Nehemia 4:17 - ŊWÀʼ NYÙY

¹⁷ ve vé‑eè bóm kayí bàm. Wír ve vé‑eè béʼ vifá ve lìme‑eè lo, wìr wàa yiì lim e kiwó kímóʼ kí, a ker kifá ke rər e kímóʼ kí.

Nehemia 4:17 Referans Kwoze

2 Timoti 4:7

M yiì ne yéem yee mbìv. M fùnèn ne e Nyùy kinyò feyì, e sò kinyeŋ ke mò‑oò nyéŋé, a tiy kitávín vèr Nyùy wo m wayin shilív é wùn wó.

2 Timoti 2:3

Ku tàtí vèsən, e biìmé ŋgeʼ moo ŋgaà rə̀r wo juŋ wo wù maʼ rə́r a dzə̀ sé Jesus Kristu.

2 Korin 6:7

Lóo suúy kinyo, á kù a suúy a dzə̀ ke ru kí. Lo, e ghan símóʼ sí, vèr wàa yiì vinyo ve ví din vitaáví vé Nyùy. Mo liì wor yénsin tìítiy, nén a dzə moo kòŋ ye vèr maʼ rə́r sé Nyùy sho, e kfə̀n a dzə moo ŋkeè wo vèr kiŋ vitú vér shó.

Filipi 1:28

Lá vèn yòʼ a fàn wír ve á ban kinyo kén fánen. Vèn lóo yiì bèy, é nèn a dzə vifiʼìr ve áwune wáa yen ji Nyùy wíy lùŋèr ven, e laàr áwune á láarin.

1 Korin 16:13

Kén kí nén a dzə jii, vèn ku wày a dzə̀ á vifií, a tiy kitávín é kinyò ke Jesus Kristu ke vèn biimen. Vèn ghár melív men, é mè táv.

1 Korin 16:9

M kòóy ne kintóʼ ke kuʼùn kí fen ke dzə̀ m wàa lìm lim Nyùy sho. Mo wír ámóʼó fə̀m ban mo fen anín, m kì ji lim rə̀ne wíy a ker a séʼ wo kuʼùn.

1 Korin 9:12

Mo wír ámóʼó kér kilíŋ, kooy vifá fo vèn, bó yòʼ dzə̀ vèr wàa ker kilíŋ ke kí shaa ké vee shooy vee wír à? Yii bèy, a bó vèr yòʼ‑oò lo lì kér kee kilíŋ gheéy. Vèr‑iì yèn ji kí bòŋ a ji vèr biímé ŋgeʼ sidzə̀m fó jivír fo sáʼka wo juŋ woo kùm Jesus Kristu wáa sàmèr cércér.

Daniel 9:25

Ku yuùrí kijuujùŋ, a kiíy jii, kèʼ mo ntum Nyùy‑iì fəən ji á baʼri Jerusalem, e siìr fo, ghán sí wíy shaà kiyá saàmbà, kàŋ saàmbà, e meé mo taà saʼ wo á yoʼon ne wíy wìy. Á wíy bom Jerusalem, e naŋsín dzə́ə seé mvə̀m sé laʼ wùn à virə́v vé kày vi, é wù tiím fó kiyá saàmbà, kàŋ nshòv sibaà e mntuùfú. Ghán sin si kù wíy a dzə sé ŋgeʼ.

Nehemia 4:13

M nèn bàʼtí vé rərí, e fò nyùy sé rər aáwune wùn à kòŋ sí, à vinte vi, e lèmrì áwune mo kfəə́ si dzə̀kìn, á wáa tiy e mbìv kày yee fó ròŋ, a shìy virə́ʼ ve ví‑iì dzəə́ tíy kimbéʼ.

Nehemia 4:16

Mo kí kooyin bey, e kèʼ fo ghan fen, kintoʼnìn ke vé lìm vém kí nèn a bom bomén, kintoʼnìn ki wáa shìy shiy, a ker kòŋ sí wùn aàŋkèe rərí, à vinte vi, à ndzə̀y sé kishà si. Vilìmbìy vi nèn tìím kitávín e wír veé Juda

Nehemia 4:18

Vé kimbome‑eè lo, wìr wàa bom, a ker nyùy rə rə̀r e wun kiyeŋ. Ŋgaà wo wù tóŋ sóŋ‑eè tíy kfə́ a dzə̀ e mǒ ghaŋ.

Nsùyrì Nyùy 149:6

Wír Nyùyi kú a yòv ghán sidzə̀m, a koʼór yír Nyùy Tàr, a ker nyùy sév sé rər é wo, nyùy, aá baáy mbìv sidzə̀m,

Yòv Viŋgér 3:8

Wìr dzə̀m kì móo màʼ rə́r kijuŋ feyì, aá máʼ ne kàŋ là táŋ. Wìr mòʼón mòʼón kùr nyùy rə̀r é wùn, a dzə kibáʼtín, fo kinyo ki sasin, e kòóy vitsə́ʼə́.

Joel 2:8

Sí yòʼ ghán, tsə́yninè. Sidzə̀m si kù tiir kitú, du a dzə̀ fó mbìy. Sí tóʼnin kifá kidzə̀m ke á téʼ áwune shó toʼnín, a bó yòʼ dzə̀ kifá ki sə̀ə́r áwune.