Nehemia 5:5 - ŊWÀʼ NYÙY

⁵ Vèr aàfə́r vérí dzə̀ mensə́ memòʼón, a wón vérí kù dzə̀ ji wón vév. Yii bèy, a vèr kù sí kér fó a fiìnè wón vér ji akwàn. Wón vér vee vikìy ámóʼó sì akwàn, a bó vèr yòʼ dzəə́ kér ghír wóo tin áwune. Kwáʼ sér wùn à súm sé vitiír vé vayin si sì a dzə̀ e wír ve səné.»

Nehemia 5:5 Referans Kwoze

2 Afòn 4:1

Wiiy ŋgaà ŋgoo wùmòʼ fo aŋgàa ntum Nyùyi wìy lò, e tòŋ e Elisha jii, «Lum wom woo ŋgaà wò lìm kpù ne. À kì ji wù‑uù kér a fán Nyùy. Yii bèy, ŋgaà kaa və wìy ne ji wun li a wón vém vee abaà ji akwàn və́.»

Aysaya 58:7

M taʼ ji vèn wáa jàv vifá vén vé yi e wír ve á yòʼ kéríi, a səəsí aŋgàa kitàn vee alàlav, a fo áwune kirə́ʼ ké shiíy. Vèn yén wír, a wù ghán kinshóʼ, vèn kùr ndzə̀y é wùn wó. Lá vèn yòʼ a ten fó a sə afə́r vén.

Kèʼlo 37:27

A sì ji vèsən yúyrí yuyrín, bo bòŋ, aá fiine e wónlě way vee wír vee Ishmael vìne. Lá vèsən yòʼ lèmér wun. Dzə̀ fər wòsən, vèsən áwune dzə̀ mensə́ memòʼón.» Nshù yee shooy gheén afə́r və́, á nèn biìmé.

Matio 18:25

sí gháʼ fo wù laʼ. Fòn suúy jii, á li, e dù, e fiìnè wùn à wiíy, à wóné, à kéŋ rəə́ e dzə̀m, e bàʼtí mbàm, e wìy a sho.

Kèʼlo 29:14

Laban yuúrí, e sùúy sho jii, «Rúrú, à dzə̀ mensə́ mem, à dzə̀ kibar kém ké wùn.» Jakov nèn dzə̀ʼə̀m wùn Laban ŋwee fur.

Aysaya 50:1

Nyùy Tàr nén a suŋnín, a suúy jii: «A fèn dzə̀ rú ji mò‑oò fə̀ə́r yè won woo Jerusalem, vèn dìn ri ŋwàʼ woo ji mò‑oò jùm wune. Wìr wo wù kaá mo, é bo m wáa fiìnè ven ji m laʼ kaá dzə̀ la? Vèn yuúrí, vé‑eè koòrí ven, e dù sho e kitum kímóʼ kí, a kù dzə̀ bìʼ vinyo vén ve bi ví. Rúrú, kù‑uù yiì liì won kisaŋ, é bo á koórí ven.

Ŋgàn 22:7

Mo ŋgaà mbàm kù yii kóʼ ŋgaà kitàn kóʼón, bo kù dzə̀ sá réŋréŋ mo ŋgaà mfoòmé kù dzəə̀n sá kwǎn ŋgaà foòr.