Nehemia 5:17 - ŊWÀʼ NYÙY

¹⁷ Kímóʼ kí sá jii, wír veé Juda wùn à vé lìm bàràʼa kù‑uù yíkir e mǒ nsaàlav wír kishóv mtàn e wiì, e bóo lì wír ve vé‑eè lo, á wìy fó vitum ve ví kaarin ver.

Nehemia 5:17 Referans Kwoze

1 Afòn 18:19

Lèn və̀n, kí nén a dzə jii, ‹Fòn toóy á wír veé Isray, aá báʼtí adzə̀m e mǒ si e Gwan Karmel. Fòn toóy á sa aŋgàa ntum Baal vee kishóv mtàn e ghiì kweè, e tòóy sa vé nyùy woo *Ashera vee ghii kweè ve Yaà Jesebel yiirì, aá báʼtí fó.› »

2 Samuel 9:7

Davir suúy e wun jii, «Lá à yòʼ a fàn. M lo, e bùʼ wò bìʼ tàr won Jonatan. M lo, e siìr ŋgvən Saul woo tàr à tàr won e wò, e kfə̀n lì wò, áà wáa yikír wòsò ghán sidzə̀m.»

Ŋwàʼ woó Rom 12:13

Wìr yén, a fər və woo ŋgaà biìmé búŋ kifá, wù kù kòóy kifá, e sə̀ wun sho. Vèn kfə́n a səəsí afə́r vén e věn melav.

Aysaya 32:8

Yii bèy, wìr woo wír kù kér vinyo ve wù yii, a dzə̀ ve dzə̀ á wàa ghvəm. Wù táŋ kinyo ke juŋ ke wù taʼ e yiì, wù kù a tiy a dzə̀ e kíwun ki.

2 Samuel 9:13

A wúnwun woo Mefiboshet kù dzə́ e Jerusalem, yikír wùn fòn, a wù‑uù dzə̀ wír, a wù ndzə́m wuú e dzə̀m.

Nehemia 5:16

Mò‑oò wày wún, a gisín a dzə̀ é kimbom ke kày yeé ŋkàlaʼ, e làa yòʼ a shii ŋgvən. Aŋgaà vém lìme kù‑uù bàʼtí adzə̀m, a lìm sa fo.

1 Afòn 5:3

«Wù kì á ji yòʼ‑oò dzə̀ Davir woo tàr wov yù á fóo bàʼrì lav Nyùy Tàr woo Nyùy və, bìʼ rə́r se wù‑uù maʼ wùn aàŋgaà və́ vibàn ve vé‑eè kaarin wun, e tàrí. Wù‑uù maʼ bèy, kí ji Nyùy Tàr yíi yiì, é wun ton áwune adzə̀m, é bo á baʼri lav cù.