Nehemia 7:6 - ŊWÀʼ NYÙY

⁶ «Vine dzə̀ wír veé kishev ke wòŋ ve Nebukadnessar woo fon woó Babilon‑eè koorin, e dù sho, á dù, a rèŋ vikwàn fó, e bóo kfən e bàm é Jerusalem wùn ǎ Juda, a wìr kfə́n aáwuné ŋkàlaʼ.»

Nehemia 7:6 Referans Kwoze

Esra 5:8

Vèr taʼ a ji fòn kiíy á ji vèr‑ii du é Juda, e dù mèé e Nyùy wo kuʼǔn lav, e yèn, aá kfə̀n sí baʼrì a fó e tíy se faŋkìn sí, wáy aŋkoytì a e vicí ve toʼón ví. Áwune yiì bèy, e kù a lìm a lim yee shooy, e viwìr vi a yí du a feyì, e dzəə yee tìítiy.

Esra 6:2

Á nèn a tàr, e yèn ŋwàʼ woo shó a dzə̀ é kitàv keé ŋkàlaʼ yee Ekbatana, a fóo dzə̀ é kishev ke wòŋ kee Media. Vé‑eè sàŋ shó jii:

2 Afòn 25:11

Nebusaradan nèn kùúy wír ve vé‑eè berin é ŋkàlaʼ, e tàtí wùn à wír veé Isray ve vé‑eè leʼen rə́r, e wìy nə̀ə́ e fòn woó Babilon sar shwiné, e kfə̀n lì kibér ke wìr ve vé‑eè kiìn lím kiwoo, e dù sho e Babilon ji akookòŋé.

Nehemia 1:3

Áwune suúy e mò ji wír ve vé‑eè bòyìn fó kiŋkoo, e kfə̀n é Judàa dzə̀ á e mvə̀m ŋgeʼ ye tavín wùn à nshoórsí, a kay yeé Jerusaleme kù dzə̀ə́ a bèy mo vé‑eè kèrìn, a shuu se kày si kù dzə̀ə́ saa mo vé‑eè tònèn.

Nehemia 7:7

Áwune‑eè kfə̀n wùn à Serubbabel, à Jeshua, à Nehemia, à Asaria, à Raamia, à Nahamani, à Mordekay, à Bilshan, à Misperet, à Bigvay, à Nehum, e bóo lì Baana. Kfəə́ seé Isray se sí‑iì kfənen sí sìne mo vilum véví‑iì dzəə̀n.