Nehemia 7:70 - ŊWÀʼ NYÙY

⁷⁰ Vilìmbìy ve kfəə vímóʼ ví‑iì suʼ vifá vé a tom lim sho. Ŋgaà saʼ woó kishev ke wòŋ‑eè fó *kisha ke mbàm ke baar kí moo kilu waamé bey, à vighín ví mtàn (50), à vikúm vé atàá cù vi kishóv mtaár e ghiì tàn (530).

Nehemia 7:70 Referans Kwoze

Nehemia 8:9

Wìr dzə̀m yú vinyo veé Ŋwàʼ Nsər, e nèn lò, a toŋnín toŋnín. Taà saʼ woo Nehemia wùn à taà cù woo Esra wo kfə̀n dzəə̀n ŋgaà dùŋrì, à wír veé ram Levi ve vé‑eè yéʼey wírií nèn a suúy e wìr dzə̀m jii, «Lá vèn dzə́ə a dìy, lá vèn dzə́ə a toŋ. Lán dzə̀ kishiíy ké Nyùy Tàr woo Nyùy won, kee jeéy kí.

Jeremia 52:19

Vé‑eè lì sá kifá kidzə̀m ke vé‑eè fèrìn e *kisha ke mbàm ke baar kí, à ke vé‑eè fèrìn e kisha ke bàm ke fəvír kí. Vé‑eè lì vighín wùn à vikáŋ ve vé‑eè li və́y shó vi, e lì amàvìghìn, e lì kíŋ sí, e lì vitiir ve làm, e lì aláŋ, e lì sa akóm ve á yii yii cu melùʼ sho.

Nehemia 10:1

Wír ve vé‑eè wayin vifin vév é ŋwàʼ fène víne. Vé mbìyi dzə̀ jii, taà saʼ woo Nehemia woo wan Hakalia, e lì Tsədekiya.

Nehemia 7:65

Taà saʼ nèn sùúy aáwune jii, «A taà cù bùŋ wóo toʼór áwune e Urim wùn Tumim, bo bó yòʼ dzə̀ áwune wàa yi a vifá ve yi vee jeéy ví.»

2 Wòŋ 4:11

Huram‑eè fèr sá kíŋ sí wùn à viŋkwaà vi, à vighín ví, e nèn lò, e màysì lim yee Nyùy lav ye Fòn Solomon‑eè foon ji wù lim e dzə̀m. A vifá ve wù‑uù fèrìn ví dzə̀ jii,

2 Wòŋ 4:8

Á kfən fèr vidàŋ e ghvə̀m, e tìír e lav cù, vee vitàn e mbìv yee tsə́n, vee vitàn e mbìv yee kuy. Á kfən siì fèr vighín wií e kisha ke mbàm ke baar kí.

1 Wòŋ 28:17

Fòn Davir kfə̀n‑eè fò mfìʼ vidzəə̀sì ye kishà ke mbàm ke baar kí kee wúntí kíwun, ke á fer vinsòv ve nyàm sho wùn à vighín ví, à ve á fer kíŋ sé mendzə̀v wùn aàbàri shó. Wù kfən fò mfìʼ kishà ke á fer vighín shó jeéy jeéy, vímóʼ ví vee kisha ke mbàm ke baar kí, vímóʼ ví vee ke fəvír kí.

1 Afòn 7:45

à kíŋ sí, à visoó vi, à vighín ví. Hiram‑eè fèr vifá veé lav cù vìn vidzə̀m e kisha kee brons ke kpuún kí, e nèn fò e Fòn Solomon.

Ŋwàʼ Fəə 24:6

Mooser sə́ mensə́ me nyàm sìy, e tòʼnín, e wày memoʼ mè e vighin, e lì kibér, e wàŋ é kiy cù,

Ŋwàʼ Fəə 12:22

Vèn li kiŋkur ke *hisov ki, e sə̀ʼ mensə́ sho fo kighin, e yòʼ mboòmè se shuù se lav si shó fo yuv wùn à fó ghaŋ si, é la wìr fo vèn, fə̀m e mòʼón yòʼ fəə̀ shúu lav, e meé mo ndzə yíi jàv.

Nehemia 7:69

aàkameri nshòv sitàn e mtaár e ghiì kweè (435), e lì vimbèʼbìy kishóv mbaà é ghiì saàmbà e nsə̀kì ntuùfú (6,720).

Nehemia 7:71

Atǎr kfəə ámóʼó sùʼ vifá vée tom lim sho, e wày é kitàv ké lìm, a yì‑iì dzə̀ kisha ke mbàm ke baar kí moo kilu nshòv waamé e mntuùfú e wiì bey (168), wùn à kisha ke mbàm ke fəvír kí moo kilu kishóv mtàn e ghiì baà é nsə̀kì (1,250) bèy.