Nehemia 6:14 - ŊWÀʼ NYÙY

¹⁴ Éè Nyùy wom, kuúmé kinyo ke Tobia wùn Sanballat yiìn kí, e màʼ ŋgeʼ aáwuné kitu. Màʼ sá e wiíy woo Noadia kitu, à kibér ke aŋgàa ntum ve wùn áwune taʼ a bemér moó.

Nehemia 6:14 Referans Kwoze

Nehemia 13:29

Éè Nyùy wom, kuúmé mo wír vìne lovtin e ghay vitàá cùu, e kfə̀n lòvtí e *mensaŋ mè, me vèn aàtàá cù, à wír veé ram Levìi‑iì gwàrìn.

Ŋgaà Yen 19:20

Á nèn tàm, wù koó nyám ye beemén rə̀y wùn ŋgaà ntum və wo wù‑uù rə́si ghán fo wùn mbìy, shóʼ virom, bóʼti wíri shó. A wù kù‑uù bóʼti a dzə̀ wír ve vé‑eè kér nsáŋti nyàm ye beemén rə̀y aáwuné wùn, ghvə́m kibámmbó kfə́. Mo á koon áwune, e nèn dù, e màʼ e kimbiirìn ke və́yí bo sho, baári moo mekàŋ.

1 Joon 5:16

Kí nén a dzə jii, vèn lóo yen, a fər won wùmòʼ jáy kinyo, vèn wàa lon ji Nyùy sə́ á wun. Vèn lóo lon, a bó wù yoʼ jày kinyo ke dzə̀ kí yiì, wù kpù, é Nyùy ku nèn sə̀ wun, é wù luŋ. Yii bèy, a dzə̀ wìr jày kinyo ke dzə̀ kí yiì, wù kpù, a bó m yòʼ suuy ji vèn wáa lon a ji Nyùy sə́ vee shooy vee wír.

2 Timoti 3:8

Wír vìne ghán, bívir kinyo ke Nyùy ke ru kí bívírín, réŋréŋ mo Janer wùn Jamber‑iì bívir kinyo ke Mooser. Kwaʼtì yéví kù tíy a dzə̀ é vinyò ve bi ví.

Matio 24:24

Vèn wáa kiíy jii, wíri wíy fəə anín, a boʼtí ji áwune dzə̀ Mfə̀ə́r, kìn ji *ŋgaà ntum Nyùy wùmòʼ, a yiì vinyo ji ví fíʼ a dìn vitaáví vé Nyùy, e kfə̀n a yiì viŋgaʼnìn ve vinyò vímóʼ ví ji á bóʼtí wíri, bo taaka ve Nyùy‑iì shoʼtin ne ji və́, aá jáy dzə́ə.

Matio 24:11

Wír ámóʼó wíy fəə anín, a boʼtí wíri ji áwune dzə̀ *aŋgàa ntum Nyùy, e yiì, é wíri jáy dzə́ə anín.

Matio 7:15

«Vèn wáa yen fo aŋgàa ntum kimboʼtìi nəə́ e věn ŋgoo. Wír vee shooyi woóne moo nyám ye bi ye yì màʼàn juv njiì, e nə̀ə́ e njiì ŋgoo ji wun laar njiì.

Jeremia 28:15

Ŋgaà ntum woo Jeremia nèn yòŋ e ŋgaà ntum woo Hananiya jii, «Hananiya, yuúrí, e yù, à yiì ne, wír vìne biímé kimboʼtì, a bó Nyùy Tàr yoʼ tùm wò.

Jeremia 28:10

Ŋgaà ntum woo Hananiya nèn sə̀ʼə́r kimbùŋ fo Jeremia mbèʼ, e bèʼtí,

Jeremia 28:1

Yì‑iì dzə̀ é kiya foo fèy, e ŋwee wo wú meen ji tàn, a kiyá kìn ki dzə̀ ke kí‑iì meen ji kweè mo Tsədekiya‑aà kèʼèn, a saʼ vifon e Juda, Hananiya wo yì‑iì dzəə̀n ji ŋgaà ntum Nyùy wùmòʼ wìy, e sùŋnín e Jeremia, a Jeremia dzə̀ é lav cù wùn aàtàá cùu, à wír ámóʼó anín. Hananiya‑aà dzə̀ wan Asur, a wù ló fó Gibeon. Wù‑uù sùúy ji

Jeremia 14:18

M lo ji m fəə́ e shweesí, m yèn a dzə̀ dzə́n sé wìr ve á kpuun rə́r. Lóo nəə́ e ŋkà se laʼ, m yèn a dzə̀ wír ve á sí kpú jíŋ, aàŋgàa ntum wùn aàtàá cùu ghán, yii a dzə̀ lim yév, a bó á yòʼ kì kinyo ke á yii.»

Jeremia 14:15

Bo ke mo woo Nyùy Tàr yoŋ kùm aŋgàa ntum ve á teʼen mo é si, a tiisí ntum kimboʼtì ki dzə̀ jii, mo áwune suuy ji bó rə́r wùn à jìŋ yòʼ yíi bàv e nsay fèn, bo m yíi laàr áwune, a kù dzə̀ e rə́r sí, e laàr e jiŋ.

Nsùyrì Nyùy 63:1

Éè Nyùy, à dzə̀ Nyùy wom wo m suyrì. M yár jiŋ yè, kér shii wò, kér feyì mo wìr keèrí shii mendzə̀v é kirə̀ʼ ké woʼ.

Nsùyrì Nyùy 22:1

Nyùy wom, Nyùy wom, à màʼày mo ji ka? M diy, kpú kpuún, aà dzə́ kwaʼda fóo sə mo ji ka?

Nehemia 5:19

Éè Nyùy wom, á kuumé rì mo e shiliv she juŋ shi, bìʼ kinyo kidzə̀m ke m yiìn e wír vìne.

Ŋwàʼ Fəə 15:20

Miriam woo jemèr Aaron‑eè dzə̀ *ŋgaà ntum Nyùy. Wù nèn lò, e lì shinshùm, vikìy adzə̀me lì sa sév e wun bàm, wùn áwune wáa kùm, a cèŋ.

Nsùyrì Nyùy 137:7

Éè Nyùy Tàr, kuúmé kinyo ke wír veé Edome‑eè yiìn kí. Kinyo ke vé‑eè yiìn é kishiíy ke wír veé Babilone‑eè tònèn Jerusalem. Kuúmé mo áwune kù‑uù kwá jii, «Á ku kètì Jerusalem kétin, e dù, e mèé e kinsə̀ŋ.»