Nehemia 9:19 - ŊWÀʼ NYÙY

¹⁹ à yòʼ‑oò lo màʼày áwune é kirə̀ʼ ké woʼ kí. À kù‑uù kfə̀mén bìʼ shammèndzə̀n wò wo ghaʼán. Bó mbàʼ yeé njà kitom ye yì‑iì danèr áwune e shùy yòʼ‑oò lo lày, a bó və́y woó njà kitome yòʼ‑oò lo lày sa. Wú kù‑uù danèr áwune vitsə́ʼə́, din fo á wáa dù.

Nehemia 9:19 Referans Kwoze

Nsùyrì Nyùy 106:45

Wù kuúmé *mensaŋ me wù‑uù gwàrìn wun áwune, e siìr dòʼshwíiy və é bàm, bìʼ koŋ ye wù kér fo wír vəə́.

Nehemia 9:27

À nèn wày áwune áàŋgaà vév vibàné wo, á wáa nə̀ʼsì. Áwune yú ntéŋ, a toŋ, a kàn wò, à yú tóŋ yév é yuv bìʼ shammèndzə̀n wò wo ghaʼán, e tsə̀nsí vé səə, á sə́ áwune fo aŋgaà vév vibàné wo.

Malakay 3:6

«M dzə̀ Nyùy Tàr, a bó m yòʼ kúvsinè, á nsàv ye m yoʼ laàr ven vee rám Jakov.

Nehemia 9:12

Wò‑oò danèr áwune e shùy e mbàʼ ye yì dzəə̀n é njà kitom. Lóo dzə vitsə́ʼə́, à wàa dànèr e və́y wo wú dzəə̀n é njà kitome, wú wàa dìn fo á wáa dù.

Daniel 9:18

«Éè Nyùy wom, ku tèér kituʼùr ké ki, e yuùrí. Ku mvə̀ʼ sí yée, e yèn búʼú mo ŋkàlaʼ sàʼkìn ne. Ŋkàlaʼ feyì, a dzə̀ ye. Vèr yòʼ lón vinyo ve vèr lón fo wò, bìʼ fo vèr kwaʼtì ji vèr dzə̀ tìítiy. Kù dzə̀ cáʼ bìʼ fo à yii shám ver é ŋàŋ.

Daniel 9:9

Yii bèy, Nyùy Tàr woo Nyùy wor, à dzə̀ ké, aà kù yii shám wír vé shámén. À lo, à làysìn ajay vér, fə̀m mo vèr tsəyin kóy vèsən.

Kintaŋ 14:14

e nèn bi wír veé nsay fèn sho. Éè Nyùy Tàr, áwune yù ne ji à dzə̀ e wír vìné mvəm. Nyùy Tàr, á yù ne ji à dìn a kitú ké e wír vée, aá yén wò moo mbàʼ ye yì tíy aáwuné kitu. Á kì ji à du a e wír vée mbìy e mvə̀m kitom ke mbàʼ e shùy, kfə̀n du aáwuné mbìy e mvə̀m kitom ke və̀y vitsə́ʼə́.

Esiker 20:22

M nèn kfə̀n rə̀m ntéŋ, e làa yòʼ màʼ kiwó aáwuné kitu ji m kiŋsin yír yém, fo vitúm ve ví‑iì yenen mo m fəər wír veé Isray fo Ejiv vi wáa jàʼ.

Esiker 20:14

Yii bèy, la m yòʼ yiì, bìʼ fo mò‑oò kiŋsìn yír yém, fo vitum vi wáa jàʼ. Vitúm vìn, ve vé‑eè yenen mo mò‑oò fəərin wír veé Isray fo wòŋ woo Ejiv.

Yòvdìy 3:22

Koŋ ye Nyùy Tàr koŋ wír vəə́ yòʼ wíy mày, a wù kù wíy a sham áwune, e dù, e jòʼsì.

Aysaya 44:21

Éè rám Jakov, vèn wáa kuumé vinyo vìn vi. Wír veé Isray, vèn dzə̀ wír vém lìm. Yì‑iì bòm mo ven, a vèn dzə̀ wír vém lìm. Éè wìr veé Isray, bó m yòʼ wíy làysìn ven.

Nehemia 9:31

Yii bèy, bìʼ shammèndzə̀n wò wo ghaʼán, à yòʼ‑oò lo laàr áwune, aà yòʼ‑oò lo bìn ndzə̀m aáwune. À dzə̀ Nyùy wo wù yii rə́r mendzən me wíri, kfə̀n shám áwune.

Ŋwàʼ Fəə 40:38

Fo ghan yév e dzə̀m, mbàʼ Nyùy Tàr‑iì lo, yì wàa dzə e kitu ke kibàn e shùy. Lóo dzə vitsə́ʼ, və́yí wàa ban e mvə̀m mbàʼ fèy, wír veé Israyi wàa yen.

1 Samuel 12:22

Nyùy Tàr yòʼ wíy ten wír və́, bìʼ fo yír rə́ ye ghaʼáné kù wíy a tiy fo. Yì‑iì kòŋ wun woo Nyùy Tàr, e bóo lì ven ji və́ vee wír.

Ŋwàʼ Fəə 40:36

Kí ku nèn a dzə bèy, e ghan sin se wír veé Israyi‑iì ghán e yuv. Mbàʼ‑aà yii lo fo kitu ke kibàn, bo áwune ŋáʼáy, a dù fomóʼó.

Remrí 8:2

Vèn ku wìy a kuumé mo Nyùy Tàr‑iì tsəənen ven é kiya kee mkweè kìn, e tòsín wóʼ shó. Wù‑uù tsəə́ne bèy, soyrì ven e ŋgeʼ si, e fíʼ sə̀r ven, e kiíy shilív shén ji sà dzə̀ vèn lèm nsər sə́, mo bó yòʼ dzə̀ á lèm á.

Nsùyrì Nyùy 136:16

Vèn wáa fo vibeerì e wun wo wù‑uù dànèrìn wír və́, e tòsín wóʼ shó. Koŋ ye wù koŋ wír vəə́ yòʼ wíy mày.

Esiker 20:17

« ‹Mo m fə̀m kì tinen kàʼ wov bey, m kfən siì lèéy áwune, e rə̀r mendzən, e làa yòʼ dzə́ə teè áwune é woʼ.