Nehemia 9:16 - ŊWÀʼ NYÙY

¹⁶ Yii bèy, atǎr atàr vérí nèn lì kiŋkoʼòrwùn wùn à kitú ke tavín kí, e nèn tèn fó a yunín nsər sé.

Nehemia 9:16 Referans Kwoze

Nehemia 9:29

Wò‑oò kàntì ji áwune wàá binkir, a jùmrì a dzə̀ á nsər yè. Áwune tén, a koʼór a dzə̀ wún, e nèn a shoʼór nsər sé, a ŋway vinyo ve wò‑oò tinen, a vinyo vìn vi dzə̀ ve wò‑oò foon ji a wìr yúninè, wù wìy a ker dzəʼə̀m ye juŋe. Á lò fo fo, e bìn ndzə̀m e wò, e kfə̀n ji antavkìtu wùn aàsə̀mtuʼùrí.

Hibru 3:15

Vèn ku nèn a kuumé kee jii: «A vèn yù, a Nyùy yoŋ ven lán, lá vèn yòʼ ŋwày ŋwáyín mo atàr véné‑eè ŋwayin é ghan se vé‑eè sə́ kóy wùn à Nyùy.»

Ŋwàʼ woó Rom 2:5

Yii bèy, à lo, à nèn tèn fó bìnèr shilív shé, shí kú lóo taaví taavín, à nèn kfə̀n dzə̀sì a dzə̀ ajay, e màysì, e tìnsín shilív shé Nyùy. Aà káv a dzə̀ lòn, mo à wíy nəə́ sho e kishiíy ke Nyùy wíy dìn mo wù yii tínen nsaʼ wìr réŋréŋ mo yì dzəə̀n.

Nehemia 9:10

Wò‑oò yiì vinyo ve ví wáa dìn vitaáví vé wùn à viŋgaʼnìn ve vinyò vi, e lòvtí e Farao wùn à vé saʼ vəə́, e kfə̀n lòvtí e wír vee wun wòŋe adzə̀m, bìʼ fo wò‑oò yenen mo wír veé Ejivi nəʼsì atàr vér. À nèn yiì, yír yée wáa dzə e gháʼtín mo yí kù dzə̀ə́, e wìy shem lán və̀n.

Remrí 31:27

M kì mo vinyo vév ve buʼtìn wùn à kitú kév ke tavín kí dzəə̀n. M dzə́, a m dzə̀ə́ sho aáwuné mvəm lán, aá kù lóvti e Nyùy Tàr ben, bo m yíi kpu, a m kpú ne, é kí wáa kìʼ e le?

Hibru 3:13

Ke vèn wáa yiì ki dzə̀ jii, wìr wáa tir a fə́r və fo mensə́ mè bóʼtí wun, é wù wáa yiì vinyo ve bi ví, a ŋway Nyùy ŋwáyín. Wù kú a tir kishiíy kidzə̀m, bìʼ fo lèn kù dzə̀ə́ kishiíy ke á yoŋ e Ŋwàʼ Nyùy ji lán. A dzə̀ lán wo dzə̀ á yù jí Nyùy.

Lim Aŋgàa Ntum 7:51

Tefan fèr bèy, e sùúy jii, «Vèn tàv kitú e ŋàŋ, a melív men wùn à vituʼùr vén ví dzə̀ vé wìr ve bó á yòʼ kiìn Nyùy. Vèn kfə̀n tén fó a yu Kiyoy ke Ranén kí, yii kinyo, a kù dzə̀ ke atàr véné‑eè yii.

Jeremia 19:15

Nyùy Tàr woo Taà Mànjòŋ, wun woo Nyùy wìr veé Isray suuy jii, «Vèn leéy, e yèn, m sí lo, e màʼ ŋgeʼ ye tavín é ŋkàlaʼ fèn, e màʼ e ntèʼ see fó ghaŋ réŋréŋ mo mò‑oò sí suuyì, a kù dzə̀ bìʼ fo vèn tavin kitú, e tèn fó a yu kinyo ke m suuyì.»

Jeremia 2:31

«Éè ŋgwàʼ yeé Isray, vèn yuúrí, e yù jí Nyùy Tàr. Mò‑oò ló a ker ven a dzə̀ e wó ŋgeʼe á? Mò‑oò lo màʼày ven é woʼ, kìn é ndzə vitsə̀ʼ á? Yiì ka, é bo wír vémé wáa suúy jii, ‹Vèr fəə̀ ne fo wo ŋgeʼe lèn, a bó vèr yòʼ dzəə́ yìi kfən e Nyùy sar saʼ?›

Aysaya 63:10

Yii bèy, áwune kú a tsəy kóy wùn à Nyùy Tàr, a tinsín Kiyoy kfə́ ke Ranén kí. Bìʼ bey, Nyùy Tàr nèn lò, e kfə̀n ji ŋgaà wov vibàn, wúnwun kitú kfə́ wáa ghiʼ áwune.

Aysaya 48:18

Wìr ku lì ji vèn‑eè lo yuùrí kém, e yùnín nsər yem, bo vèn kì yíi a dzə dzə́ yee nyaáŋ, é yí wáa dzə, kù moo ndzə́v ye yí léŋ là meemè, é yii yén ye réŋé wáa dù fo mbìy, moo rìbà ndzə̀v wo wù kiy wún ghán sidzə̀m.

