Nehemia 5:15 - ŊWÀʼ NYÙY

¹⁵ Yii bèy, atǎr saʼ ve vé‑eè dzəə̀n e mǒ mbìyi‑iì rə́ʼəy wíri, sə́ mbàm *ashekel mkweè, a dzə̀ see kisha ke mbàm ke fəvír kí, ji mbàm se taà saʼ se viyikìr wùn à sé melùʼ seé kishiíy sí. Aŋgàa lìm véví kfə́n a nə̀ʼsì sa wíri. Fo kém kí, bó m yòʼ yii bèy, bìʼ fo m ghvə́m Nyùy.

Nehemia 5:15 Referans Kwoze

Nehemia 5:9

M nèn shaà fo mbìy, a suúy jii, «Kinyo ke vèn yii ki yòʼ gheenè. Vèn kì yíi a fàn Nyùy wòsən, a ghan e wun mbòv fo vèsən shoór kitú, é vitúm vee aŋgaà vesə́n vibàné wáa jàʼ vèsən.

Aysaya 50:10

Wìr fo věn mvəm wo wù wayin ŋàŋ, a ghvəm Nyùy Tàr, e wày ŋàŋ, a yunín ŋgaà lìm və dzə̀ la? A ndzə lòo dzə, e màʼ wun, wù wáa ghan, a ghaà virə́ʼ gháan, ŋgaàŋ kù tìír a dzə̀ Nyùy Tàr fó mbìy, a yeʼtí a dzə̀ e wun woo Nyùy və́ wùn.

Ŋgàn 16:6

A wìr koŋ Nyùy Tàr, tíy e suuyrú, Nyùy Tàr wàa kòŋ wun. Wìr wáa ghvəm wun, ŋgaàŋ wàa bàʼàr yii ye bií.

2 Korin 11:9

Mò‑oò ló a buŋ kifá, a bó m yòʼ‑oò ló a leéy ven gheéy. Vintatì veé Masedonia vi túm afə́r vesən ámóʼó, á wìy e vifá ve mò‑oò búŋ vi vidzə̀m. A kù dzə̀ mo m wíy a dzə, a bó yòʼ dzə̀ m wàa leéy kifá kímóʼ kí fo vèn gheéy.

Matio 5:47

A vèn lò, a shàʼtì a dzə̀ ŋkar sén, vèn wàa kwàʼtì ji vèn yii ka ke juŋ kímóʼ kí? Wír ve bó á yòʼ kiìn Nyùyi yii sa bèy.

Ŋwàʼ Jov 31:23

Àáy, mò‑oò fan kém laar ye Nyùy laar wíri fánen. M kù‑uù fan Nyùy ji fon wo ghaʼán.

2 Korin 12:13

Mò‑oò lo lìm e věn mvəm réŋréŋ mo mò‑oò lim e vintatì vímóʼ ví. Kù mày cáʼ ji m yòʼ‑oò ló a leéy kifá kímóʼ kí fo vèn, e bó a yi. A mò‑oò jày kee shooy jáyín, bo m kù‑uù jày ne. Vèn kù làysìn rì jay wom.

Ŋgàn 29:12

A taà saʼ yuúri fo vé kimboʼtìi, vé lìm və́ adzə̀me bìr.

Nsùyrì Nyùy 147:11

Wù yii yú vijuŋ a dzə̀ vé wìr ve á ghvə́m wun, leey a dzə̀ áwune ve á koŋ wír və́, tíy wùn áwune.

Nsùyrì Nyùy 112:1

Á wáa burí Nyùy Tàr. Bòŋ ké wìr wo wù ghvə́m Nyùy Tàr, tiir vifií é ŋàŋ a dzə̀ e wun nsər.

1 Samuel 8:15

Vèn wíy lòo kav vifá, aá wáa jàv virə́ʼ e ghvə̀m, a fo kirə́ʼ kee kimòʼón ki aàtǎr ntoʼ vəə́ wùn à e nsheèlav sə́ sí.

Kèʼlo 20:11

Abraham bìnèr sho jii, «Mò‑oò rəm jii, bó fan Nyùyi yòʼ dzə̀ á e wòŋàn, fə̀m à shishàr sho. A yì‑iì dzə̀ á yùyrí mo bìʼ wíiy wom.

Kèʼlo 42:18

Vishiíy ví rún ji vitaár, Joosev suúy aáwune jii, «M dzə̀ wír wo wù fan Nyùy, a kinyo ki dzə̀ shó kimòʼón ke a vèn yiì, bo á bòy ne.

Nehemia 5:16

Mò‑oò wày wún, a gisín a dzə̀ é kimbom ke kày yeé ŋkàlaʼ, e làa yòʼ a shii ŋgvən. Aŋgaà vém lìme kù‑uù bàʼtí adzə̀m, a lìm sa fo.

Jeremia 32:9

M nèn yùn súm woó Anatot və̀y fo fər wom Hanamel, e fìʼ *kisha ke mbàm ke fəvír kí *ashekel nshòv saàmbà e ghvə̀m, e làʼ sho.

Yòvdìy 5:8

Sí sáʼ akwǎn aŋgàa vibàn ver, là wír wóo bòyìr ver fo áwuné wo.