Nehemia 9:10 - ŊWÀʼ NYÙY

¹⁰ Wò‑oò yiì vinyo ve ví wáa dìn vitaáví vé wùn à viŋgaʼnìn ve vinyò vi, e lòvtí e Farao wùn à vé saʼ vəə́, e kfə̀n lòvtí e wír vee wun wòŋe adzə̀m, bìʼ fo wò‑oò yenen mo wír veé Ejivi nəʼsì atàr vér. À nèn yiì, yír yée wáa dzə e gháʼtín mo yí kù dzə̀ə́, e wìy shem lán və̀n.

Nehemia 9:10 Referans Kwoze

Daniel 9:15

«Éè Nyùy Tàr woo Nyùy wor, wò‑oò fə̀ə́r wír vé fo wòŋ Ejiv e vitaáví vé vi, e yiì, vitúm vi kiíy vitaáví vé, e shem lán. Vèr dzə̀ kér, a vèr jày ne, e yiì kibí féyì e wò.

Jeremia 32:20

Wò‑oò yiì ne dìn visəəm ve ghaʼtín ví, e yiì viŋgaʼnìn ve vinyò e wòŋ Ejiv, aà kù dzəə́ yii bèy lán e Isray, yii sa e wìr msòŋ e dzə̀m mvəm, yír yée nén a dzə e kiíyín kirə́ʼ kidzə̀m.

Aysaya 63:14

Kiyoy ke Nyùy Tàr kí‑iì yiì, wír veé Israyi ghán kijuŋ ji nyaáŋ nyaáŋ, kù moo nyám se sí səyin é kiwoóy, e nò mendzə́v, e neèm, a meèmè. Nyùy Tàr, á mo wò‑oò danèrìn wír vé ji weè weè, e bóo koʼór yír yé, é wíri wáa ghvəm wò.

Aysaya 63:12

Wìr wo wù‑uù foon vitaáví e Mooser, wù wáa yiì viŋgaʼnìn ve vinyò bèé lèn? Wun wo wù‑uù toʼnin rìbà ndzə̀v mbìv sibaà, wíri túm shó, á kuúme yír rə́ e ŋgwàʼ sí ŋgwàʼ si bèé?»

Remrí 4:34

Mo nyùy wùmòʼ dzə̀ sá sho wo wù‑uù duùn ne, e fə̀ə́r kitúm fo kímóʼ kí mvəm, e lì ji kfə́ mo Nyùy Tàr woo Nyùy won‑eè yiìn é ghan se wù‑uù fəərin ven fó Ejiv a? Wù‑uù yiì viŋgaʼnìn ve vinyò, e bóo fəə́r ven fó fo e vitaáví və́ ve ghaʼán ví. Wù‑uù sùm woŋ e ŋgeʼ si, e yiì vinyo ve ví din vitaáví və́, e màʼ rə́r, e kfə̀n yiì, vimbeemè ve vinyò vi koóy, a vèn kù yén e sí yéné.

Ŋwàʼ Fəə 18:11

M kìíy ne lèn ji Nyùy Tàr kùʼ e shaà anyùy ve wíri cu adzə̀m, bìʼ fo wù yiìn ne, wír vəə́ bóy fo wír veé Ejiví wo ve vé‑eè ŋaʼ, táy áwune.»

Ŋwàʼ Fəə 5:2

Farao bìnèr jii, «Nyùy Tàr dzə̀ la, é bo m yú jí rə, e màʼtì wír veé Isray ji á wáa dù? M yòʼ kì Nyùy Tàr, a bó m yòʼ fə̀m‑éè maʼti wír veé Isray.»

1 Pita 5:5

M nen kfə̀n a suúy e vèn vee wír veé baanée jii, vèn wáa yu a kinyo ke atǎr kintatìi suuyì, e kfə̀n a suúy lèn a dzə̀ e wìr dzə̀m jii, wìr wáa yen wùmòʼ woo wír, a shaà kitú kfə́. Vèn wáa kiíy jii, «Nyùy yii méŋ wír ve á yén vitú vév, nèn leey ve á néŋ e wun si, shám áwune.»

Ŋwàʼ woó Rom 9:17

A dzə̀ mo vé‑eè saŋen é Ŋwàʼ Nyùy ji Nyùy‑iì sùúy e Farao a jii, «M kòʼór wò ji Fon woó Ejiv bèn ji m shaa fo wò e dìn mo vitaáví vém ví dzəə̀n, aá samer yír yém kitú ke nsay kidzə̀m.»

Lim Aŋgàa Ntum 7:36

Mooser nèn dù, a yiì viŋgaʼnìn ve vinyò vinín e wòŋ Ejiv, ví wáa dìn vitaáví vé Nyùy, e bóo wìy fəə́r wír veé Isray fo fo. Wù kfə́n a yiì vímóʼ ví é Rìbà Ndzə̀v wo Baar, à vímóʼ ví sá vinín e ghan se wùn áwune‑eè ghán e kirə̀ʼ ké woʼ kí kiyá mkweè.

