Nehemia 9:15 - ŊWÀʼ NYÙY

¹⁵ Jìŋ‑eè lóo yar áwune, à tsə́nsí viyíkìr ve ví‑iì loòn a dzə̀ fó yuv. Kilòŋ kí wáa yum áwune, à fəə́r mendzə́v fó kilan, á nó. À kfən yòŋ aáwune ji á du, e yòv a nsay ye wò‑oò lìʼìn ji à wíy fo aáwune.

Nehemia 9:15 Referans Kwoze

Remrí 1:8

Vèn yén ri mbà, m fò ne nsay rə̀n e vèn. Vèn nəə́, e faàsì nsay rə̀n, e yòv. Dzə̀ nsay ye mo woo Nyùy Tàr‑iì kàʼàn atǎr ram vén vee Abraham wùn à Aysi, à Jakov sho, e lìʼ ji m wíy fo a aáwune wùn à rám sév sí.› »

Ŋwàʼ Fəə 17:6

M yíi a tiy e wò mbìy e kilan ke kí dzəə̀n é Gwan Horev. À mee fo, à dzə̀v kilán kee shooy e mbàŋ, é mendzə́v mè fəə́ fó fo, é wíri wáa no.» Mooser dù, e yiì bèy, a vilìmbìy ve wìr veé Isray vi yéné.

Ŋwàʼ Fəə 16:4

Á bèy, Nyùy Tàr nèn sùúy e Mooser jii, «Lèn, m yíi a səʼə́r viyíkìr vén wír adzə̀m fo yuv. Wír veé Israyi kù yíi a fəə kishiíy kidzə̀m, a baʼtí ve a dzə̀ á yì é kishiíy fó. E dzəə fen, é m nèn mùm áwune, e yèn ó ji á sà yíi a jùmrì nsər sém moo ŋgáŋ á?

Esiker 20:15

Á bèy, m ku nèn tìn kàʼ aáwune, e lìʼ jii, m yòʼ dzəə́ yìi lì áwune, e dù sho e wòŋ wo mò‑oò kàʼàn áwune shó. Woŋ, a vín nàʼ wùn à vilu vi tsəətìn sho tsə́ətin, a wú bóŋ é ŋàŋ, e shaà símóʼ sí.

Nsùyrì Nyùy 114:8

wun wo wù lo, wù bìnèr kilán ji kisə̀m, e bìnèr sáylúm ji ntoò ndzə̀v.

Remrí 8:3

Wù‑uù sə̀r ven, e lèm e jìŋ, e yiì lò, e yìír ven e manna wo bó vèn yòʼ‑oò kiìn, a bó atàr véné yòʼ‑oò kì sá. Wù‑uù yii bèy ji vèn kiíy á ji bó yòʼ jòʼsì ji wìr yí kibán, e bóo lùŋ. A dzə̀ wìr kù lùŋ a dzə̀ fó jì se sí fəə́ fo Nyùy Tǎr shuù sidzə̀m.

Nehemia 9:20

Wò‑oò fò Kiyoy ké ke juŋ ki aáwune, kí wáa tir áwune, a bó à yòʼ‑oò lo yàr fó yiír áwune e manna, aà yòʼ‑oò lo yàr fóo fo mendzə́v ji á nó.

Remrí 1:21

Vèn leéy ri, Nyùy Tàr fò ne ven nsay. Vèn nəə́ shó, e faàsì, e yòv, kù mo Nyùy Tàr woo Nyùy atàr vén‑eè kàʼàn. Lá vèn yòʼ fàn, lá vèn yòʼ weèy.

Kintaŋ 14:30

Bó wìr mòʼón fo áwune yòʼ wíy shov woŋ wo mò‑oò kàʼàn ji m wíy lèm áwune fó. Kù mày Kalev woo wan Jefunne wùn Joshua woo wan Nun.

Kèʼlo 14:22

Abram bìnèr kfə́ e fòn woó Sodom jii, «M kì yiì á ne kilìʼ fo Nyùy Tàr, wun woo Nyùy woo Taà Vitu, wun wo wù‑uù bomen yúv wùn à nsay,

Ŋwàʼ Fəə 6:8

M wíy dànèr ven, e dù sho e nsay ye mò‑oò kàʼàn Abraham wùn à Aysi, à Jakov sho, e kfə̀n lìʼ. M wíy fo e vèn ji sì á nsay yen. Suuy mo woo Nyùy Tàr.»

Ŋwàʼ Fəə 17:3

Kilòŋ kí kú a yum wíri yúmén, á wáa bashí Mooser, a suúy jii, «Wò‑oò lì ver fó Ejiv, e wìy sho fèn ji ka? À taʼ e yiì, é vèr à wóné, à nyám sér sí kpú kilòŋ ke yumén kí a?»

Aysaya 48:21

Wù‑uù dànèr áwune, e tòsín wóʼ shó, a kilòŋ kí yòʼ‑oò lo yùm áwune. Wù‑uù yiì, ndzə́ví wáa fəə fo kilan, áwune wáa no, e wàʼ kilán, ndzə́ví wáa mee fo fo.

Jeremia 32:23

Áwune nəə́, e yòv fó, e nèn tèn fó a yunín wò, a jùmrì nsər sé. Áwune yòʼ‑oò ló a yiì vinyo ve wò‑oò yòŋèn ji á wáa yiì. À nen yiì, ŋgeʼ rə̀n gbú aáwuné kitu.