Nehemia 8:17 - ŊWÀʼ NYÙY

¹⁷ Màŋgòŋ e dzə̀m wo wù‑uù kfənen é bàm fo vé‑eè koon áwune, e dù sho‑oò fèr táv sí, a dzə sho, a sheʼrí e ŋàŋén. Wír veé Israyi yòʼ‑oò yiì yì ŋkàʼ vən e dzəə foo fèy, e kèʼ fo Joshua woo wan Nun ghan, e wìy, e meé e ghan fen.

Nehemia 8:17 Referans Kwoze

2 Wòŋ 8:13

Wù‑uù yii cu sìn vishiíy vishiíy, a kishiíy kee shó ki kér rə́ yee cu mo *Nsər Mooser‑iì taʼà. Wù‑uù yiì sá sé vishiíy vé bam, e yiì sé ŋwee wo fíyi, à sé ŋkàʼ see sitaár seé kiya see jii, *Ŋkǎʼ Kiban kee là Nyaà, wùn à *Ŋkàʼ woó bǎm Ŋgàm si, à *Ŋkǎʼ Tàv sé Ghane.

Esra 3:4

Áwune nèn kfə̀n a ker sa *Ŋkǎʼ Tàv sé Ghan mo kí kù‑uù dzəə̀n sá kisáŋén wùn à cu se tonèn sí e kishiíy mo nsər‑iì dzəə̀n.

Hibru 11:13

Wír vìn adzə̀me‑eè ló a dzə, a bó á yòʼ‑oò lo kòóy vifá vidzə̀m ve Nyùy‑iì kàʼàn áwune shó, e wìy a kpukír, aá kù wáy shilív a dzə̀ e Nyùy wùn. Yii bèy, a vé‑eè ló a yen vinyo vee shooy, a ví dzə̀ə́ kwaʼda, a sheʼrí, a yòŋ vitú vév ji áwune kù dzə̀ á viŋgwìy, aá bee beèn é nsay fèn.

Hibru 11:9

Wù dù, e mèé fo, a dzə̀ woŋ wo Nyùy‑iì kàʼàn ne ji və́, a bar barín moo kiŋgwìy, e kù yòʼ a dzə fo, a yu a dzə̀ fo Nyùy. A wù ghán fo, shiiy a dzə̀ é tàv wùn wan və woo Aysi, é bo Jakov woo wan Aysi kfən wìy sìíy, a shiíy réŋréŋ bey. Á wáa ghan bèy, a Nyùy kfə̀n‑eè kàʼ sá wón Abraham vìn e woŋ woo shooyi.

Hibru 4:8

A bo kirə́ʼ ké meèmè ke Nyùy yoŋ kìn ki yòʼ dzə̀ ke Joshua‑aà liìn wíri, e nə̀ə́ sho e wòŋ wo Nyùy‑iì foon aáwune. A vé‑eè nə̀ə́ é ghan see shooy, bo bó Nyùy yòʼ‑oò lo kfə̀n a kàʼ fo bàm ji kishiíy kímóʼ kí wíy a dzə, aá nəə́ é kirə̀ʼ ké meèmè foo fèy.

Joon 1:14

Á mo Jínyùy‑iì wìyìn, e lì mbom wìr, a dzə wùn à wíri, a kòŋ áwune féyì, a dìn rú mo Nyùy dzəə̀n, vèr wáa yen vikuʼùy və́. A kù dzə̀ vikuʼùy vé Tàr wov, bìʼ fo kù jòʼsìn wun wo dzəə̀n Wan Nyùy.

2 Wòŋ 35:18

Bó Ŋkǎʼ Yáʼayshàa yòʼ‑oò yiì ne a dzə sho wo á yí é dzəə yee ben e wòŋ Isray, e kèʼ fo ghan sé Samuel woo *ŋgaà ntum Nyùy. Bó fòn woó Isray yòʼ dzə̀ shó wo wù‑uù yiìn ne, e yiì Ŋkǎʼ Yáʼayshaà moo wó Fòn Josia. Fòn Josia‑aà yì ŋkàʼ vən wùn aàtàá cùu, à wír veé ram Levìi, à wìr dzə̀m woó Juda wùn à woó Isray wo wù‑uù dzəə̀n fó si, à wír ve á dzə́ e ŋkàlaʼ Jerusaleme.

2 Wòŋ 30:26

Kishéʼrì ke tavín kí‑iì dzə̀ é Jerusalem. Bó kfə́ə ŋkàʼ woo bene yòʼ‑oò ghàn ne a dzə e Jerusalem, e kèʼ fo Fòn Solomon woó Isray ghan, wun woo wan Davir.

1 Wòŋ 29:22

Áwune‑eè yíkir, nó vifá, yú vijuŋ ve tavín ví e Nyùy Tǎr si e kishiíy fóo fèy. Áwune nèn lò, e bìysí Solomon woo wan Davir ji fon fo akàŋ vee abaà, e yòʼ wun ji fon wov e Nyùy Tǎr si, e nèn yòʼ sá Tsadok ji taà cù.

Joshua 1:1

Mo Mooser woo ŋgaà lìm Nyùy‑iì kpuun, Nyùy Tàr yòŋ Joshua woo wan Nun, wun woo Joshua wo wù‑uù sə́ Mooser, e sùúy sho jii,

Remrí 16:15

Vèn wíy a yi ŋkàʼ vən kishiíy saàmbà, a ghvəm Nyùy Tàr shó e kirə̀ʼ ke wù wíy shoʼ. Vèn wíy lóo yi ŋkàʼ vən, á wàa sàvnìn, bìʼ fo vèn wíy a kuumé mo Nyùy Tàr woo Nyùy won səə̀vìn kéŋ yén wùn à lim sén sí.