Nehemia 9:13 - ŊWÀʼ NYÙY

¹³ À kfən siì sə̀ʼə́y fo yuv, e sùŋnín aáwune fó mvə̀m mbàʼ e Gwan Sinay, e fò áwune vinyo vee tìítiy wùn à ntir see réŋ sí, à sáʼ ye juŋe wùn à nsər sé si.

Nehemia 9:13 Referans Kwoze

Nsùyrì Nyùy 119:160

Kinyo ke à suuyin kidzə̀m ki dzə̀ suuyrú, a kinyo ke à tínen kimòʼón kimòʼón ki kù dzə̀ là kiloʼ, a kí wíy shaàrì.

Ŋwàʼ Fəə 20:1

Nyùy Tàr nèn a suŋnín jí sìn, a suúy jii,

Ŋwàʼ Fəə 19:11

a dzə kibáʼtín é kishiíy ke kí meen ji taár, bìʼ fo yíi lòo dzə e kishiíy fóo fèy, é m sə́y é Gwan Sinay, é wìr dzə̀m yén mo.

Ŋwàʼ woó Rom 7:16

Mo m yii bèy, kiiy ji dzə̀ jay, kí nén a dìn ji shilív shém shí bínsi a ji kinyo ke nsər suuy ki dzə̀ ke ru kí.

Habakuk 3:3

Nyùy‑iì wìy fó Teman, wun woo Ŋgaà wo Ranén‑eè wìy fó Gwan Paran. Vikuʼùy və́ ví súm yúv, búrí rəə́ rún kitú ke nsay.

Aysaya 64:3

Nyùy Tàr, wò‑oò ghàn sə̀y é nsay fo yàŋgùʼ, e yiì viŋgaʼnìn ve vinyò, vèr kóʼ shó koʼón. Wò‑oò sə̀y é ghan sin, agwane yén wò, a fàn, a yàʼ.

Aysaya 64:1

Éè Nyùy Tàr, la à kù si shùʼ rì yúv, e sə̀y é nsay, e lùŋèr ver a? Kii wò, ku sə̀y, áàgwane yén wò, a fàn, a yàʼ.

Nsùyrì Nyùy 119:137

Rúrú, Nyùy Tàr, à dzə̀ là jay, à tínen vinyo vé, a ví kù du tìítiy.

Remrí 33:2

Wù lòo lon, e yòŋ jii: «Nyùy Tàr‑iì sə̀y fó Gwan Sinay ji wun sə́ vèsən, wù‑uù tò moo shúy fo Edom, e bàn e wír vəə́ kitu. Rán rəə́ ŋwàŋ fo Gwan Paran. Nsheèlav sə́ sí‑iì dzə̀ wùn áwune ansə̀kì ansə̀kì. Wù‑uù kér və́y é kiwo ke yìy kí, a wú baári ji vùŋ vùŋ.

Remrí 5:4

Nyùy Tàr‑iì sùŋnín vèn áwune é gwan foo fèy, e mvə̀m və̀y, a vèn dzə̀ fó si.

Remrí 4:33

Bó kitúm kímóʼ kí yòʼ dzə̀ shó moo kén, ke wíri yuun ne, a nyùy wùmòʼ súŋnín fó mvə̀m və̀y mo vèn‑eè yuun, e yù bey, e gòʼ atin.

Remrí 4:8

A bó kitúm ki yòʼ dzə̀ shó, a kí fə̀m kùʼ e le, ke kí kér nsər se sí dzəə̀n tìítiy moo nsər sìn sidzə̀m se m fó e vèn lán.

Ŋwàʼ Fəə 20:22

Nyùy Tàr nèn sùúy e Mooser jii, «Suúy e wír veé Israyi jii, ‹Vèn yèn ne e sí yéné ji súŋnin a mo e vèn fó yuv.

Ŋwàʼ Fəə 16:23

Wù nèn sùúy aáwune jii, «Nyùy Tàr yoŋ a ji kibvəə́shí kí dzə̀ á kishiíy ké meèmè. Dzə̀ kishiíy ké bam ke Nyùy Tàr, a dzə̀ á kishiíy kee jeéy kí. Vèn wàá náŋsín á vifá ve yi ve vèn baʼtin lán, e tòn ve tonèn ví, e nàá ve naán ví. Vèn lóo yi, á bèr á vee kibvəə́shí.»

Remrí 4:36

Wù‑uù yiì, vèn yú kisúŋnìn kfə́, a kí sə́y fo yuv, ji wun fiʼ sə̀r a ven, e kfə̀n yiì, vèn yén və́y və́ wo ghaʼáné é nsay fèn, e yù kisúŋnìn kfə́ fó mvə̀m və̀y.

Nsùyrì Nyùy 119:4

Nyùy Tàr, à fò ne ver ntò sé se yeʼéy, ji á wáa ŋeèvì, a yunín sidzə̀m.

2 Afòn 17:37

Vèn yén ji vèn lem á nsər wùn à ntir se m saŋen, e fò e vèn sin. Lá vèn yòʼ a ghvəm anyùy ámóʼó.

Esra 7:6

Esra wáa dzə, a dzə̀ ŋgaà dùŋrì, a wù kì Ŋwàʼ Nsər Mooser kijuŋ, ŋwàʼ wo wú kér nsər se Nyùy Tàr woo Nyùy wìr veé Isray‑iì foon. Wìy lòo dzə e kiya ke kí‑iì meen ji saàmbà mo Fòn Artakerkes‑iì saʼan ne vifon və́, Esra nèn lò fo Babilon a dù e Jerusalem. Mo Nyùy Tàr woo Nyùy və‑əə̀ leey fo wun, fòn nèn biìmé kinyo kidzə̀m ke wù‑uù dzə́rí. Wír veé Isray ámóʼó ve vé‑eè duùn wùn áwune é Jerusaleme‑eè dzə̀ jii, wír vee viy wùn aàtàá cùu, à wír veé ram Levìi, à vé yòvi, à wír ve á yii leey lav cùu, e lì ve á yii lim e lav Nyùy.