Nehemia 8:7 - ŊWÀʼ NYÙY

⁷ Áwune kú a tiy fo vé‑eè tíyí, a yuurí Ŋwàʼ Nsər, wír veé ram Levìi wáa sə áwune, a toʼtí nsàv, á wáa yu kijuŋ. A wír vìne‑eè dzə̀ Jeshua wùn à Bani, à Sherebia, à Jamin, à Akkuv, à Shabbetay, à Hodia, à Ma‑Aseyia, à Kelita, à Asaria, à Josabad, à Hanan, e lì Pelayia.

Nehemia 8:7 Referans Kwoze

Nehemia 9:4

Wír veé ram Levi ámóʼó‑oò tíy e kirə̀ʼ ke seʼtìn kí, tóŋ e Nyùy Tàr woo Nyùy wov kitávín. A vé‑eè dzə̀ jii, Jeshua wùn à Bani, à Kadmiel, à Shebania, à Bunni, à Sherebia, à wùmòʼ woo Bani, e lì Kenani.

Cù 10:11

Vèn kù kér fó yeʼéy wír veé Isray adzə̀m nsər se Nyùy Tàr‑iì yòŋèn e vèn, e shaà fo Mooser.»

Nehemia 3:23

Aáwuné bàm, Benjamin wùn Hashuv nèn nàŋsín mbìv ye yì‑iì kiʼ láʼ yév. Aáwuné bàm sá, Asaria nèn nàŋsín kee wun ŋkìʼnìn lav. Asaria‑aà dzə̀ wan Ma‑Aseyia, a Ma‑Aseyia dzə̀ wan Ananiya.

Malakay 2:7

«Rúrú, dzə̀ kilíŋ ke taà cù ji wù yii, é wíri kiíy kinyo ke Nyùy ke kí kù yii dzə́ tìítiy, a wìy, a yen wun, e fíʼ a yu ntir fo wun shuù, bìʼ fo wù dzəə̀n ŋgaà ntum Nyùy Tàr woo Taà Mànjòŋ.

Nehemia 12:33

e lì Asaria wùn à Esra, à Meshullam,

Nehemia 11:19

Fo wír ve vé‑eè leey lav cùu, wáa dzə Akkuv wùn Talmon, e lì aŋgàa ŋgoo vév ve wùn áwune‑eè leey fó, wìr dzə̀m wáa dzə wír nshòv sibaà e msaàmbà e wiì (172).

Nehemia 11:16

Ámóʼó jii, Shabbetay wùn Josabad ve yì‑iì dzəə̀n vilìmbìy veé ram Levi, ve ví‑iì leey lim yeé ghaŋ se lav cù,

Nehemia 10:18

à wùmòʼ woo Hodia sa, à Hashum, à Betsay,

Nehemia 10:2

Atàá cùu wáa dzə jii, Serayia wùn à Asaria, à Jeremia,

Nehemia 8:4

A kí‑iì dzə̀ jii, Esra woo ŋgaà dùŋrì‑iì kòʼ, e tìím e kitaàtì ke vé‑eè fèrìn e vicí ví bìʼ ŋkàʼ vən, wír ámóʼó wáa tiy e wun ghaŋ. Ve vé‑eè tíy e wun koy yìyí‑iì dzə̀ jii, Mattitia wùn à Shema, à Anayia, à Uria, à Hilkia, e lì Ma‑Aseyia. Veé koy ŋkoòvìi wáa dzə jii, Pedayia wùn à Mishael, à Malkija, à Hashum, à Hashbaddana, à Sekariya, e lì Meshullam.

Nehemia 3:19

Eser woo wan Jeshua nèn nàŋsín ke kí batin, e kèʼ fo mbìv ye yì kiʼ dzə́ə ye yì sə́y e kitàv ké vifa ve rər, e dù, e mèé fo kayi duùn, e bvə̀nén. Eser‑iì dzə̀ ŋgaà saʼ woó Mispa.

