Nehemia 9:12 - ŊWÀʼ NYÙY

¹² Wò‑oò danèr áwune e shùy e mbàʼ ye yì dzəə̀n é njà kitom. Lóo dzə vitsə́ʼə́, à wàa dànèr e və́y wo wú dzəə̀n é njà kitome, wú wàa dìn fo á wáa dù.

Nehemia 9:12 Referans Kwoze

Nehemia 9:19

à yòʼ‑oò lo màʼày áwune é kirə̀ʼ ké woʼ kí. À kù‑uù kfə̀mén bìʼ shammèndzə̀n wò wo ghaʼán. Bó mbàʼ yeé njà kitom ye yì‑iì danèr áwune e shùy yòʼ‑oò lo lày, a bó və́y woó njà kitome yòʼ‑oò lo lày sa. Wú kù‑uù danèr áwune vitsə́ʼə́, din fo á wáa dù.

Nsùyrì Nyùy 143:8

Kú a dìn mo koŋ yé kijàvndzə kidzə̀m, bìʼ fo m tiir vifií a dzə̀ e wò wùn. Dùŋrì mo dzə́ə mo dzə̀ m wàa ghan. Dùŋrìi, bìʼ fo m kù bunrì a dzə̀ wò.

Nsùyrì Nyùy 107:7

Wù dànèr áwune é dzəə yee tìítiy, e dù, e mèé mo vé‑eè meen é ŋkàlaʼ yé a dzə sho.

Nsùyrì Nyùy 105:39

Nyùy Tàr sáŋrí mbàʼ ji kikiŋ ke won veé Isray, e kfə̀n fò və́y, wú wáa kàʼày áwune vitsə́ʼə́.

Nsùyrì Nyùy 78:14

Yì‑iì lóo dzə e shùy, Nyùy yiì, mbàʼ wàa dù fo mbìy, a dànèr áwune, lóo dzə vitsə́ʼə́ vidzə̀m, və́yí wàa baarí, a dù fo mbìy, a dànèr áwune.

Ŋwàʼ Fəə 15:13

À kù wíy a dìn koŋ yé ye wiyí, a tsəəné wír ve wò‑oò tinen fo aŋgaà vév vibàné. À kù wíy kìŋsìn áwune e vitaáví vé vi, e dù sho e wò kirə̀ʼ ké dzə ke ranén kí.

Kintaŋ 9:16

Á mo kí kù‑uù dzə́ bèy, mbàʼ lo, yì sùm e shùy, lóo dzə vitsə́ʼə́, yì wàa yensín moo və́y bey.

Remrí 1:33

Dzə̀ wun wo wù‑uù danèr ven, ghán sho, kfə̀n taʼ virə́ʼ ve dzə̀ vèn tùúy táv sí shó. Lo, wù wàa dànèr ven vitsə́ʼ e və́yí, a dànèr e shùy e mbàʼ, a dìn dzə́ə ye vèn wáa dù sho.

Kintaŋ 9:21

Lo, e ghan símóʼ sí, mbàʼ wàa dzə, e kèʼ fo ŋkuùr, e dù, e meé kijàvndzə cáʼ. Yì lo kijàvndzə, áwune kù nèn ŋàʼáy, a dù. Mbàʼ‑aà lo e ghan se yì loòn, kìn dzə̀ e shùy, kìn dzə̀ vitsə́ʼə́, bo áwune kù sí ŋáʼay, a dù.

Esiker 20:6

Yì‑iì dzə̀ é kishiíy fóo fèy, m lìʼ, e yòŋ jii, m yíi fəə́r a áwune fó wòŋ woó Ejiv fèy, e lèm e wòŋ wo mò‑oò tayin ji wóv. Dzə̀ woŋ, a vín nàʼ wùn à vilu vi tsəətìn fo tsə́ətin, a wú bòŋ e ŋàŋ, e shaà woŋ símóʼ sí sidzə̀m.