Nehemia 8:15 - ŊWÀʼ NYÙY

¹⁵ Áwune samer, e fò á sáʼ aáwuné ntèʼ sí wùn ǎ Jerusalem e dzə̀m a ji wìr dzə̀m dukir áàgwan, e wìy a e tám se vici vé *oliv wùn à sé oliv kòv sí, à sé *mirtel si, à viyáŋ ve ten ví, e lì tám se vici ve rəŋsìn ví, aá fer táv sí shó mo kí dzəə̀n á kisáŋén.

Nehemia 8:15 Referans Kwoze

Cù 23:40

Lóo dzə e kishiíy ké mbìy kìn ki, é vèn ku tày báŋ si fó vici ve ví koom báŋ se juŋ si, e tàʼ viyáŋ ve ten, à tám se vici se rəŋsìn sí, à tám se kici ké *wilo fo ghaa ndzəv, e kèʼ, a ndzəʼ e Nyùy Tàr woo Nyùy wón si, aá kù yíi a sàvnìn bèy, kishiíy saàmbà.

Remrí 16:16

«Lùmèn e dzə̀m kù wíy a dù, a yi ŋkàʼ akàŋ ataár kiyá kidzə̀m, e kirə̀ʼ ke wúnwun woo Nyùy Tàr woo Nyùy won wíy shoʼ ji á wáa ghvəm wun fo. A ŋkàʼ see shooy si dzə̀ jii, *Ŋkǎʼ Kiban kee là Nyaà, wùn à *Ŋkàʼ woó bǎm Ŋgàm si, à *Ŋkǎʼ Tàv sé Ghane.

Cù 23:4

«Ŋkàʼ sé Nyùy Tàr sí nén a dzə se a dzə̀ vèn wìy a kaarí, a bùnrì mo shó, woo shó, e sə́ see ghán sí.

Ŋgaà Yen 7:9

Kee shooy ki lòo shaà, m leéy, e yèn màŋgòŋ wìr nyanyày, a bó yòʼ dzə̀ wìr tàŋ. Aá ló vitúm vidzə̀m, kìn dzə̀ ke kí súŋnin lám vəné, e lò woŋ sidzə̀m, e kfə̀n lò rám wìr msòŋ e dzə̀m. Á wáa tiy e kàvàʼ wùn Wàn Njiì si, aá máʼ ne vikúm ve fəvír ví, a ker viyáŋ aáwuné wo.

Joon 12:13

Á nèn keèmè, a dù ji á səə́si wun, a ker viyáŋ e wo, a ndzəʼ jii, «Fon wor èy, Fon wor èy, Nyùy Tàr ku səə̀vì wír wo wù wiy e wùn yir. Dzə̀ Fon wìr veé Isray.»

Matio 21:1

Áwune dù, e lòo meesín e Jerusalem, e mèé e gwan wo á yoŋ ji Gwan Vicì vé Oliv, aá sì é ghaa ntèʼ ye á yoŋ ji Befage, Jesus túm wón və́ lìm ámóʼó abaà,

Kèʼlo 8:11

Yiì lòo dzə e ŋkuùr, kibìŋ kí bvə́y e vav kici ké *oliv ye shoòŋe é shuù. Noa nèn kìíy ji ndzə́ví shùŋrìn a ne.

Sekariya 1:8

Nyùy‑iì ghèm ndzə e mò vitsə́ʼə́, m yén, a wìr kóʼ nyamŋkoʼ ye baar, a yì tíy e kiwoóy, é mvə̀m vicì vé *mirtel, a nyám se ŋkoʼ se baar sí wùn à se baaŋèn sí, à se fəvír sí tíy e wun bàm.