Nehemia 6:13 - ŊWÀʼ NYÙY

¹³ Vé‑eè làʼ wun ji wù bémér á mo, é m yii kinyo kìn, e jày, aáwune fiʼ fò mo yír ye bií, e sèn mo.

Nehemia 6:13 Referans Kwoze

Jeremia 20:10

M yú, aá ghvəvrì mo mbìv sidzə̀m, virə́ʼ vidzə̀m vi sí beéme beèmén. Ŋkar sém sé tim sidzə̀m si sí suuy jii, «Á sómér wun, vèsən wáy wun e vé saʼá wo.» Á sí leey ji m bayrin, yoŋ jii, á lévtí wun, e kòóy kinyo kée màʼ wun sho, e nen siìr ŋkfə́tír.

Jeem 4:17

Kí nén a dzə jii, a wìr kì kinyo kee réŋ ke wù kì yíi yiì, e làa yòʼ yiì, bo wù yiì ne a dzə̀ kinyo ke bi kí, e lì njò.

2 Timoti 1:7

Kú a kuumé ji Kiyoy ke Nyùy bùʼùn vèsən shó ki yòʼ yii, a melív mèsən mè yaʼ yàʼàn. Kí távir tàvírín, kfə̀n yii, a vèsən koŋ wíri, kiiy mo dzə̀ vèsən wàa tiír kiwuú késən, a fìʼ.

Jeremia 18:18

Wíri nèn lò yòŋ jii, «Vèsən báʼtí, e yèn ó ji á sà‑áà yée e Jeremia a? Bó atàá cù ve á yéʼey vèsəné yòʼ wíy buŋ, a bó akiíy vé a naàrì vèsəné yòʼ wíy a buŋ, a bó aŋgàa ntum Nyùy vé a tiisí ntum rəə́ yòʼ wíy buŋ sa. Vèsən bá menàŋ, e bìvír wun sho, e làa yòʼ dzə́ə a yuurí kinyo kfə́.»

Ŋgàn 29:5

A wìr leerì ŋgaà və shweèsí e shúu, bo wù kù tám a dzə̀ lálán wo wù yíi ndzəv wun.

Nehemia 6:6

aá sáŋ jii: «Kí sì kikiíyín e vitúm ví mvəm, a Geshem sheŋrì ji dzə̀ á rú, vèn à wír veé Judàa taʼ e sə sáʼ. Á shií wo vèn baʼrì kay. Kí din ji à taʼ e yiì a dzə a fon wov.

Ŋgaà Yen 21:8

Yii bèy, ké wìr ámóʼó kí kù jòʼsì ne kimbiirìn ke və̀y fo və́yí bo, baári moo mekàŋ, a dzə̀ kpú yee akàŋ abaà. A kù dzə̀ áwune adzə̀m ve bó á yòʼ‑oò lo kùr shilív, a tiy e mǒ kinyò, e làa yòʼ a way shilív e mǒ wùn, tíy a dzə̀ é vinyò ve kisaŋ vi. Kìn dzə̀ wír wo wù yúyri wír, kìn ŋgaà kinjàŋ, kìn wo viŋkar, kìn wo wù sénin sə́m, kìn wo wù ghvə́m vifá vímóʼ ví ji Nyùy, e lì aŋgàa kimboʼtì adzə̀m.»

Titur 2:8

Kú a fèr jí si a dzə̀ se ru sí se bó yòʼ dzə̀ wìr wàa ker kinyo kée suúy e mvəm wó, é wìr wo wù kinèn kinyo késən fíʼ woomé, e buŋ kinyo ke dzə̀ wù lòr vèsən shó.

1 Timoti 5:14

Ke m suuy ki dzə̀ jii, vikǐy ŋkfə vee wónlèé wáa tàʼ a alúm vév, a dzəə́ wón, a leéy a fo kfə́ə. Á lóo yiì bèy, é la á yòʼ dzəə fò kintóʼ, áàŋgàa vibàn vesəné wáa roòmè vèsən.

