Nehemia 6:16 - ŊWÀʼ NYÙY

¹⁶ Aŋgàa vibàn vérí yú kinyo kìn, vitúm ve ví kaarin ver vidzə̀m vi yú sá, e nèn a fàn, e yèn vitú vév ji á dzə̀ á là kitar. Áwune‑eè yèn rú ji vèr yii lim rə̀n, a dzə̀ á e Nyùy wór vitaaví.

Nehemia 6:16 Referans Kwoze

Joshua 5:1

Á bèy, afon veé mbìv Jordan yee fo shùy yii nəə adzə̀me lòo yu mo Nyùy Tàr tinen ndzə́v yee Jordan, yí tiím, e mèé mo wír veé Israyi‑iì tumen e mày, tím yéví kpú, wún wóví seèm, la áwune yòʼ kfə̀n a ker vitaáví vée fùnèn wír veé Isray. Aàfon vee shooyi‑iì dzə̀ veé Amor wùn à veé Kanane, a veé Kanane‑eè dzə̀ kév a dzə̀ é ghaŋ se rìbà ndzə̀v.

Nsùyrì Nyùy 126:2

Á bèy, vèr wáa yu vijuŋ, a seŋ, a sàvnìn. Vitúm vímóʼ ví wáa ghaynín áwune áwune jii, «Nyùy Tàr yiì ne kinyo ke ghaʼtín kí e wír vìne.»

Nehemia 4:7

Sanballat wùn à Tobia, à wír veé Arabi, à veé Ammone, à veé Ashdodi yú ji lim kimbom ke kày yeé Jerusaleme dú a kijuŋ, aá sí maysì sə́tí a nsàn si, kí nyár áwune é ŋàŋ.

Nehemia 4:1

Sanballat yú ji vèr sí bóm a kay, kí nyár wun, wù shwiíy kilòŋ, e nèn a sheʼ ver shéʼén.

Nehemia 2:10

Sanballat woo wír woó Horon wùn Tobia woo wir lìm woó Ammon yú ji wìr wìy ne a ji wun sə́ a wír veé Isray, kí nyár áwune é ŋàŋ.

Lim Aŋgàa Ntum 5:38

Fo kin ki, m nén a tir ven ji vèn maʼti á wír vìn, e làa yòʼ yiì kinyo sho. A bèn dzə̀ ji vinyo ve áwune yii, kfə̀n yéʼey vìn vi lò a dzə̀ fo wìr, bo ví wíy ŋeemé, e lày.

Kintaŋ 23:23

Fú wóo màʼ ji á ton Jakovi yòʼ dzə̀, kinyo kee shwéŋ ji á maʼ Isray ki yòʼ dzə̀. Á yíi a yòŋ kùm Jakov wùn Isray jii, Á yén á kiŋgaʼnìn ke kinyò ke Nyùy yiìn kí.

Ŋwàʼ Fəə 14:25

Wù kfən nə̀ʼə́y kár se vitentén, la ví yòʼ dzə́ə a dù kijuŋ. Áwune suúy jii, «Vèsən lo fo wír veé Isray vìné bàm, bìʼ fo Nyùy Tàr sí funèn vindzəʼ vév, aáwune só vèsən.»

Nehemia 6:17

A yì‑iì dzə̀ é mvə̀m ghàn fóo fèy, a vilìmbìy veé Juda vi rə́si sáŋ aŋwàʼ, tsə́nsi e Tobia, a Tobia sáŋ sa və́ binèr sho.

Jeremia 33:9

Ŋkàlaʼ rə̀n wíy a fo mo vijuŋ wùn à kishéʼrì ki, à ghvə́me, é wáa dzə kiŋkoʼòrwùn kém e vitúm ví si. Vitúm vidzə̀m veé kitu ke nsay vi wíy lòo yu vinyo ve juŋ ve m yii e wír vémé, à mo m səəvì ŋkàlaʼ rə̀n, aá wáa fàn, a yàʼ.»

Joshua 2:9

«M kì ji Nyùy Tàr wày ne woŋ və̀n e věn kiwo, a kindzə́m kén kí gwàr ne ver, a wìr dzə̀m woó wòŋàn sí fan ven fánen.

Joshua 2:11

Kù mo vèr‑iì yuun vinyo vìn, tím yérí kpú, wìr dzə̀m seèm bìʼ ven. Rúrú, Nyùy Tàr woo Nyùy won kù dzə̀ wun Nyùy wo wù sáʼ yúv wùn à nsay.

Nsùyrì Nyùy 109:27

Yìi, aáwune kiíy ji sə́ rú á wò mo. Éè Nyùy Tàr, ku yiì, aá kiíy ji yiì a wò.

Nsùyrì Nyùy 129:5

Nyùy ku màʼ wír ve á ban Sion adzə̀m, e tsə̀y áwune é bàm, aá wáa woomé.

Nsùyrì Nyùy 147:2

Nyùy Tàr kfə̀n sí baʼrì Jerusalem. Wù li wír veé Jerusalem fo kwaʼ nsàm, li áwune, kfə́n sho e bàm.