Aysaya 48:4

Mò‑oò yii bèy, kù kiiy ji vèn tàv á kitú feyì, a bó vèn yòʼ yíi a yu kinyo. Vèn dzə̀ rú ben, a kitú kén ke tavín kí yòʼ dzə̀ é kirə̀ʼ, kiguynìn kén kí dzə̀, a kí kóʼ bam.

Ŋgàn 29:1

Wìr wo á tír wun, a wù ŋwáy ntir, kù yíi sàsìn, e gbù, a bó dzəə̀ lùŋ yòʼ kfə̀n dzə̀.

Nsùyrì Nyùy 106:6

Vèr jày ne, kù mo atàr vérí‑iì jáyí. Vèr kù‑uù táv a dzə̀ kitú, buʼtì vinyo ve bi ví.

Nsùyrì Nyùy 81:8

«Éè wìr vem, vèn ku yuùrí kinyo ke m kantì ven shó ki. Éè wìr veé Isray, bo vèn‑éè yuurí kinyo kém kee jii,

2 Wòŋ 36:13

Fòn Tsədekiya nèn lò, e mèŋ sáʼ Fòn Nebukadnessar, a Fòn Nebukadnessar‑iì yiì ne, Tsədekiya lìʼ e Nyùy yir ji wun yíi a neŋ a e wun sar saʼ. Tsədekiya kú a tav kitú tavín, e tèn fó bìnèr shilív sə́, e kfən fo Nyùy Tàr woo Nyùy wìr veé Isray wùn.

2 Wòŋ 30:8

Lá vèn yòʼ a tav kitú moo atàr vén. Vèn wáa yu fo Nyùy Tàr. Vèn wáa wìy e lav cù yeé Jerusalem, lav ye Nyùy Tàr woo Nyùy won lèmèn jeéy ji rə́ə, e wìy dù, e jòʼsì. Vèn wáa ghvəm wun, é la dòʼshwíiy və wo tavín yòʼ dzəə ŋàʼáy, e kìʼ ven.

2 Afòn 17:14

Yii bèy, wíri tén fó a yunín Nyùy, nèn kù a tav kitú moo atàr vév ve vé‑eè tenen fó way shilív e Nyùy Tàr woo Nyùy wóv wùn.

Remrí 32:15

Yii bèy, Jeshurun yíkír, e fàŋ, a ŋàʼ. Wù fáŋ, e rùn, a nə̀ʼ nə̀ʼə̀n. Lòo nə̀ʼ, e bìn ndzə̀m e Nyùy. Wù‑uù ŋwày Ŋgaà Mbom və, e màʼày Ŋgaà Lùŋèr və woo Kilán kfə́.

Remrí 9:27

La à kù si kuùmé rì aŋgàa lìm vé vee Abraham wùn à Aysi, à Jakov, e làa yòʼ a leéy kitú kév ke tavín kí, kìn dzə̀ liì kisaŋ wov, kìn vinyo vév ve bi ví a?

Remrí 9:13

«Nyùy Tàr kfən lò, e sùúy e mò jii, ‹E ké ru kí, m lèéy ne wír vìn, e yèn a dzə̀ antavkìtu.

Remrí 9:6

Vèn kú a kiíy kijuŋ ji bó Nyùy Tàr woo Nyùy won yòʼ fó nsay ye juŋ rə̀n ji yéen bìʼ yii yén ye réŋé. Aày, vèn dzə̀ ben, a dzə̀ antavkìtu.

Remrí 5:29

Kì yée fó a dzə feyì ji á mo shilív shév shí dzəə̀n ben ghán sidzə̀m. Áwune kì yèe fó a fàn mo, a lèm nsər sém sidzə̀m, é kí fiʼ yiì, aáwune wáa ker vishí ve juŋ vi, à rám yéví shó, e wìy dù, e mày.

Ŋwàʼ Fəə 32:9

Nyùy kfən sùúy e Mooser jii, «M kì ji wír vìne tàv kitú feyì.

Ŋwàʼ Fəə 15:26

Wù‑uù sùúy jii, «Dzə̀ mo Nyùy Tàr, wo wù fer ayàsí vén. A vèn yiì a yu mo, a yiì vinyo vee tìítiy, a lèm nsər sém, a yiì vinyo ve m tiirin e věn wùn vidzə̀m, bo m yòʼ yíi màʼ ŋgeʼ yàsí e věn kitu ye mò‑oò màʼàn e wír veé Ejiví kitu.»

Jeremia 7:26

a vèn yòʼ yú kinyo kém, a vèn yòʼ fə̀m gwarìrì, kù táv a dzə̀ kitú. Kén kí ku nèn fòy, e shaà ké atàr vén sháan.»

Esiker 5:6

Jerusalem lò ne fo fo, e bìn ndzə̀m e mǒ nsər si, e ŋwày sáʼ yém. Áwune yiì ne liì kisaŋ, wù shaá wo vitum ve ví kaarin áwune, e tàr.»

2 Wòŋ 29:6

Atàr vesəné yòʼ‑oò ló a tiy tìítiy wùn à Nyùy Tàr woo Nyùy wòsən. Vé‑eè yii vinyo ve ví yòʼ gheen wun. Áwune‑eè màʼày Nyùy Tàr, e fə̀ə́r vifií vév fó lav ye wù dzə́ sho, e nèn bìn ndzə̀m e wun.