Daniel 5:23

Nyàr, Fòn kòʼór ne kitú kfə́ á feyì, a yen ji á shàa Nyùy Tàr woó yuv. Fòn yiì ne, á lí á vikáŋ ve dzəə̀n vee Nyùy Tǎr lav, e wìy, e yèn á wun sho, wùn aàtǎr laʼ vəə́, à vikǐy ntoʼ vəə́, à ve lemèné tátí, a no a meluʼ fo fo. Cèrèy, wùn áwune ló fó fo, a burí mebvə̀m, vifá, aá fér a dzə̀ e kisha ke mbàm ke baar kí, kìn e ke fəvír kí, kìn e kisha ke brons ki, kìn e kisha kee kiy ki. Vifá, aá lo, á sèm a dzə̀ e kicí kí, kìn e tíyí. Vifá vìn, a bó yòʼ dzə̀ ví wàa yen virə́ʼ, a yu vinyo, kìn ji ví kiíy kinyo. Yii bèy, a Nyùy wo wù kér kiyoy ke wìr e wun kiwo, kfə̀n leey dzəʼə̀m wìr dzə̀m, dzə̀ shó, a bó fòn yòʼ ghvə́m wun.

Daniel 4:37

«Ké lèn ki, mo woo Nebukadnessar, m búri Fon woó Yuv, kóʼor yír rə́, ghvə́m wun. Lim sə́ sidzə̀m si din a dzə̀ suuyrú, a vinyo ve wù yii vi dzə̀ là kiloʼ, a wù dzə̀ a dzə̀ wù sèn wir dzə̀m wo wù kóʼor wún.»

Esiker 20:9

Yii bèy, la m yòʼ dzəə yiì, bìʼ fo mò‑oò kiŋsìn yír yém, fo vitúm ve ví kaarin wír veé Isray vi wáa jàʼ. Vé‑eè lo yèn mo mò‑oò liìn wír veé Isray ji wír vém, e fə̀ə́r áwune fó wòŋ woo Ejiv.

Nsùyrì Nyùy 83:18

Yìi, aáwune kiíy ji kù jòʼsì wò Nyùy Tàr, a kiíy ji kù dzə̀ wò Taà Vitu wo wù sáʼ kitú ke nsay.

Ŋwàʼ Fəə 7:1

Nyùy Tàr nèn sùúy e Mooser jii, «Yén mbà, m yiì ne, à wáa dzə moo Nyùy bèy fo Farao, Aaron woo fər wò wáa dzə ŋgaà ntum wò.

Ŋwàʼ Fəə 3:20

M yíi lì vitaáví vém, e màʼ ŋgeʼ se biibí sí e wír veé Ejiví kitu, é bo wù maʼti ven, é vèn wáa dù.

Ŋwàʼ Fəə 9:16

Yii bèy, e fíʼ dìn vitaáví vém e wò, e kfə̀n yiì, aá samer yír yém kitú ke nsay kidzə̀m, m nen màʼtì wò, à wáa dzə sho e tin.

Nehemia 9:16

Yii bèy, atǎr atàr vérí nèn lì kiŋkoʼòrwùn wùn à kitú ke tavín kí, e nèn tèn fó a yunín nsər sé.

Nehemia 9:29

Wò‑oò kàntì ji áwune wàá binkir, a jùmrì a dzə̀ á nsər yè. Áwune tén, a koʼór a dzə̀ wún, e nèn a shoʼór nsər sé, a ŋway vinyo ve wò‑oò tinen, a vinyo vìn vi dzə̀ ve wò‑oò foon ji a wìr yúninè, wù wìy a ker dzəʼə̀m ye juŋe. Á lò fo fo, e bìn ndzə̀m e wò, e kfə̀n ji antavkìtu wùn aàsə̀mtuʼùrí.

Remrí 7:19

Vèn‑eè lo yèn e sí yéné mo wù‑uù màʼàn ŋgeʼ se tavkín sí e wír veé Ejiví kitu, e yèn vitaáví və́ ve ghaʼtín ví, e kfə̀n yèn kóy və́ wo wù‑uù nànèn, e bóo fəə́r ven fó Ejiv fèy. A kù dzə̀ sá mo wù wíy lovtí bèy e vitúm ve vèn fan lèn vi vidzə̀m.

Aysaya 42:20

Wù lo, wù yèn vinyo vinín, yii bèy, a wù yòʼ gwarìr kímóʼ kí. Vituʼùr və́ ví dzə̀ virə́, yii bèy, a bó wù yòʼ yú vinyo.»