Nehemia 4:5 - ŊWÀʼ NYÙY

⁵ Lá à yòʼ sù njò yev. Kú a way síi aáwuné ajay, bìʼ fo áwune shoorin ne vé kimbome e liy si.»

Nehemia 4:5 Referans Kwoze

Jeremia 18:23

Éè Nyùy Tàr, à kì menàŋ me áwune kár e mǒ bàm ji á yúyrí mo. Lá à yòʼ làysìn ajay vév. Lá à yòʼ màʼày vinyo vév ve bi ví. Ku yiì, áàŋgàa vibàné ton áwune. Ku nə̀ʼsì áwune é ghan se dòʼshwiiy wò koʼon.

Nsùyrì Nyùy 109:14

Nyùy Tàr kú a kuumé vinyo ve bi ve atǎr ŋgaà wom vibàné‑eè yiìn. Lá wun woo Nyùy Tàr yòʼ sù vinyo ve bi ve yè wov‑iì yiìn.

2 Timoti 4:14

Kú a kiíy ji Aleŋsanda woo ŋgaà kilàm bìvír a vinyo vém féyì, a Nyùy wíy làʼ wun fo kinyò ke wù‑uù yiìn.

Aysaya 44:22

M làysìn ne ajay vén, e sə̀ʼsí, á ŋeémé, e lày, kù moo mbàʼ ye shwéri jùmèn. M shàʼàr ne vinyo vén ve bi ví, ví máy, kù moo kintòn ke shùy lóo ban, kí mày. Vèn kfə́n é bàm, e kòʼtí e mǒ mentsə̀m, mò‑oò yùn ne ven, e làʼ.

Aysaya 43:25

Yii bèy, mómò, m kù dzə̀ kém ji Nyùy wo m laysìn ajay vén, sə́ʼsi, a m laysìn, a dzə̀ bìʼ yír yém. A bó m yòʼ dzəə́ wìy a kuumé ajay vén.

Nsùyrì Nyùy 51:1

Éè Nyùy, shám mendzə̀n mem mè. Ku shàm mo, bìʼ fo à yii koŋ wír vé kóŋen. Sə́ʼsí ajay vémé, bìʼ fo à yii shám wíri é ŋàŋ.

Nsùyrì Nyùy 51:9

Làysìn vinyo ve bi ve m yiìn ví, e sə̀ʼsí ajay vémé adzə̀m.

Nehemia 4:6

Mo melív me wíri mè‑eè tíy e lìm, vèr ku nèn bòm kay, e tàtí virə́v, e kòʼ, e mèé e ntìntìn mo vida vi‑iì yíi a dzə.

Aysaya 2:9

Á bèy, wìr msòŋ kfə̀n ne ji kifá ke kisaŋ ki. Wìr dzə̀m sèn ne kitú kfə́, a neŋ neŋén é nsay. Nyùy Tàr, lá à yòʼ kfə̀n nàn áwune.

Yòvdìy 1:22

«Nyùy Tàr, ku lèéy liì kisaŋ wo áwune kérí e dzə̀m, e màʼ ŋgeʼ aáwuné kitu. Ku màʼ, réŋréŋ mo wò‑oò màʼàn e mǒ kitu, bìʼ vém vee ajay adzə̀m. Ku màʼ bèy, bìʼ fo m sí shwíkir e ŋàŋ féyì, a shilív shém shí yaʼ yàʼàn.»

2 Samuel 17:2

M yíi sàsìn, e nəə́ wun, a wù dór ne, a bó wù yòʼ dzəə́ kér kitar, é wù fan, é wír ve wùn áwune dzəə̀né léʼkír. M yíi yuyrí a dzə̀ fon cáʼ,