Nehemia 6:11 - ŊWÀʼ NYÙY

¹¹ M nèn bìnèr jii, «A dzə̀ rú wír moo mo ben, wù wàa leʼ a? A dzə̀ wír moo mo ben, wù wàa dù e lav Nyùy ji wun luŋer kitú kfə́ à? Bó m yòʼ du.»

Nehemia 6:11 Referans Kwoze

Lim Aŋgàa Ntum 21:13

Wù bìnèr jii, «Vèn diy, semèr shilív shém ben ji ka? M dzə̀ kibáʼtín fóo nəə́ e sháŋ é Jerusalem, e kfə̀n a dzə kibáʼtín fóo kpu bìʼ Taàtá Jesus.»

Ŋgàn 28:1

Wír ve á méŋ Nyùyi nyéŋ là ŋgaà jùm, a ve á yú Nyùyi tíy ji ŋkǐŋ moo bvərə̀ʼ.

Filipi 2:17

Mo vèn wayin shilív e Wàn Nyùy wùn, a sheʼrí, bo dzə̀ cu mo vèn cu Nyùy. A wù ben yèn ji á yúyrí mo, e dzə̀sì cu yén shó, bo m kù nəə a dzə̀ e věn mvə̀m kisheʼrì, é vèsən maysi, a yu vijuŋ.

Lim Aŋgàa Ntum 20:24

Yii bèy, a bó m yòʼ yén kitú kém, a kí mee e kifa, e shaà ji m maysi lim ye Tàr wòsən Jesus‑eè wayin e mǒ kiwo ji m wáa fìʼtì sáʼka Nyùy wo juŋ, a naàrì mo wù bùʼùn wíri.

Nsùyrì Nyùy 112:8

Shilív sə́ shí tùúy ne, wù yòʼ fan kifá. Wù leey a dzə̀ fó mbìy ji Nyùy wíy màʼ a aŋgaà və́ vibàn.

Nsùyrì Nyùy 112:6

Kinyo ki yòʼ wíy sə̀ʼ wír wo wù yúnin Nyùy. Wíri kù wíy a kuumé wun, e dù, e jòʼsì.

Hibru 11:27

Mo wù kù‑uù wáy kfə́ shilív a dzə̀ e Nyùy wùn, wù nèn lò, e fəə̀ fó wòŋ Ejiv foo fèy, e làa yòʼ a fàn kinyo ke yì‑iì dzə̀ fòn yiì e wun, a wù fə̀m‑eè shwiiy kilòŋ moó le. Wù ku nèn a dù kfə́ dúun, e làa yòʼ a leéy bám, wáa dzə mo ghán wùn Nyùy, a wù yén Nyùy wo bó á yòʼ yii shóv e si.

Filipi 2:30

bìʼ fo wù‑uù wayin vifií e Jesus Kristu kinyò, e bèr gheéy fó kpu. A wù‑uù wáy nyár e wun wùn bey cáʼ ji wun li á kirə́ʼ ke yì‑iì dzəə̀n kén, e wìy, a sə mo.

Ŋgaà Tàrvìnyò 10:1

Kimkpú ke shifarìn ki lo, kí bìnèr kiyóʼóy ke bìʼ, kí wàa rə̀m, a bir, a kù dzə̀ mo shinyorìn she wìr yii, a wù yúŋsi yùŋsín shí lo, shí bìvír kinyo ke kí kér vifií, à ke kí kér ghvə́m ki.

Nehemia 6:9

Áwune‑eè taʼ e bemér ver bémérín, kér e kwàʼtì ji wó yérí lo, e weèy fo lìm fèn, é yí tiím. Yii bèy, kí ku nèn tàvír mo távírín.»

Nehemia 6:3

M nèn tsə̀nsí ntum aáwune ji m yíi a lim e kuʼùn, a bó yòʼ dzə̀ á m sə̀y. A sà dzə̀ m yèe, e bóo màʼtì, é lime tiím ji m sə́y, e yen áwune á?

1 Samuel 19:5

Wù‑uù tàm á wùn Goliat, e yùyrí, a bó wù yòʼ‑oò ló a ci a fó kpu. Nyùy Tàr nèn yiì a wír veé Israyi tòn veé Filistia e dzəə ye ghaʼán, a Fòn‑eè lo yèn á sa, wúné wáa bòŋ wun. Fòn sa kfə̀n a tàʼ e yiì kinyo ke bi kí e wìr woo là jay bèn, e yuyrí wun bìʼ ka á?»

Lim Aŋgàa Ntum 8:1

a Saul tíy fo, bínsi. Kèʼ fo kishiíy fóo fèy, á ku nèn a fo ŋgeʼ ye biibí e kintatì ke wìr Jesus keé Jerusalem ki, á wáa nyeŋkír adzə̀m, a taʼrí e wòŋ woo Juda. Ámóʼó dùkìr e wòŋ *Samaria, ku bèr aŋgàa ntum Jesus e Jerusalem cáʼcáʼ.

Aysaya 10:18

Fə̀m kóv woó Assiriya wo wú gháʼti ghàʼtín, e lì súm se sí borin, wù kù wíy tatí kifá kidzə̀m, e laàr laàrìn, réŋréŋ moo wír wo yàsí nəən é wùn wó, wù réŋ, e mày.

Nehemia 6:12

Mò‑oò kìíy ne ji bó yòʼ tùm á Nyùy wun. Wù lò a dzə̀ á ntum Tobia wùn Sanballat ye á làʼàn wun ji wù tiísí.

Kintaŋ 3:10

Ké Aaron wùn à wón vəə́, ku lèm áwune, aá kú a lìm lim yév ji atàá cù. Kí nén a dzə jii, a wìr woo və̀y shaà e mentsə̀m me kibàn ké Nyùy, bo wù kpú.»