Nehemia 3:17

E wun bàm, wír veé ram Levìi nèn nàŋsín kév, aá lim e Rehum woo wan Bani sar. Hashabia wo wù‑uù sáʼ mbìv yìmòʼ fó kimbàr ke wòŋ ke dzəə̀n kee Keyla, náŋsín sá ké wùn à wír vəə́ fó ghaŋ.

Esra 8:18

Mo Nyùy wor‑iì kér kiwó e věr kinyò, áwune nèn wìy e kighvə́m ke wìr ki, a dzə̀ Sherebia woó kfəə Maali ye yí‑iì ràmèn fo Levi woo wan Isray. Á wìy sho wùn à wón vəə́, aàfə́r vəə́, á wáa dzə wír nshòv waamé e ghvə̀m.

2 Wòŋ 30:22

Fòn Hesekiya‑aà bùrí wir dzə̀m woó ram Levi bìʼ dzə́ə ye juujùŋ ye áwune‑eè sùyrìn Nyùy Tàr shó. Á bèy, á yí ŋkàʼ kishiíy saàmbà, yí bèy, yii cú kikòŋnìn, kfə̀n suyrì Nyùy Tàr woo Nyùy atàr vév.

Remrí 33:10

Áwune yéʼey rám Jakov kinyo ke à tínenè, yéʼey wír veé Isray, aá lem nsər sé. Áwune kù wíy a tòn kiláy, é kí wáa rə̀ʼtìn wò. Áwune wíy a wìy, a yiì cu si e wò kiy cù.

2 Wòŋ 35:3

Wù‑uù sùŋnín sá e wír veé ram Levìi, a dzə̀ wír ve vé‑eè lèmèn jeéy ji á wáa yiì a lim se Nyùy Tàr, e kfə̀n a dùŋrì a kinyo kfə́ e wír veé Israyi. Wù‑uù sùúy aáwune jii, «Ké ŋkùv mensàŋ wo dzəə̀n kifá kee jeéy kí, vèn lem é lav cù ye Fòn Solomon woó Isray woo wan Davir‑iì bàʼrìn. Vèn yòʼ dzəə́ yiì a toór, a dù sho e kirə̀ʼ. Kee lèn və̀n ki, vèn wáa yu a dzə̀ fó lìm se Nyùy Tàr woo Nyùy won, a lìm fo wír veé Israyi.

Nehemia 8:6

Wù nèn yòŋ jii, «Á wáa burí Nyùy Tàr, woo Nyùy wo kuʼùn.» Wìr dzə̀m nèn nàn wó e yuv, e bìnsí jii, *Amen, Amen, Amen, e nèn gvə̀ʼtí, e làʼ kitú e nsay, e ghvə̀m Nyùy.

Nehemia 8:8

Vé‑eè yoŋ vinyo fo Ŋwàʼ Nsər Nyùy və̀n, tóʼti kfə̀n sánri e làm wo dzə̀ wíri wàa yu, a kiíy kijuujùŋ.

Nehemia 8:12

Wìr dzə̀m nèn dù, a yikír, a nonín, a fo vímóʼ ví e wíri. Wìr dzə̀m‑eè yù vijuŋ mo vé‑eè sanrin ŋwàʼ və̀n, áwune yú kijuŋ.

1 Afòn 8:14

Fòn Solomon ló, e bìnkìr, e lèéy wír veé Isray adzə̀m, aá kù tíy fo, e nèn a lon ji Nyùy ku səə̀vì a áwune,

Nehemia 9:3

Áwune ku nèn a tiy fo, vintsə̀m vé shùy vitaár, á wáa yòŋ vinyo fo Ŋwàʼ Nsər aáwune, Ŋwàʼ Nsər wo dzəə̀n wó Nyùy Tàr woo Nyùy wov. Áwune kfən lì sa vintsə̀m vé shùy vímóʼ ví vitaár, e tuùné ajay vév, a gvəʼtí e Nyùy Tǎr si, a ghvəm wun woo Nyùy wov.