Nehemia 9:21 - ŊWÀʼ NYÙY

²¹ Wò‑oò keèrí áwune é woʼ kiyá mkweè, a bó á yòʼ tan kifá. Ndzə̀y sév sí yòʼ‑oò lo sàʼkìr, a bó wuú yéví yòʼ‑oò lo kòʼkír.

Nehemia 9:21 Referans Kwoze

Remrí 2:7

A dzə̀ vèn kù yiì bèy, bìʼ fo Nyùy Tàr woo Nyùy won‑eè səə̀vìn vinyo vidzə̀m ve vèn‑eè yii. Wù‑uù leey fo vèn, a vèn ghán, tósin nsay wòʼ ye wiy rə̀n. E viya vee mkweè vìn ve Nyùy Tàr woo Nyùy won‑eè dzəə̀n vèn áwune, vèn yòʼ‑oò tan kifá.›

Remrí 8:4

Bó ndzə̀y sén sí yòʼ‑oò lo sàʼkìr e dzəə, a bó wuú yéné yòʼ‑oò lo kòʼkír e kiya kee mkweè kìn.

Nsùyrì Nyùy 34:10

Wón bvərə̀ʼə́ lo, á wàa buŋ kifá. Áwune lo, á wàa kpukír jíŋ, Wìr tiir Nyùy Tàr fó mbìy, la wù yòʼ bùŋ kifá. Wù yòʼ búŋ kifá ke juŋ kímóʼ kí gheéy.

Lim Aŋgàa Ntum 13:18

e kù kfə̀mén, a leéy fo áwune e kirə̀ʼ ké woʼ kí kiyá mkweè.

Amos 5:25

Wír veé Isray, vèn‑eè ghán e kirə̀ʼ ké woʼ kí kiyá mkweè, seéri nyám si, cu a dzə̀ mo shó à?

Remrí 29:5

Nyùy Tàr suuy jii, ‹Mò‑oò tsəə̀né ven kiyá mkweè, e tòsín wóʼ shó, a bó ndzə̀y sén wùn aàlábáʼ véné yòʼ‑oò lo sàʼkìr.

Remrí 8:2

Vèn ku wìy a kuumé mo Nyùy Tàr‑iì tsəənen ven é kiya kee mkweè kìn, e tòsín wóʼ shó. Wù‑uù tsəə́ne bèy, soyrì ven e ŋgeʼ si, e fíʼ sə̀r ven, e kiíy shilív shén ji sà dzə̀ vèn lèm nsər sə́, mo bó yòʼ dzə̀ á lèm á.

Ŋwàʼ Fəə 16:35

Wír veé Israyi‑iì yì vifá ve yi ve á yoŋ ji manna vìy kiyá mkweè, e dù mèé mo vé‑eè nəən fo vé‑eè dzə̀ʼə̀mèn. Vé‑eè ghàn, e dù mèé e bìíy yeé Kanan fo vé‑eè dzə̀ʼə̀mèn, aá kù yí a dzə̀ manna.