Nehemia 9:17 - ŊWÀʼ NYÙY

¹⁷ Áwune‑eè tèn fó a yunín wò, e kfə̀n làysìn viŋgaʼnìn ve vinyò ve wò‑oò yiìn aáwuné mvəm. Vé‑eè tàv kitú, e shòʼ kilìmbìy ji kí li áwune, e kfə̀n shó e Ejiv fo vé‑eè reŋ vikwàn. Yii bèy, aà dzə̀ Nyùy wo wù yii laysìn ajay, shám wíri, rə́r mendzən mev. À yòʼ yii shwiiy kilòŋ cér. À yii din ké a dzə̀ koŋ yé ye wiyí. Bìʼ bey, à kù‑uù kfə̀mén, e làa yoʼ bìn ndzə̀m aáwune.

Nehemia 9:17 Referans Kwoze

Nsùyrì Nyùy 86:5

Rúrú, Nyùy Tàr, à dzə̀ e juŋ. À yòʼ yar fó a làysìn ajay wíri. À yòʼ yar fó a dìn koŋ yé e wír ve á bunrì wòo.

Joel 2:13

Lá vèn yòʼ a sàtì a dzə̀ ndzə̀y ji vèn fíʼ a dìn mo vèn dzə́ e nsòv. Vèn su a dzə̀ melív men mè, e kfə̀n é bàm e Nyùy Tàr woo Nyùy wón wùn. Wù rə́r mendzən me wíri, shám áwune. Wù yòʼ yii táv shwiiy kilòŋ. Wù yòʼ yii yar fó a dìn koŋ ye wù kér fo wír vəə́. Wù yòʼ yii koŋ, e màʼ ŋgeʼ e wìr kitu.

Nsùyrì Nyùy 86:15

Yii bèy Nyùy Tàr, à dzə̀ ké, aà yii shám wíri shámén, kér mendzən, lo ji weè e dòʼshwiíy, din koŋ yé ye ghaʼáné e wír vée, tíy e wò ŋkàʼmé.

Ŋwàʼ woó Rom 9:15

A wù‑uù lo sùúy e Mooser jii, «M yíi rər mendzən me wìr wo m koŋ e rər, e sham wír wo m koŋ e sham.»

Nsùyrì Nyùy 78:38

Yii bèy, e yé ŋgaà mendzə̀ne, wù ku làysìn vinyo vév ve bi ví, e làa yòʼ laàr áwune. Mo dòʼshwiíy kù kív wun, a wù kfə́men à fó à fó, wù kú a sə̀r dòʼshwíiy və sə́rin, fóo laàr áwune adzə̀m.

1 Afòn 6:13

a kí dzə̀ jii, m wíy a dzə e lav cù fèn, a dzə e wír veé Israyí mvəm, e làa yòʼ wìy màʼtì áwune vee wír vém.»

Nsùyrì Nyùy 106:7

Atàr vérí‑iì dzə́ e Ejiv, a bó á yòʼ‑oò ló a yen viŋgaʼnìn ve vinyò ve Nyùy‑iì yii, sí yéví wáa run. Áwune yòʼ‑oò ló a kuumé mo wù‑uù rə́si din koŋ rə́ aáwune. Á ku nèn a tsəy kóy wùn à Nyùy e shùu Rìbà Ndzə̀v wo Baar.

Nsùyrì Nyùy 78:11

Vé‑eè làysìn vinyo ve Nyùy‑iì yiìn, laysìn viŋgaʼnìn ve vinyò ve wù‑uù dìnèn aáwune.

1 Afòn 8:57

Nyùy Tàr woo Nyùy wòsən wáa dzə vèsən áwune mo wù‑uù dzəə̀n wùn aàtàr vesəné. Lá wù yòʼ màʼtì vèsən, lá wù yòʼ màʼày vèsən.

Nsùyrì Nyùy 106:13

Yii bèy, áwune‑eè tàv làysìn vinyo ve Nyùy‑iì yiìn, e làysìn, e làa yòʼ dzə́ə a yuurí ntir sə́.

Nsùyrì Nyùy 130:4

Yii bèy, à kù yii laysìn ajay wíri, á làysìn rì bèy, aá bóo fíʼ a ghvəm wò.

Hibru 12:25

Vèn wáa yen rì fó ŋway kinyo ke Nyùy wo wù súŋnin e vèn ŋwáyín. Vèn kì sá ji wù‑uù lo màʼ ŋgeʼ e wír ve vé‑eè ŋwáy kinyo ke ŋgaà wo wù‑uù lèmèn é nsay fèn ji wù wáa tir wíri. Mo kí dzəə̀n ben, bo bó wìr wo wù ŋwáy kfə́ a dzə̀ kinyo ke wun woo Nyùy súŋnin fo yuv yòʼ wíy bòy fo ŋgeʼ gheéy.

Lim Aŋgàa Ntum 7:39

«Atàr vesən víyi nèn lò, e mèŋ Mooser, e bàʼ wun e bàm, a kòŋ ji bo á kì kfə́n e Ejiv.

Ŋgàn 1:24

Mo m rə́si tír ven, a vèn tén fóo yu, kwar ven, a bó wìr yòʼ kér ghán,

Kintaŋ 16:14

Bó wù yoʼ lò lì ver, e nə̀ə́ sho e nsay ye vín nàʼ wùn à vilu vi tsəətìn sho. Wù yoʼ lò fò ver súm sé vifa ve yi, à sé vitiír vé *vayin si ji vèr yov, a ker ji vitsə́ʼ vér. A dzə̀ la wù yòʼ kfə̀n a laàrì sí yér. Vèr yòʼ wiyì.»

