Nehemia 9:20 - ŊWÀʼ NYÙY

²⁰ Wò‑oò fò Kiyoy ké ke juŋ ki aáwune, kí wáa tir áwune, a bó à yòʼ‑oò lo yàr fó yiír áwune e manna, aà yòʼ‑oò lo yàr fóo fo mendzə́v ji á nó.

Nehemia 9:20 Referans Kwoze

Nsùyrì Nyùy 143:10

À dzə̀ Nyùy wo m suyrì. Yéʼéy mo kinyo ke à koŋ ji m wáa yiì. Ku yiì, é Kiyoy ké ke kí kù yii dzə́ kijuŋ ki wáa dànèr mo, é la kinyo ki yòʼ kòóy mo é dzəə.

Kintaŋ 11:17

M yíi səʼə́y fo, e suŋnín wòsò, e fàr kiyoy ke kí bee e wò wùn, e fo mbìv yìmòʼ aáwune, aá fíʼ a sə wò, é vèn áwune wáa beʼ kibeʼèy ke dzəə̀n wíri kin, é la à yòʼ dzə́ə a beʼ vèn mòʼón.

Joon 4:10

Jesus bìnèr jii, «Aà bèn kì fómo wo Nyùy taʼ, e fo wò, e kfə̀n kìíy mo wìr wo wù lón mendzə́v fo wò və̀n dzəə̀n, bo kì yíi lon wò fo ŋgaàŋ, é wù fó wò mendzə́v me mè léŋ ghán sidzə̀m.»

2 Pita 1:21

Á yòʼ‑oò ló a tiisí kinyo ke kwaʼ áwune gheéy. Kù‑uù bánri Kiyoy ke Ranén kí áwune, aá tiísi a dzə̀ kinyo ke Nyùy suuyì.

Aysaya 48:21

Wù‑uù dànèr áwune, e tòsín wóʼ shó, a kilòŋ kí yòʼ‑oò lo yùm áwune. Wù‑uù yiì, ndzə́ví wáa fəə fo kilan, áwune wáa no, e wàʼ kilán, ndzə́ví wáa mee fo fo.

Efesor 5:9

A kí dzə̀ jii, vèn lóo ghan e mvə̀m ran ye Nyùy fó e vèn rən, é vèn nèn a yiì a dzə̀ vinyo ve ru ví ve ví wáa dzə kijuŋ, là kiloʼ.

Joon 4:14

Yii bèy, a bó kilòŋ kí yòʼ dzəə́ wìy yum wír wo wù nó mendzə́v a dzə̀ me foon mo. Mee shooy mè wíy a dzə e ŋgaàŋ wùn ji ntoò ndzə̀v ye yì fəə́ ghán sidzə̀m, fó wun dzəʼə̀m yee là may.»

Nsùyrì Nyùy 105:41

Wù waá kilán, mendzə́v mè wáa mee fo fo, a leŋ ji ndzə́v ye kuʼùné, a tosín wóʼ.

Joshua 5:12

Vifá ve yi vee *manna vi nèn mày e kishiíy kee shooy la wír veé Israyi yòʼ kfə̀n a yi manna. Á nèn kù a yi a dzə̀ vifá ve yi veé wòŋ Kanan, e kèʼ fo kiya foo fèy.

Ŋwàʼ Fəə 17:6

M yíi a tiy e wò mbìy e kilan ke kí dzəə̀n é Gwan Horev. À mee fo, à dzə̀v kilán kee shooy e mbàŋ, é mendzə́v mè fəə́ fó fo, é wíri wáa no.» Mooser dù, e yiì bèy, a vilìmbìy ve wìr veé Isray vi yéné.

Ŋwàʼ Fəə 16:15

Wír veé Israyi yén, e làa yòʼ kiíy, e nèn a dzə̀rnìn jii, «Kin ki dzə̀ ka?» Mooser nèn sùúy aáwune jii, «Dzə̀ kibán ke Nyùy Tàr foon ji vèn wáa yi.

Nehemia 9:30

Wò‑oò kfə̀mén vèn áwune viyá viyá, e kù a yiì, Kiyoy ké ki wáa banrí aŋgàa ntum vé, á wáa kàntì áwune. Yii bèy, la áwune yòʼ fə̀m yuùrí. À nèn wày áwune e vitúm vee fó ghaŋ ví wo.

Ŋwàʼ woó Rom 15:30

Afə̀r vem, m nén a lon jii, mo vèsən à Tàr wòsən Jesus Kristu tatin ne, Kiyoy ke Ranén kí wáa yiì, vèsən wáa kòŋnìn, vèsən ku tàtí sa, a bùnrì, a lon fo Nyùy jii,

Aysaya 49:10

Jìŋ yòʼ dzəə́ wìy a yar áwune, a bó kilòŋ kí yòʼ dzəə́ wìy a yum áwune. Shwér wo lumèné yòʼ dzəə́ wìy a feè áwune, a bó shùy yòʼ dzəə́ wìy a tòn áwune. Kí dzə̀ jii, mo woo Nyùy Tàr wo m shám áwune, m wíy a dànèr áwune é dzəə ye juŋ, a dù sho fo ntòŋ sé ndzəv se dzə̀ á wàa no si dzə̀kìn.

Ŋwàʼ Fəə 16:35

Wír veé Israyi‑iì yì vifá ve yi ve á yoŋ ji manna vìy kiyá mkweè, e dù mèé mo vé‑eè nəən fo vé‑eè dzə̀ʼə̀mèn. Vé‑eè ghàn, e dù mèé e bìíy yeé Kanan fo vé‑eè dzə̀ʼə̀mèn, aá kù yí a dzə̀ manna.

1 Korin 10:3

Wír vìn adzə̀me kfə́n a yi vifá ve yi ve ví‑iì lo a dzə̀ fo Nyùy,

Hagay 2:5

M kù dzə̀ vèsən réŋréŋ mo mò‑oò kàʼàn atàr vén é ghan se vé‑eè fəən fó wòŋ Ejiv jii, lá áwune yòʼ a fàn. M kù dzə̀ á vèr áwune ghán sidzə̀m.›

Ŋwàʼ Fəə 16:4

Á bèy, Nyùy Tàr nèn sùúy e Mooser jii, «Lèn, m yíi a səʼə́r viyíkìr vén wír adzə̀m fo yuv. Wír veé Israyi kù yíi a fəə kishiíy kidzə̀m, a baʼtí ve a dzə̀ á yì é kishiíy fó. E dzəə fen, é m nèn mùm áwune, e yèn ó ji á sà yíi a jùmrì nsər sém moo ŋgáŋ á?

Ŋwàʼ Fəə 17:3

Kilòŋ kí kú a yum wíri yúmén, á wáa bashí Mooser, a suúy jii, «Wò‑oò lì ver fó Ejiv, e wìy sho fèn ji ka? À taʼ e yiì, é vèr à wóné, à nyám sér sí kpú kilòŋ ke yumén kí a?»