí me *rìbà ndzə̀v. Rám yée wíy tòn aŋgàa vibàn vév.

Kèʼlo 15:5

Nyùy Tàr nèn lì Abram, e fəə̀ shó fo ndzə, e sùúy sho jii, «Leéy yúví, e tàŋ mejiy mè, a fèn dzə̀ à tàŋ. Á mo rám yée wíy a dzə.»

1 Wòŋ 27:23

Fòn Davir yòʼ‑oò lo tàŋ wír vee kèʼ fó kiya mbaà, e səy səyín, bìʼ fo Nyùy Tàr‑iì yiì ne kàʼ ji wun wíy yiì é Isray wáa dzə a nyanyày moo mejiy meé yuv.

Kèʼlo 26:3

Kú a dzə e wòŋ fèn, é m wìy a dzə wòsò, a səə̀vì wò. Kiíy ji m wíy fo woŋ və̀n e dzə̀m e wò, é wáa dzə wó vèn à rám yée. A m kfə̀n wíy yùŋrì ŋkàʼmé wo mò‑oò kàʼàn tàr won Abraham sho, e lìʼ.

Kèʼlo 17:8

M wíy fo woŋ wo à dzəə̀n kiŋgwìy sho və̀n e wò. Wóŋ Kanan e dzə̀me sì wó vèn à rám yée ŋkuuŋkùŋ, à rám yé yee mo yí wíy a dzə fo bàmé. A m wíy a dzə Nyùy wov.»

Kèʼlo 15:18

Á *mensaŋ me Nyùy‑iì gwàrìn wùn Abram e kishiíy fóo fèy, a suúy jii, «M fó woŋ və̀n e rám yée, e kèʼ fo ndzəv yeé Ejiv, e dù, e bàʼ e ndzəv ye wiyí, ye dzəə̀n Yufret.

Kèʼlo 12:7

Nyùy Tàr nèn lò, e wìy fo Abram wùn, e sùúy sho jii, «M yíi fo woŋ və̀n e rám yée.» Mo Nyùy Tàr‑iì wìyìn fo wun wùn é kirə̀ʼ fóo fèy, wù nèn bòm *kíy cù Nyùy Tàr fó.

Remrí 28:62

Fə̀m mo vèn‑eè dzəə̀n nyanyày moo mejiy meé yuv, wíy bòy ashàr wìr, bìʼ fo bó vèn yòʼ‑oò lo yùnín Nyùy Tàr woo Nyùy won.

Ŋwàʼ Fəə 1:7

Yii bèy, rám yév yee wír veé Israyi wáa dzəə́, a kùʼ feyì. Áwune kùʼ, e rùn woŋ woo shooy, a beemé e ŋàáŋàŋ.

Ŋwàʼ Fəə 1:12

Mo vé‑eè nəʼsì áwune bey, áwune kù‑uù kuʼ, sə́ fó səə́n. Wír veé Ejivi nèn lò, a fàn áwune fánen,