Nehemia 5:19 - ŊWÀʼ NYÙY

¹⁹ Éè Nyùy wom, á kuumé rì mo e shiliv she juŋ shi, bìʼ kinyo kidzə̀m ke m yiìn e wír vìne.

Nehemia 5:19 Referans Kwoze

Nehemia 13:31

M kfən sìysì sa ji á wáa wìy a e meŋkaʼ mè e ghan se á lèmèn, à cu vifa ve mbìy ve á kavin ví. Éè Nyùy wom, á kuumé rì mo é shiliv she juŋ shi.

Nehemia 13:22

M lò, e kfə̀n fò sáʼ ji wír veé ram Levìi kfə́mrí á vitú vév, e dù, a shìy a shuu se kày, é kishiíy ké bam ki fíʼ a dzə a kee jeéy kí. Éè Nyùy wom, kú a kuumé rì sa mo bìʼ kin, a sham mo bìʼ koŋ yé ye ghaʼtíné ye yí tíy fo ghán sidzə̀m.

Nehemia 13:14

Éè Nyùy wom, kú a kuumé mo bìʼ vinyo vìn, e làa yòʼ làysìn vinyo ve juŋ ve mò‑oò yii e wò woo Nyùy wóm lav wùn à lim ye mò‑oò limèe.

Nsùyrì Nyùy 106:4

Éè Nyùy Tàr, à lóo yìi sham wír vé, kii wò, à kù kuùmé mo. À lóo lùŋèr áwune, à lùŋèr sá mo.

Jeremia 29:11

Mo woo Nyùy Tàr suuy jii, m kì vinyo ve m leemè ven shó, m leemè e dzəʼə̀m ye juŋe, a bó yòʼ dzə̀ e ŋgeʼ. M wíy yiì, é vèn wáa dzə kijuŋ, a leéy fó mbìy, a ker kwaʼtì ye juŋe,

Maak 9:41

Vèn wáa kiíy rú jii, a wìr fə̀m fò ven a dzə̀ bàr mendzə̀v ji bìʼ fo vèn dzəə̀n vém vee wír, bo ŋgaàŋ kù wíy a ker vilaámé.»

Matio 10:42

Vèn wáa kiíy rú jii, a wìr fə̀m fò a dzə̀ bàr mendzə̀v e wìr wùmòʼ ji bìʼ fo dzəə̀n wóom woo wír, a fə̀m dzə̀ shiwír e le, bo ŋgaàŋ kù wíy a ker vilaámé, a bó yòʼ dzə̀ ví bùŋ.»

Nsùyrì Nyùy 40:17

M dzə̀ ben, a m dzə̀ ŋgaà kitàn, a dzə ghéʼncey, a Nyùy Tàr kù kuúme mo. Éè Nyùy wom, à dzə̀ ŋgaà sə wom, a dzə Mfə̀ə́r wom. Lá à yòʼ ndzə̀y fóo sə mo.

Kèʼlo 40:14

Kii wò, kinyo ké ki yií boŋè, à kù kuùmé mo. Ku naàrì kinyo kém kí e Farao, é wù fəə́r mo fó sháŋ fen.

2 Afòn 20:3

«Éè Nyùy Tàr, m lón wò lónén. Kuúmé mo mò‑oò ghán e wò mbòv tìítiy, e shilív shém shí shidzə̀m.»