Nehemia 8:8 - ŊWÀʼ NYÙY

⁸ Vé‑eè yoŋ vinyo fo Ŋwàʼ Nsər Nyùy və̀n, tóʼti kfə̀n sánri e làm wo dzə̀ wíri wàa yu, a kiíy kijuujùŋ.

Nehemia 8:8 Referans Kwoze

Lim Aŋgàa Ntum 28:23

Wùn à Por nèn kfə̀n sìysì kishiíy ke á wíy dzə̀ʼə̀m. Kishiíy kiy ki gheén, wíri báʼtí e Por lav aneénín, wù wáa sanrí kinyo ke Nyùy aáwune, e kèʼ fo kijàvndzə, e meé vitsə́ʼ, a fìʼtì mo sáʼ Nyùyi dzəə̀n. Wù wáa yòŋ vinyo fo Ŋwàʼ Nsər Mooser, e kfə̀n a yòŋ fo Ŋwàʼ Aŋgàa Ntum Nyùy, a mùm fó bìnèr áwune, aá biímé Jesus.

Ŋwàʼ Luk 24:45

Wù nèn mvə̀ʼtì vifií vév, á kiíy kinyo ke kí dzəə̀n é Ŋwàʼ Nyùy.

Ŋwàʼ Luk 24:32

Áwune siíy, a kfə̀ynìn jii, «Á kinyo ke kí kì yiìn, bo melív mèsò mè lum é ghan se vèsən áwune kì wiy e dzəə, a wù tóʼti kinyo ke Ŋwàʼ Nyùy e wòsò.»

Ŋwàʼ Luk 24:27

Jesus nèn kèʼ, a toʼtí vinyo vidzə̀m ve vé‑eè saŋen é Ŋwàʼ Nyùy bìʼ wun, e kèʼ fo ve Mooser‑iì saŋen ví, e tùmsín e vé *aŋgàa ntum Nyùy vi adzə̀m.

Habakuk 2:2

Á bèy, Nyùy Tàr nèn fò binèr e mò, e sùúy jii: «Sáŋ kinyo kidzə̀m ke m lo, e sàr e wò ki, sáŋ é viwàŋ ve kifa, ye dzə̀ wìr yòŋ kicaárín.

Esra 4:18

á dzə̀, aá bínér ŋwàʼ wo vèn‑ee saŋen vəy, e yòŋ, m yú kijuujùŋ.

Nehemia 8:7

Áwune kú a tiy fo vé‑eè tíyí, a yuurí Ŋwàʼ Nsər, wír veé ram Levìi wáa sə áwune, a toʼtí nsàv, á wáa yu kijuŋ. A wír vìne‑eè dzə̀ Jeshua wùn à Bani, à Sherebia, à Jamin, à Akkuv, à Shabbetay, à Hodia, à Ma‑Aseyia, à Kelita, à Asaria, à Josabad, à Hanan, e lì Pelayia.

Nehemia 8:9

Wìr dzə̀m yú vinyo veé Ŋwàʼ Nsər, e nèn lò, a toŋnín toŋnín. Taà saʼ woo Nehemia wùn à taà cù woo Esra wo kfə̀n dzəə̀n ŋgaà dùŋrì, à wír veé ram Levi ve vé‑eè yéʼey wírií nèn a suúy e wìr dzə̀m jii, «Lá vèn dzə́ə a dìy, lá vèn dzə́ə a toŋ. Lán dzə̀ kishiíy ké Nyùy Tàr woo Nyùy won, kee jeéy kí.

Nehemia 8:12

Wìr dzə̀m nèn dù, a yikír, a nonín, a fo vímóʼ ví e wíri. Wìr dzə̀m‑eè yù vijuŋ mo vé‑eè sanrin ŋwàʼ və̀n, áwune yú kijuŋ.

2 Afòn 23:2

à wír veé Juda wùn à veé Jerusaleme, aàtàá cùu, aàŋgàa ntum Nyùyi, e bóo lì wir dzə̀m, à wo kuʼùn, à wo terí. Wùn à fòn nèn kòʼ e Nyùy Tǎr lav. Wù dù, e yòŋ jí se sí‑iì dzəə̀n é Ŋwàʼ Mensàŋ wo vé‑eè boŋen fo Nyùy Tǎr lav, a wù yòŋ bèy, aáwune yuúri.

Nehemia 9:3

Áwune ku nèn a tiy fo, vintsə̀m vé shùy vitaár, á wáa yòŋ vinyo fo Ŋwàʼ Nsər aáwune, Ŋwàʼ Nsər wo dzəə̀n wó Nyùy Tàr woo Nyùy wov. Áwune kfən lì sa vintsə̀m vé shùy vímóʼ ví vitaár, e tuùné ajay vév, a gvəʼtí e Nyùy Tǎr si, a ghvəm wun woo Nyùy wov.

Esiker 46:10

Á wíy lóo nəə́, taà saʼ nə̀ə́ wùn áwune, á lóo fəə, wù fəə̀ sá wùn áwune.