2 Korin 11:12

M ku nèn a tiy a dzə̀ e kee shoon ki, fo wír ve á suuy vitú ji áwune dzə̀ aŋgàa ntum Kristùu maysi, a saà wún ji á lim réŋréŋ moo mo woo Por.

Lim Aŋgàa Ntum 6:13

Wír vìyi kfən wìy e vé kimboʼtì ámóʼó, á wáa toy vinyo e Tefan bàm, a suúy jii, «Bó wìr və̀n yòʼ yii dzə́ là fó kù a kuùrì *lav cù rə̀n wùn à *Nsər Mooser.

Matio 26:59

A vitú ve atàá cù wùn à vé wòŋe sí tar kinyo ke Jesus, taʼ wír ve á wáa toy vinyo e bàm wó, aá fíʼ tinén ji á yúy,

Matio 22:15

Wír veé mbìv *Farasii yuúrí ŋgàn rə̀y, e nèn fəə̀, e dù, a sìysì mo dzə̀ áwune gòvtì Jesus, é wù jáy lám, aá fiʼ koò.

Matio 10:28

Lá vèn yòʼ a fàn wír ve dzə̀ á yùyrí ven a dzə̀ fó wùn cáʼcáʼ, a bó yòʼ dzə̀ á kùm kiyóy kén. Wìr wo dzə̀ vèn wàa fàn dzə̀ Nyùy wo dzə̀ wù tàtí wún wùn à kiyoy ke wìr ki, e laàr e və̀y.

Esiker 2:6

«Fo wò wàn wìr msòŋ, lá à yòʼ fàn áwune wún wóo. Lá à yòʼ fàn kinyo ke áwune suuyì. Fə̀m mo kimbìn wùn à vitiír vé njoŋ vi gìmèn wò, aà dzə́ e kitu ke aŋgám, lá à yòʼ fàn kinyo ke áwune suuyì, kìn ji à weey bìʼ dzə́ə ye á leey wò sho. Áwune kù dzə̀ antavkìtu.

Jeremia 1:17

«Fo ké ki lèn, kúr ndzə̀y sé si, é sí táv. Tsəə́m, a fìʼtì vinyo vidzə̀m ve m suuy e wò vi. À lóo tiy aáwuné si, lá à yòʼ a yàʼ, fo m yii, áà maysi, a yàʼ yàʼàn.

Aysaya 57:11

Nyùy Tàr kú a dzər jii, «Anyùy ve vé‑eè bemerin ven, é bo vèn bóʼtí kimboʼtì vèsən, e làysìn mo ŋkuuŋkùŋe dzə̀ viné? Vèn tèn fó a ghvəm mo, bìʼ fo m kfəmen, e dzə̀ʼə̀m kisə́sə ntàmda à?

Aysaya 51:7

«Ven ve á kiìn kinyo ke ru kí, ven ve á yuun ntir sém, a yiì mo m koŋè, vèn yuúrí. Wíri lóo kuù ven, lá vèn yòʼ a fàn, á lóo shùr ven e liy si, lá vèn yòʼ a yàʼ.

Ŋgaà Tàrvìnyò 7:1

Liì wo juŋ wo wìr rə́si kérí bòŋ, e shaà biʼ yeé kilùm, a kishiíy kfə́ ké kpu ki bòŋ, e shaà kishiíy ke á dzəən wun.

Ŋgàn 22:1

Bòŋ kée shoʼ yír ye juŋe, e shaà vikuʼùy veé ŋàŋ. Bòŋ keé shoʼ koŋ ye wíri wáa kòŋ wò, e shaà mbàm.

Nehemia 6:12

Mò‑oò kìíy ne ji bó yòʼ tùm á Nyùy wun. Wù lò a dzə̀ á ntum Tobia wùn Sanballat ye á làʼàn wun ji wù tiísí.