Nehemia 8:18 - ŊWÀʼ NYÙY

¹⁸ Áwune‑eè yiì ŋkàʼ vən kishiíy saàmbà. A kishiíy kidzə̀m, e kèʼ fo kishiíy ké mbìy ki, e dù, e bàʼ e ké bàm kí, Esra kù‑uù yoŋ kinyo fo Ŋwàʼ Nsər Nyùy. Lòo meé e kee waamé kí, màŋgòŋ nèn bàʼtí mo nsər‑iì suuyì, e maàr.

Nehemia 8:18 Referans Kwoze

Kintaŋ 29:35

«Lóo dzə e kishiíy kee waamé, é vèn kaárí, a bùnrì Nyùy. Lá wìr yòʼ lìm lim ye á yii lim e vishiíy vee viy.

Cù 23:36

Vèn ku cù Nyùy Tàr e cu se və́yí bin fo fo si, vishiíy saàmbà, lóo dzə e kishiíy ke kí meen ji waamé, vèn kù kaàrí, a bùnrì Nyùy Tàr, a cù wun e cu ye və́yí bin fo foo. Dzə̀ kishiíy ké bùnrì kímóʼ kí jeéy, é la wìr yòʼ lìm lim e kishiíy fen moó vishiíy vímóʼ ví.

Joon 7:37

Wìy lòo dzə e kishiíy ke vé‑eè sí maar kiŋkàʼ kìy, a dzə̀ kishiíy ke kuʼùn kí fó kiŋkàʼ foo fèy, Jesus nànèn e wírí ntìntìn, e jàŋ kitávín jii, «A kilòŋ kí yúm wír, wù wìy, e yèn mo, e rəə̀r kilòŋ kfə́.

Cù 23:41

Vèn kú a lèm ŋkàʼ və́ne, a ghvəm Nyùy Tàr shó, kishiíy saàmbà e kitu ke kiya. Sì nsər bèy, e wìy dù mày mo ŋgwàʼ sén sí wíy a dzə. Vèn ku lèm e ŋwee wo wú meen ji saàmbà.

Nehemia 8:2

Esra wo kfə̀n‑eè dzəə̀n taà cù ku nèn tàʼ Ŋwàʼ Nsər, e wìy sho e màŋgòŋ si, a kù‑uù dzə̀ vilum wùn à vikìy, à wàʼbìn wo yì‑iì dzə̀ wù yù kinyo, e lèm. A kishiíy kin ki kù‑uù dzə̀ ké mbìy ki e ŋwee wo wú meen ji saàmbà.

Nehemia 8:3

Wù wìy sho, e fəə̀, e tìím, a kìʼ maàndzə yeé Shùu Kày woó Dzəə̀ Ndzə̀v, a yòŋ, e kèʼ fo kijàvndzə, e dù, e bàʼ e ntìntìn shùy, a vilum wùn à vikìy, à wàʼbìn wo yì‑iì dzə̀ wù yù kinyo e lèm tíy, yuúri. Wìr dzə̀m‑eè yuúri vinyo veé Ŋwàʼ Nsər vìn kijuujùŋ.