Nehemia 6:6 - ŊWÀʼ NYÙY

⁶ aá sáŋ jii: «Kí sì kikiíyín e vitúm ví mvəm, a Geshem sheŋrì ji dzə̀ á rú, vèn à wír veé Judàa taʼ e sə sáʼ. Á shií wo vèn baʼrì kay. Kí din ji à taʼ e yiì a dzə a fon wov.

Nehemia 6:6 Referans Kwoze

Nehemia 2:19

Sanballat woo wir Horon wùn à Tobia woo ŋgaà saʼ woó Ammon, à Geshem woo wir Arab yú kinyo kìn, e nèn a sheʼ ver, a yòŋ jii, «Vèn yii a dzə̀ ka kin? Vèn taʼ a tav kitú vèn à fòn à?»

1 Pita 3:16

Lóo naàrì, vèn wàa naàrì ji weè e shilív she juŋ shi. Kinyo ke vèn yii kidzə̀m ki kú a dzə ke shilív shén shí bínsi, wíri lóo toy vinyo ve kisaŋ vi e věn bàm ji bìʼ fo vèn dzəə̀n wír Kristu, lóo yen, a vèn kù din a dzə̀ liì wo juŋ, aá wáa woomé.

Ŋwàʼ woó Rom 3:8

A wìr lò, a suúy kfə́ bey, wù kù yiì bvə̀ysín a dzə̀ jii, «Á kú a yiì a dzə̀ vinyo ve bi ví, é ve juŋ vi fíʼ a yensín, a shaà bèy.» A dzə̀ kinyo ke wír ámóʼó lór mo shó ji dzə̀ mo m yéʼey wíri. Aáwune kù wíy nəə́ e lòn wo dzə̀ á nə̀ə́ shó.

Esra 4:12

a vèr taʼ e yiì, aá kiíy fó ntoʼ a ji wír veé Juda ve vé‑eè loòn fo wun wòŋ, e wìy, e yèn ver fene dù a ne, a dzə e Jerusalem, aá kfə̀n sí bóm a ŋkàlaʼ rə̀y ye dzəə̀n ye antavkìtu, wír, aá kér yii ye bií. Áwune sí maysì a kay, kfə̀n náŋsin a kinsə̀ŋ.

2 Korin 6:8

Á lo, á wàa ghvəm ver ji *aŋgàa ntum Nyùy, kfə́n lo, á wàa shoór ver. Lo, e ghan símóʼ sí, á lòr ver, lo, á wàa burí ver. Wír aníne yoŋ ver ji asə́ŋgúm, a kinyo ke vèr fiʼtì ki kù dzə̀ kíwun ke dzəə̀n ke ru kí.

Joon 19:13

Payler yú kee shooy, e nèn fə̀ə́r Jesus, e dzə̀ʼə̀m e kirəsí fo wù yii tínen nsaʼ, aá yoŋ fó ji nsaàlav mfiì, a dzə̀ é Lǎm Hibru ji Gabata.

Ŋwàʼ Luk 23:2

Á dù, e nèn a toy vinyo e bàm wó, a suúy jii, «Wìr və̀n dzə̀ ben, a wù ghán, bvəər woŋ wór, sháʼnin fo wíri wáa màʼ mbàm, a shwi Fon woó Rom sho. A wù kfə̀n suuy ji dzə̀ wun *Mfə̀ə́r wo Nyùy‑iì kàʼàn, a wun dzə̀ fon wùmòʼ.»

Matio 5:11

Jesus kfə́n a suúy jii, «Wíri lóo kuùrì ven, lóo ròn wúu yén, lóo lor vinyo e věn wùn bìʼ fo vèn dzəə̀n wír vém, bo bòŋ vishí vén.

Jeremia 20:10

M yú, aá ghvəvrì mo mbìv sidzə̀m, virə́ʼ vidzə̀m vi sí beéme beèmén. Ŋkar sém sé tim sidzə̀m si sí suuy jii, «Á sómér wun, vèsən wáy wun e vé saʼá wo.» Á sí leey ji m bayrin, yoŋ jii, á lévtí wun, e kòóy kinyo kée màʼ wun sho, e nen siìr ŋkfə́tír.

Esra 4:15

bo á kì kòʼ á kitáv ké aŋwàʼ ve atàr vəə́‑əə̀ saŋen á fo ŋgùʼ, e tàr a fo fo. Á yíi yen a ji ŋkàlaʼ rə̀n‑eè dzə̀ á ye antavkìtu, a vé‑eè sí fó a ŋgeʼ aàfone wùn aàŋgàa saʼ veé vishev ve wòŋe. A yì‑iì sì á kirə́ʼ ké melaà ki, e kèʼ fo yàŋgùʼ. Á kinyo ke kí‑iì yiìn, é bo á laar á fó.

Nehemia 6:5

Kí wáa meé ji wuú e tàn, Sanballat nèn tsə̀nsí a dzə̀ wir lìm və e ŋwàʼa, a wú dzə̀ e rə́,

Nehemia 6:7

Aà kfə̀n lèmrì ne aŋgàa ntum, á wáa fìʼtì kinyo ké e Jerusalem ji fòn sì á e Juda, aá sí lo, e naàrì kinyo kìn e fòn. Bo bòŋ ji à wiy, é vèsən tátí, e tàŋ mo dzə̀ kí wàa dzə.»

Nehemia 6:13

Vé‑eè làʼ wun ji wù bémér á mo, é m yii kinyo kìn, e jày, aáwune fiʼ fò mo yír ye bií, e sèn mo.