Nehemia 6:10 - ŊWÀʼ NYÙY

¹⁰ Wáa dzə e ghan símóʼ sí, m dù ji m yén á Shemayia wo vé‑eè sə̀rìn wun e laʼ, a Shemayia və̀n‑eè dzə̀ wan Delaya woo wan Mehetabel, wù nèn a yòŋ e mò ji vèr wun du, e dzə̀ʼə̀m a dzə̀ á e lav Nyùy, e kirə̀ʼ kee jeéy kí, e sə̀tí fó, bìʼ á fo wíri yíi a wìy ji á yúyrí mo, aá yíi a wìy a dzə̀ á vitsə́ʼə́.

Nehemia 6:10 Referans Kwoze

Jeremia 36:5

Jeremia wìy lò, e yòŋ Baruk, e sùúy sho jii, «Á tìír ne mo fo Nyùy Tǎr lav.

Lim Aŋgàa Ntum 21:30

Á rəə́mé bey, mvə̀mlaʼ nèn lò, e bvəə̀rí e dzə̀m, wíri nyéŋkír, e wìy. Á kaáy Por, e sə̀ŋ, e fəə̀ shó fo lav cù fèy, á ku nèn a sətí shúu kishem fo bàm.

Joon 3:20

A kí dzə̀ bey, bìʼ fo wìr wo wù yii vinyo ve bi ví, ban rán yee shooy, léʼ leʼén fo á wáa yen vinyo ve wù yii.

Matio 7:15

«Vèn wáa yen fo aŋgàa ntum kimboʼtìi nəə́ e věn ŋgoo. Wír vee shooyi woóne moo nyám ye bi ye yì màʼàn juv njiì, e nə̀ə́ e njiì ŋgoo ji wun laar njiì.

Malakay 1:10

Wù yoŋ feyì jii, «Ke m taʼ ki dzə̀ ji wìr fo věn mvəm ku sə̀tí shúu lav cùu sə́tín, fo vèn kfən tòn və́y é kiy cù. M yòʼ kér shií won, a bó m yòʼ yíi səəsí cu yén. Á ke yòŋèn mo woo Nyùy Tàr woo Taà Mànjòŋ.

Esiker 3:24

Á bèy, Kiyoy ke Nyùy ki nəə́ e mǒ wùn, e nàn mo, e tìír e mǒ shwin. Nyùy Tàr yòŋ e mò jii, «Dù, e nə̀ə́ e wò lav, e tèʼ lav e wò kitu.

Ŋgàn 11:9

Wìr wo wù méŋ Nyùy lo, wù lòr ŋkar rə. Yii bèy, kiíy wìr wo wù yú Nyùyi dzə̀ yí bòyìr wun fo fo.

Nsùyrì Nyùy 37:12

Wír ve á méŋ Nyùyi ron wuú wìr ve á yúnin wun. Áwune ŋéyti sóŋ kibiíbí, kiʼ wír ve á yúnin Nyùy sho.

Nsùyrì Nyùy 12:2

Wìr dzə̀m kù sì ŋgaà lam baà, bóʼti a dzə̀ kimboʼtì e fər və, leerì wun e shúu.

Nehemia 6:12

Mò‑oò kìíy ne ji bó yòʼ tùm á Nyùy wun. Wù lò a dzə̀ á ntum Tobia wùn Sanballat ye á làʼàn wun ji wù tiísí.

Esra 10:31

Fo ram Harim, wáa dzə Elieser wùn à Ishija, à Malkija, à Shemayia, à Shimeon,

Esra 8:16

M nèn kùm wír ve yì‑iì dzəə̀n vilìmbìy, aá dzə̀ ji Elieser wùn à Ariel, à Shemayia, à Elnatan, à Jariv, à Elnatan wùmòʼ, à Natan, à Sekariya, e lì Meshullam, e kfə̀n kùm sa kfə́m sé wìr ve yì‑iì dzəə̀n Joyiariv wùn wùmòʼ woo Elnatan sa.

2 Wòŋ 29:7

Vé‑eè sə̀tí shuu se lav cù, e ndzə̀mér lam si, e làa yòʼ dzə́ə a tòn kiláy é kirə̀ʼ ke dzəə̀n ké Nyùy, e làa yòʼ dzə́ə a tòn sa cu si fó, a cù Nyùy wìr veé Isray sho.

2 Wòŋ 29:3

Yì‑iì dzə̀ é kiya ke mbìy ki, e ŋwee mbìyi mo Hesekiya‑aà kèʼèn, a saʼ vifon, wù mvə̀ʼtì shuu se lav cù, e yòŋ, á náŋsín.

2 Wòŋ 28:24

Fòn Ahas kfə̀n‑eè bùʼtì vinyo vímóʼ ví. Wù‑uù bàʼtí vifá ve ker vee Nyùy Tǎr lav, e bvə̀ʼtí bvəʼtín, e fìnrì shuu se lav, e kfə̀n tùúy kíy se cù virə́ʼ vidzə̀m e Jerusalem.

2 Afòn 11:3

Wù nèn kù a lìr e lav cù, a Jehosheba leey fo fo e bǎm kiya ntuùfú, a Ataliya kù sáʼ woŋ.

2 Afòn 9:8

Rám Ahav e dzə̀me wíy səʼsí. M wíy laàr wón vee vilum vee rám Ahav fo Isray, kìn dzə̀ wan nsay, kìn dzə̀ kwàn.

1 Afòn 6:5

Vé‑eè bòm mewón me lav, e làŋsìn e wǔn lav cù fo ndzə e virəv vee fó ghaŋ wùn à ké bàm kí.

Kèʼlo 36:39

Baal‑Hanan lày, á nèn kòʼór lèn a dzə̀ Hadar wo wù‑uù loòn fó mvə̀mlaʼ yee Pau. Yeè lav və‑əə̀ dzə̀ Mehetabel wo yè wov‑iì dzəə̀n Matred woo wan Mesahav.