Kintaŋ 14:41

Mooser dzə́r jii, «Vèn káy jí Nyùy Tàr ji ka? Kí yòʼ yíi dù.

Kintaŋ 14:11

Nyùy Tàr nèn yòŋ e Mooser jii, «Wír vìne wíy ŋway mo ben, e dù, e meé e le? Áwune wíy ten fó a way shilív e mǒ wùn, e dù, e meé e le? Aá tén bèy, a m yií ne viŋgaʼnìn ve vinyò aáwuné mvəm nyanyày.

Nehemia 9:31

Yii bèy, bìʼ shammèndzə̀n wò wo ghaʼán, à yòʼ‑oò lo laàr áwune, aà yòʼ‑oò lo bìn ndzə̀m aáwune. À dzə̀ Nyùy wo wù yii rə́r mendzən me wíri, kfə̀n shám áwune.

Jeremia 19:15

Nyùy Tàr woo Taà Mànjòŋ, wun woo Nyùy wìr veé Isray suuy jii, «Vèn leéy, e yèn, m sí lo, e màʼ ŋgeʼ ye tavín é ŋkàlaʼ fèn, e màʼ e ntèʼ see fó ghaŋ réŋréŋ mo mò‑oò sí suuyì, a kù dzə̀ bìʼ fo vèn tavin kitú, e tèn fó a yu kinyo ke m suuyì.»

Esiker 5:6

Jerusalem lò ne fo fo, e bìn ndzə̀m e mǒ nsər si, e ŋwày sáʼ yém. Áwune yiì ne liì kisaŋ, wù shaá wo vitum ve ví kaarin áwune, e tàr.»

Daniel 9:9

Yii bèy, Nyùy Tàr woo Nyùy wor, à dzə̀ ké, aà kù yii shám wír vé shámén. À lo, à làysìn ajay vér, fə̀m mo vèr tsəyin kóy vèsən.

Nahum 1:3

Nyùy Tàr yòʼ táv shwiiy kilòŋ, yii bèy, a wù kér vitaáví ve wiy ví. Wù maʼ ŋgeʼ e mbùʼtìvìnyò kitu, a bó yòʼ dzə̀ wù bàvtí wun. Nyùy Tàr shaa e kirə̀ʼ, kiìkir kòʼ. Mbàʼ dzə̀ kibvər ke wúu rəə́ tsər, a kí kóʼó.

Ŋwàʼ Fəə 32:9

Nyùy kfən sùúy e Mooser jii, «M kì ji wír vìne tàv kitú feyì.

Cù 26:44

Ŋwáy sáʼ yém ŋwayín. Mo á fə̀m‑eè lóvti bèy, áwune wíy lòo dzə aàŋgaà vév vibàné nsay, é la m yòʼ wìy màʼày áwune. Bó m yòʼ wíy meŋ áwune, e laàr ŋkuuŋkùŋ, e yaʼáy mensaŋ me mò‑oò gwàrìn vèr áwune. Kù dzə̀ mo Nyùy Tàr woo Nyùy wov.

1 Samuel 12:22

Nyùy Tàr yòʼ wíy ten wír və́, bìʼ fo yír rə́ ye ghaʼáné kù wíy a tiy fo. Yì‑iì kòŋ wun woo Nyùy Tàr, e bóo lì ven ji və́ vee wír.

2 Wòŋ 36:13

Fòn Tsədekiya nèn lò, e mèŋ sáʼ Fòn Nebukadnessar, a Fòn Nebukadnessar‑iì yiì ne, Tsədekiya lìʼ e Nyùy yir ji wun yíi a neŋ a e wun sar saʼ. Tsədekiya kú a tav kitú tavín, e tèn fó bìnèr shilív sə́, e kfən fo Nyùy Tàr woo Nyùy wìr veé Isray wùn.

Esra 9:9

Nyùy wor, mo vèr fə̀m dzəə̀n akwàn, bó à yoʼ làysìn ver é mvə̀m vikwàn. Á bèy, à dìn ne koŋ yé ye wiyí e vèr, aàfon veé Persiàa yéné. À kfən yiì, vèr meémé, e bòm lav yè, ye yì‑iì sàʼkìn ne, e kfə̀n kìŋsìn ver é Juda wùn ǎ Jerusalem.

Nsùyrì Nyùy 78:10

Áwune yòʼ‑oò ló a lèm mensaŋ me Nyùy‑iì gwàrìn wùn áwune. Á kù‑uù tèn fó a ghan mo Ŋwàʼ Nsər Nyùyi dinè.

Jeremia 7:26

a vèn yòʼ yú kinyo kém, a vèn yòʼ fə̀m gwarìrì, kù táv a dzə̀ kitú. Kén kí ku nèn fòy, e shaà ké atàr vén sháan.»

Jeremia 18:15

Yii bèy, a wír vémé ŋwày ne mo. Á sí ton kiláy, cu anyùy kisaŋe shó. Anyùyi yií, áwune wáa bàyrìn e dzəə ye á kì ghán sho, dzə́ə, ye dzəə̀n kimvə́mvə ké dzəə, e nèn lò, e bìn a dzə̀ é dzəə ye toʼrìn, dzə́ə, aá yoʼ nàŋsín, yì táʼám.