Nehemia 5:14 - ŊWÀʼ NYÙY

¹⁴ Kímóʼ kí kfə́n a dzə jii, e kèʼ fo ghan se vé‑eè lèmèn mo ji taà saʼ woó Juda, m sáʼ kiyá nshòv sibaà e ghvə̀m, bó wìr fo vèr à wír vémé yòʼ‑oò yiì yì kifá fo vifa ve vé‑eè yii lo, á wàa fo ji vé taà saʼ. Vé‑eè lem mo, a Fòn Artakerkes sáʼ ne kiyá mbaà, m sáʼ, e dù, e mèé e ghan se wù‑uù saʼan ne ji kiyá nshòv sibaà e mtaár.

Nehemia 5:14 Referans Kwoze

Nehemia 13:6

Vinyo vìn vi‑iì kooyì, a bó m yòʼ dzə̀ é Jerusalem. Mò‑oò dù fo fòn Artakerkes wùn, e kiya ke kí‑iì meen ne ji nshòv sibaà e mtaár, mo wù‑uù saʼan ne vifon və́ é Babilon. M wìy dzə̀ʼə̀m fo, e nèn lò, e bùn ji fòn ku màʼtì,

Nehemia 2:1

Wáa dzə e kishiíy kímóʼ kí é ŋwee woo Nisan, a Fòn Artakerkes sí sáʼ ji kiyá mbaà, á wìy e meluʼ mè, e fò shó. M nèn lì, e wàyrí wun sho, a m yii bèy, sə́nri, a bó fòn yòʼ‑oò yiì ne yèn, a m wiy e wun si, sə́nri.

1 Korin 9:18

Mo kí dzəə̀n ben, bo wóom woo séʼ dzə̀ ka lèn? Kù dzə̀ shéʼrí ye m shéʼri mo m fiʼtì sáʼka Nyùy wo juŋ fíʼtin kisáŋ, e làa yòʼ a dzər kifá ke kì dzə̀ á fò e mò woo ŋgaà fìʼtì.

Nehemia 1:1

Jí se Nehemia woo wan Hakalia. Yì‑iì dzə̀ é ŋwee woo Kislev, e kiya ke kí‑iì meen ji mbaà mo Fòn Artakerkes‑iì yiin vifon, a saʼ e Persia, a m dzə̀ é ŋkàlaʼ ye wiy yee Susa,

Matio 25:16

Wìr wo wù‑uù kér vibam vitàn və̀y siíy, e kàvnín wáy e mbàm sìy si, e kòóy séʼ sa vibam vitàn.