Nehemia 6:1 - ŊWÀʼ NYÙY

¹ Á nèn lò, e duù e Sanballat wùn à Tobia, à Geshem woo wir Arab, à kibér ke aŋgaà vér vibàné ji m bàʼrì ne a kay, a bó shintoʼòn shi yoʼ waà dzəə bèr, aá yoŋ bèy, a bó m yóʼ ne fə̀m wàyrí visəŋ e shuù si.

Nehemia 6:1 Referans Kwoze

Nehemia 2:19

Sanballat woo wir Horon wùn à Tobia woo ŋgaà saʼ woó Ammon, à Geshem woo wir Arab yú kinyo kìn, e nèn a sheʼ ver, a yòŋ jii, «Vèn yii a dzə̀ ka kin? Vèn taʼ a tav kitú vèn à fòn à?»

Nehemia 2:10

Sanballat woo wír woó Horon wùn Tobia woo wir lìm woó Ammon yú ji wìr wìy ne a ji wun sə́ a wír veé Isray, kí nyár áwune é ŋàŋ.

Nehemia 4:1

Sanballat yú ji vèr sí bóm a kay, kí nyár wun, wù shwiíy kilòŋ, e nèn a sheʼ ver shéʼén.

Nehemia 3:3

Kfə́ə Hassenàa‑aà bòm Shúu Kày Sə. Áwune‑eè bòm, e wàyrí aŋkoytì wùn à shuu si mo sí‑iì dzəə̀n, e wàyrí mfìn si wùn à kóŋ sí.

Nehemia 3:1

Eliashiv woo taà cù wo kuʼùn wùn aàŋgàa ŋgoo və́ vee atàá cùu nèn bòm Shúu Kày Njiì, e shwì Nyùy sho ji sì á woo jeéyí, e nèn wàyrí shuu si. Vé‑eè bòm kirə́v ké kày, e kèʼ fo fo, e dù, e meé e Kirùmèn kee Wiì, e kfə̀n dù, e mèé e Kirùmèn kee Hananel, e nèn shwì sá Nyùy sho.

Daniel 9:25

Ku yuùrí kijuujùŋ, a kiíy jii, kèʼ mo ntum Nyùy‑iì fəən ji á baʼri Jerusalem, e siìr fo, ghán sí wíy shaà kiyá saàmbà, kàŋ saàmbà, e meé mo taà saʼ wo á yoʼon ne wíy wìy. Á wíy bom Jerusalem, e naŋsín dzə́ə seé mvə̀m sé laʼ wùn à virə́v vé kày vi, é wù tiím fó kiyá saàmbà, kàŋ nshòv sibaà e mntuùfú. Ghán sin si kù wíy a dzə sé ŋgeʼ.

Nehemia 3:6

Wír ve vé‑eè naŋsin Shúu Kày woo Jeshanàa dzə̀ ji Joyiada woo wan Pasea wùn Meshullam woo wan Besodeya. Áwune náŋsín bey, e neèr aŋkoytì, e wàyrí shuu si wùn à mfìn si, à kóŋ sé mfìn si.

Nehemia 7:1

Mo á bomen kay, m kfən wàyrí shuu sidzə̀m mo sí kér fó a dzə, á nèn lèm wír ve á shiy shuu si, e kfə̀n lèm vé yòvi, à wír veé ram Levìi, aáwuné virə̀ʼ vé lìm.

Nehemia 13:4

Kinyo kìn ki‑iì kooyì, a taà cù woo Eliashiv wo vé‑eè shoʼon, wù wáa leéy vitáv veé lav cù koó ne viŋkar wùn Tobia,