Nehemia 6:17 - ŊWÀʼ NYÙY

¹⁷ A yì‑iì dzə̀ é mvə̀m ghàn fóo fèy, a vilìmbìy veé Juda vi rə́si sáŋ aŋwàʼ, tsə́nsi e Tobia, a Tobia sáŋ sa və́ binèr sho.

Nehemia 6:17 Referans Kwoze

Nehemia 13:28

Joyiada woo wan Eliashiv woo taà cù wo kuʼùn‑eè kér wán woo lumèn, a wù kér wiíy a dzə̀ wan Sanballat woo wír woó Horon, m nèn jùm Joyiada júmen.

Nehemia 5:7

M nèn lèéy kinyo kée yiì. M kùm vilìmbìy wùn à vé saʼa, a roòmè áwune jii, «Vèn jwe, vèn foor afə́r vén mbàm, nyavrì aáwune e séʼ wo vèn shóʼó.» M nèn jàŋ dzəʼə̀m ye kuʼùné bìʼ áwune.

Nehemia 3:5

Wír veé Tekoàa náŋsín ke kí‑iì batin, yii bèy, a vilìmbìy vév ví yòʼ‑oò lo wày kiwó kév é lìm ye wír ve á danèr áwuneé‑eè foon.

Nehemia 6:16

Aŋgàa vibàn vérí yú kinyo kìn, vitúm ve ví kaarin ver vidzə̀m vi yú sá, e nèn a fàn, e yèn vitú vév ji á dzə̀ á là kitar. Áwune‑eè yèn rú ji vèr yii lim rə̀n, a dzə̀ á e Nyùy wór vitaaví.

Nehemia 6:18

A kí‑iì dzə̀ jii, wír veé Juda aníne‑eè yiì ne kilìʼ, a tiy e Tobia bàm, bìʼ fo wù‑uù dzəə̀n sə Shekania woo wan Ara, a wan və woo Jehohanan‑eè kér sa wiíy, a dzə̀ wan Meshullam woo wan Berekiya.

Nehemia 13:4

Kinyo kìn ki‑iì kooyì, a taà cù woo Eliashiv wo vé‑eè shoʼon, wù wáa leéy vitáv veé lav cù koó ne viŋkar wùn Tobia,